Genesisi 48:21 - Tshwa Bible

²¹ Zonake Israeli aku ka Josefa: Nzi tafa; kanilezi Nungungulu i tava na nwina, i ta mu tlhelisa muya tikweni ga vakoko va nwina.

Genesisi 48:21 Referans Kwoze

Genesisi 50:24

Zonake Josefa aku ka vanakulobye: Mina nzafa; kanilezi Nungungulu i ta mu enzela, hakunene i ta mu humesa ka legi tiko, a mu yisa tikweni legi a nga hlambanya ka Abrahama, na Isaka, na Jakobe, lezaku i ta va nyika gona.

Genesisi 46:4

Mina nzi ta relela zinwe na wena le Gipite, hakunene, nzi ta tlhela kambe nzi ku kanzihisa nzi ku neha leno; Josefa i ta vala a mahlo ya wena kufeni ka wena.

Genesisi 28:15

Languta, nzi na wena, nzi ta ku hlayisa a ndleleni yontlhe ni laho u yako kona, nzi ta ku wuyisa kambe ka legi tiko; hakuva nzi nga ta ku tsika na nzi nga se maha lezi nzi ku byelileko zona.

Genesisi 26:3

Tshama tikweni legi, nzi tava na wena, nzi ku katekisa; hakuva wontihe laya matiko nzi ta ma nyika ka wena ni ka pswalo wa wena, nzi ta tiyisa xifungo lexi nzi nga hlambanya ka Abrahama a raru wa wena.

Maheberu 7:3

A nga hi na dadani, a nga hi na mamani, a nga hi na lixaka, a nga hi na kusangula ka masiku, hambu ni kugumelwa ka kuhanya kakwe, kanilezi i fanana ni Nʼwana wa Nungungulu, a simamisa a hi mupristi kala kupinzuka.

2 Pedro 1:14

Hakuva nza zi tiya lezaku a xaxa wa mina wu ta susiwa hi xitshuketi, kota lezi a Hosi ya hina Jesu Kristu a nga nzi tivisa. Joh. 21:18, 19; 2 Tim. 4:6

Maheberu 7:8

Kwalaha lava va tekako za wukhume hi vanhu lava va fako, kanilezi leyo zi amukelwa hi munwe ku kustumunywako ha yena lezaku wa hanya.

2 Timote 4:6

Hakuva makunu va lombela ha mina, a xikhati xa kusuka ka mina xi chikele.

Mitiro 13:36

Hakuva anzhako ka kuva Davida a tirile a khungo ga Nungungulu xizukulwaneni xakwe, i lo etlela, a lahliwa zinwe ni vakoko vakwe, a wona kubola;

Luka 2:29

Makunu Hosi, tsika a nanza ga wena gi famba hi kurula, Khwatsi hi mhaka ya wena; Fil. 1:23

Tisimu 18:46

Jehova wa hanya! A gi dumiswe a ribye ga mina! Ngha a kuliswe a Nungungulu wa kuhanyiswa ka mina!

Joxua 23:14

Langutani, inyamutlha mina nza famba hi ndlela ya yontlhe misava. Nwina ma zi tiva khwatsi hi timbilu tontlhe ta nwina ni mihefemulo yontlhe ya nwina, lezaku ku hava ni ginwe gezu ka wontihe magezu yo saseka lawa Jehova Nungungulu wa nwina a ma wulileko hehla ka nwina, ma nga kala ku maheka; kanilezi ma mahekile wontihe, ku hava ni gezu ginwe gi wileko hasi.

Joxua 3:7

Jehova i te ngalo ka Joxua: Inyamutlha nzi ta sangula ku ku kulisa mahlweni ka vontlhe va ka Israeli, kasi va fela ku zi tiva lezaku nzi tava na wena khwatsi hi lezi nzi nga hi zinwe na Mosi.

Joxua 1:9

Xana a nzi ku leletelangi, nziku: Tiyisa a mbilu, uva ni ntamu: u nga chavi, u nga tsemeki hlana; hakuva Jehova Nungungulu wa Wena i zinwe na wena kontlhe lomo u ta ngava kona.

Joxua 1:5

A ku kona munhu loyi a ta nga tiya a yima mahlweni ka wena ka wontihe masiku ya wutomi ga wena; khwatsi hi lezi nzi nga hi na Mosi, nzi tava na wena, cima nzi nga ta ku tsika, hambu ni ku ku siya.

Deuteronome 31:8

Jehova i ta famba mahlweni ka wena, ava zinwe na wena; cima a nga ta ku tsika, hambu ni ku ku siya; hikwalaho u nga chavi u mbhela ntamu.

Genesisi 37:1

Jakobe i wa akile tikweni ga le Kanani legi a raru wakwe a nga luvele ka gona.

Genesisi 15:14

kanilezi a mufumo lowo va ta nga wu khozela nzi ta wu lamula; ni nzhako ka lezo va ta huma ni kufuma ka hombe.

Genesisi 12:5

Na Abrama i lo teka Sarai a sati wakwe, na Loti a nʼwana wa nakulobye, ni tshomba yabye yontlhe, leyi va nga wa fuyile, ni malanza lawa va nga wa ma kumile le Harani; va lo suka vaya tikweni ga le Kanani.

Deuteronome 30:3

Jehova Nungungulu wa wena i ta hunzulusa wukhumbi ga wena, a ku hawukela, a engeta a ku tsombanyisela ka wontihe matiko lawa Jehova Nungungulu wa wena a nga wa ku hangalasile ka wona.

Genesisi 15:16

Hi ka xizukulwana xa wumune va ta wuya kambe lomu: hakuva a kuonha ka maAmori lezi a ku se nga tala.

Genesisi 47:29

Laha a xikhati xa kufa ka Israel xi nga wa tshinele, yena i lo vitana Josefa nʼwana wakwe, aku ka yena: Loku mina nzi kumile thomo mahlweni ka wena, enghenisa a canja ga wena lahasi ka hangaswa ga mina, u nzi mahela hi liranzo ni kutsumbeka, lezaku u nga nzi lahli lomu Gipite.

Genesisi 50:6

Zonake Faro aku ka yena: Kanziha u ya lahla raru wa wena kota lezi a ku hlambanyisileko.