Genesisi 4:4 - Tshwa Bible

⁴ Na Abeli i lo neha a matewula ya tiyivu takwe, leyi yi nonileko. Jehova i lo xalala ha Abeli ni munyikelo wakwe; Maheb. 11:4

Genesisi 4:4 Referans Kwoze

Maheberu 11:4

Hi kukholwa Abeli i lo nyikela ka Nungungulu a muphahlelo wu nene ku hunza lowu wa Kana, lowu a nga mahelwa wukustumunyu ha wona lezaku i lulamile; Nungungulu wutsumbu i lo maha wukustumunyu hi kota ya minyikelo yakwe; hi kukholwa loko wa ha wulawula hambu lezi a fileko. Gen. 4:4, 10

Mavingu 3:9

Dumisa Jehova hi tshomba ya wena, i mavele yo ranga ya pfuno wa wena: Ekso. 23:19; Deut. 26:2

Eksodusi 13:12

u ta hendleleta ka Jehova a matewula wontihe, ni matewula wontihe ya zifuyo za wena; zontlhe za matewula na zi hi za vamatsune zi tava za Jehova.

Mitsengo 18:17

Kanilezi a matewula ya tihomu, ni matewula ya tiyivu, ni matewula ya timbuti, u nga ma tiruli hakuva ma basile. U ta nwatsekela a nkhata wa kona laha alatini, zonake u hisa mafura ya kona, kasi u maha a muphahlo wa kuhiswa, a kuva masema yo nanziha ka Jehova.

Maheberu 9:22

Ko khwatsi hi nayo a zilo zontlhe zi basiswa hi nkhata; a handle ka kuhalatwa ka nkhata a ku kona kutsetselelwa ka zionho. Levi 17:11

Tisimu 20:3

Ngha a alakanya yontlhe a minyikelo ya wena ya zakuga, A xalala hi muphahlelo wa wena wa kuhiswa. (Sela.)

2 Kronekele 7:1

Laha Solomoni a nga wa gumesile ku khongela, ku lo relela a nzilo hi le tilweni wu ta pswhumula a muphahlo wa kuhiswa, zonake a kungangamela ka Jehova ku lo tata a yindlu. Levi 9:24; Vala. 6:21

1 Kronekele 21:26

Davida i lo aka laho a alati ga Jehova, a maha miphahlo ya kuhiswa ni ya kubonga, a khongela ka Jehova. Yena i lo mu hlamula hi nzilo, wuta hi le tilweni laha alatini ga muphahlo wa kuhiswa.

1 Tihosi 18:38

Zonake a nzilo wa Jehova wu lota wu ta mbhetisa a muphahlelo wa kuhiswa, ni tihunyi ni maribye, ni misava; wu pswonga ni mati ya lomu nkeleni. Levi 9:24; Vala. 6:21; 2 Kro. 7:1

Levi 9:24

Ni nzilo wu lo huma mahlweni ka Jehova wu hisa a muphahlo wa kuhiswa, ni mafura laha alatini. Ni vanhu vontlhe va lo zi wona, zonake va lo kanyuluka hi kutsaka, va ti wisa lahasi hi tinghohe tabye. 2 Kro. 7:1

Genesisi 15:17

Laha kuphumeni ka gambo ku wa hi kona a munyama, languta, a phingo ga musi ni kungangamela ka nzilo zi lo hunza xikari ka zipanzana lezo.

Kuvululelwa 13:8

Vontlhe lava va akileko misaveni va ta xi khozela, vontlhe lava a mavito yabye ma nga tsaliwangiko bhukwini ga wutomi ga Yivana leyi yi nga tlhabyiwa hi le kusanguleni ka tiko. Ekso. 32:32; Fil. 4:3; Xip. 17:8

Valamuli 6:21

Zonake a ngelosi ya Jehova yi lo zi xungameta hi magumo ka nhonga leyi yi nga wa welele canjeni ga yona, yi khumba a nyama ni zibaba zi nga comelwangiko. Laho ku lo vura nzilo na wu huma hi lomu ribyeni, wu hisa a nyama ni zibaba zi nga comelwangiko; zonake a ngelosi ya Jehova yi lo nyamalala. Levi 9:24; 1 Tih. 18:38

Mitsengo 18:12

Nza ku nyika yontlhe mihanzu yo saseka leyi va ta nga neha ka Jehova, ni zontlhe zo saseka za mafura, ni zontlhe zo saseka za vinya, ni mavele.

Mitsengo 16:35

Ni nzilo wu lota hi ka Jehova, wu ta lovisa lava va 250 wa nga wa hisile tibani.

1 Tihosi 18:24

Zonake nwina mu ta khongela ka nungungulu wa nwina, minawu nzi ta khongela ka Jehova. A nungungulu loye a ta nga hlamula hi nzilo, hi yena a nga Nungungulu. A vanhu vontlhe va lo hlamula, vaku: Hi zona, zinene lezo!

Genesisi 4:3

Kute hi nzhako ka masiku yo kari, Kana i lo neha mihanzu ya misava akuva munyikelo ka Jehova.

Mitsengo 16:15

Zonake Mosi i lo zangara nguvu, aku ka Jehova: U nga amukeli munyikelo wabye! Mina a nzi tekangi ni mbongola yinwe ka vona; ge ni ku kalavela ni munwe wabye. Gen. 4:5; 1 Sam. 12:3

1 Samueli 15:22

Samueli a ku ngalo: Xana Jehova wa tsakiswa hi minyikelo ya kuhiswa ni miphahlelo, ku hunza ku ingisa gezu gakwe ke? Zwisisa! a kuingisa ku chukwana ku hunza miphahlelo, ni ku hlayisa gezu ga Jehova ku hunza mafura ya tiyivu. Hos. 6:6; Mat. 9:13; 12:7

Mutshawuteli 4:4

Zonake nzi lo wona lezaku a kutikarata kontlhe ni wihi ntiro wa wutlhari wu huma hi kota ya wukhuxu hi muakelwani. Lezo kambe a zi nyawuli, hi ku lanza mheho ntsena.