Genesisi 46:2 - Tshwa Bible

² Nungungulu i lo wulawula na Israeli hi muwoniso wa wusiku, aku: Jakobe, Jakobe! Yena i lo hlamula aku: Hi mina loyi!

Genesisi 46:2 Referans Kwoze

Genesisi 15:1

Anzhako ka lezi zilo ni gezu ga Jehova gi lota ka Abrama hi kulora, giku: U nga chavi, Abrama! Nzi xitlhangu xa wena; a nchachazelo wa wena wa hombe nguvu.

Mitiro 16:9

Ni wusiku ku lo woneka a muwoniso ka Paule, wa wanuna wa le Makedonia a nga yima a mu khongotela, aku: Tlhatuka, uta leno Makedonia, u ta hi vunetela. Mitse. 12:6; Xip. 10:30

Mitiro 10:3

Hi siku go kari i lo wona muwoniso hi hora ya wuntlhanu ni mune, a ngelosi ya Nungungulu na yi enghena ka yena, yiku ngalo kakwe: Korneliu!

Mitiro 9:10

Le Damasku ku wa hi kona a mupizani a tibyako Ananiasi. A Hosi yiku ngalo ka yena hi muwoniso: Ananiasi. Yena aku: Nzi laha, Hosi.

Mitiro 9:4

I lowa hasi, azwa a gezu gi ngaku ka yena: Saule, Saule, hi yini u nzi xanisako ke? Mat. 25:40

Danieli 2:19

Zonake a fihlakalo wu lo wonekeliswa ka Danieli hi muwoniso wa wusiku. Danieli-ke a khesa Nungungulu wa le tilweni,

Joba 4:13

Lomu maalakanyweni ya miwoniso ya wusiku, A xikhati lexi a wurongo ga kueta gi khomako vanhu,

2 Kronekele 26:5

I lo chivirika ku hlota Nungungulu masikwini ya Zakaria loyi a nga wa pimisisa miwoniso ya Nungungulu; a masiku wontihe lawa a nga wa hlota Jehova, Nungungulu! lo mu katekisa.

1 Samueli 3:10

Jehova i lo ta yima, a vitana kambe kota zinwani zikhati, aku: Samueli, Samueli! Zonake Samueli, aku: Wulawula, hakuva a nanza ga wena ga ingisa.

1 Samueli 3:4

Jehova i lo vitana Samueli. Yena i lo hlamula, aku: Nzi laha!

Mitsengo 24:4

I gezu ga loyi a ingisako timhaka ta Nungungulu, Loyi a wonako mahanjalati ya Nyamintamu, Loyi a koramako, zonake a mahlo yakwe ma vululeka.

Mitsengo 12:6

Zonake aku ngalo: Zwanani timhaka ta mina! Loku ku hi kona muprofeti xikari ka nwina, mina Jehova nzi ti tivekisa ka yena hi miwoniso, nzi wulawula naye hi miloro.

Genesisi 31:11

A ngelosi ya Nungungulu yi te ngalo ka mina hi kulora: Jakobe! Nziku: Nzi laha.

Genesisi 22:11

A ngelosi ya Jehova yi lo mu vitana hi le tilweni, yiku: Abrahama. Abrahama! Yena aku ngalo, Nzi laha.

Genesisi 22:1

Zonake anzhako ka lezo zilo, Nungungulu i lo ringa Abrahama aku ngalo: Abrahama! Aku: Nzi laha. Maheb. 11:17-19

Genesisi 15:13

Na yena i te ngalo ka Abrama: Zi tive khwatsi lezaku a pswalo wa wena wu tava valuveli a tikweni legi gi nga hiko gabye, va ta ya khoza; va ta xaniswa 400 wa malembe;

Mitiro 10:13

Ku lo zwala a gezu giku kakwe: Pedro, vuka, u tlhava uga.

Genesisi 20:3

Kanilezi Nungungulu i lota ka Abimeleki a norweni wa wusiku, i te ngalo kakwe: Languta, wena u file hi kota ya loyi wasati u mu tekileko; hakuva i sati wa vambe.

Valamuli 7:2

Jehova aku ka Gideoni: Va tele nguvu a vanhu lava u nga navo, laha kaku a nzi zi koti ku nyikela vaMidiani canjeni gabye, hakuva Israeli va nga ti dzunza va nzi vukela, vaku: Hi lo ti tlhatlhisa ha hoce. Deut. 8:17

Valamuli 7:9

Gwalego wusiku Jehova i te ngalo kakwe: Suka u relela le wugovelweni, hakuva nzi gi nyikele mandleni ya wena.

Zakaria 1:8

Nzi wonile munhu ni wusiku na khilele a haxi go pswhuka, na yimile xikari ka tisinya ta mirta ti nga hi lomu nzhelelweni; lenzhako kakwe na ku hi ni mahaxi yo pswhuka, ni yo swuswuluka, ni yo basa.