Genesisi 43:21 - Tshwa Bible

²¹ hi te loku hi chikele wutshanwini ga kuetlela, hi sangula ku tlhatlha tisakwa ta hina, hi lo hlamala hi ku wona a mali ya munwe ni munwani wa hina na yi hi kona nonwini wa sakwa yakwe, ni mali yi wa hi yona a mali ya hina hi tsengo wa yona; makunu ha yi tlhelisa hi canja ga hina.

Genesisi 43:21 Referans Kwoze

Genesisi 43:12

Mu teka ni mali yi wuyetilweko canjeni ga nwina, ni mali leyi yi nga ya tlheliswa yi chelwa lomu milonwini ya tisakwa ta nwina, mu yi tlhelisa; kutani mu wa lo hoxisa.

1 Pedro 3:16

na mu hi ni livalo li nene, kasi va fela ku telwa hi tingana hi lezi va mu hlevako ha zona, lava va rukatelako a mahanyela ya nwina ya ma nene ka Kristu. Tit. 2:8; Maheb. 13:18

1 Pedro 2:12

mu hi ni mahanyela ma nene xikari ka vamatiko, lezaku lezi va mu hlevako ha zona, aku khwatsi mu vamahi va kubiha, va fela ku dumisa Nungungulu ha zona hi siku legi a ta nga va enzela, hi kota ya mitiro ya nwina yo saseka leyi va yi wonileko. Mat. 5:16; Fil. 2:15

Maheberu 13:18

Hi khongeleleni, hakuva ha tsumba lezaku hi na ni livalo li nene, na hi xuva kuva ni mahanyela ma nene matlhelweni wontihe. Miti. 23:1; Kol. 4:3

Maheberu 13:5

Ngha na mahanyela ya nwina ma ngavi ya ku ranza mali; eneliswani hi lezi mu nga nazo; hakuva Nungungulu i ngalo: Cima nzi nga ta ku tsika, hambu ku ku siya. Gen. 28:15; Jox. 1:5

Va le Roma 13:8

Ngha mu nga hi na nanzu ka munhu, sine ku ranzana ntsena; hakuva loyi a ranzako a munhu-kulobye i tatisa nayo. Mat. 7:12

Va le Roma 12:17

Mu nga tlheliseli a munhu kubiha hi kubiha. Chelani kota hi zilo zi nene mahlweni ka vanhu vontlhe.

Genesisi 43:15

Zonake va lo teka zinyikiwo lezo, va teka ni mali yi wuyetilweko ku hlayiwa canjeni gabye, zinwe na Benjamini; va lo suka va relela kuya Gipite va lo ya chikela ka Josefa.

Genesisi 43:20

vaku: O! hosi ya hina, leziyani hi nga wa tile legi go ranga hi ta xava zakuga,

Genesisi 43:22

Hi tekile ni yinwani mali, kasi ku ta xava Zakuga; na hi nga tivi lezaku himani a nga enghenisa a mali ya hina lomu tisakweni ta hiha.

Genesisi 44:8

Cuwuka, a mali leyi hi nga yi kuma milonwini ya tisakwa ta hina hi tlhelile hi yi neha ka wena, xikhati lexi hi ngata hi le Kanani; makunu hi nga mahisa kuyini a ku yiva a siliva kutani nzalama lomu ndlwini ya hosi ya wena?