Genesisi 39:2 - Tshwa Bible

² Jehova i wa hi zinwe na Josefa; i wa hi munhu a nga hi ni thomo; a tshama lomu ndlwini ya nwinyi wakwe a muGipite.

Genesisi 39:2 Referans Kwoze

1 Samueli 18:14

Davida i lo vuvuma mitirweni yakwe yontlhe, na Jehova i wa hi zinwe naye.

Tisimu 91:15

I ta rila ka mina, nzi ta mu hlamula, Nzi tava naye a khombyeni; Nzi ta mu ponisa, nzi mu maha a dzunziwa.

Jeremia 15:20

Nzi ta ku maha uva khurisi ga suku a ka tiko legi; Va talwa na wena, kanilezi va nga ta ku hlula; Ihakuva mina nzi zinwe na wena, Kasi ku ku ponisa, ku wula Jehova.

Genesisi 26:28

Vona vaku ka yena: Ha wona ziku dlunya, lezaku Jehova i na wena; hi nge ngalo: A xive kona xifungo xikari ka hina, hina na wena, hi maha xivumelwano na wena,

Genesisi 21:22

Zonake hi lexo xikhati Abimeleki na Fikole a nduna ya yimpi yakwe, va lo wulawula ka Abrahama, vaku: Nungungulu i na wena ka zontlhe lezo u zi mahako.

Isaya 43:2

Hambu loku u tsemakanya matini, nzi tava na wena, Loku U tsemakanya micongo, cima u nga ta mhemba, Loku u famba lomu nzilweni u nga taswa, Ge hambu ku hiswa hi malangavi. Tis. 23:4; Mar. 16:18

Genesisi 26:24

Hi lego wusiku Jehova i lo woneka ka yena, aku: Hi mina Nungungulu wa Abrahama a raru wa wena; u nga chavi, hakuva nzi na wena, nzi ta ku katekisa, nzi anzisa a pswalo wa wena hi kota ya Abrahama a nanza ga mina.

Isaya 41:10

U nga chavi, hakuva nzi na wena; U nga mbheli ntamu, hakuva nzi Nungungulu wa wena! Nzi ta ku tiyisa, nzi ku vunetela; Nzi ta ku seketela hi canja ga mina ga xinene ga kululama.

Tisimu 1:3

I fanana ni sinya yi byelweko kusuhi ni micongo ya mati, Leyi yi pswalako a mihanzu ya yona hi nguva ya yona, Leyi a matluka ya yona ma nga wuniko; Zontlhe lezi a zi mahako za vuvuma.

Genesisi 28:15

Languta, nzi na wena, nzi ta ku hlayisa a ndleleni yontlhe ni laho u yako kona, nzi ta ku wuyisa kambe ka legi tiko; hakuva nzi nga ta ku tsika na nzi nga se maha lezi nzi ku byelileko zona.

Tisimu 46:11

Jehova wa tiyimpi i na hina, Nungungulu wa Jakobe wuchavelo ga hina. (Sela.)

Tisimu 46:7

Jehova wa tiyimpi i na hina, Nungungulu wa Jakobe wuchavelo ga hina. (Sela.) Rom. 8:31

1 Samueli 16:18

A munwe wa malanza yakwe i lo hlamula, aku: Mina nzi wonile a munwe wa vanana va Jese wa le Betlehema, loyi a nga mubi wa xitende, a wanuna wa nhenha, loyi a zi kotako ku khoma tlhari, a xitlhatlha kuwulawuleni, a munhu a sasekileko, loyi Jehova a nga na yena.

1 Samueli 3:19

Samueli i lo kula, Jehova na hi zinwe naye, a nga tsiki hambu ni yinwe ya timhaka ta Jehova yi wa lahasi.

1 Samueli 18:28

Saule i lo wona lezaku Jehova i wa hi zinwe na Davida; kanilezi Mikali nʼwana Saule i wa mu ranza nguvu Davida.

1 Timote 6:1

Vontlhe lava va nga tikhumbi lahasi ka gota a va dzunze a venyi vabye, kasi a vito ga Nungungulu ni gonzo yakwe zi nga soliwi. Isa. 52:5; Tit. 2:9

Mateu 1:23

Langutani, a nhwana i ta xura nyimba, i ta beleka nisanyana, Va ta mu chula vito gakwe aku hi Immanueli; lezo hi ku tlhamusela zi wula ku ngalo: Nungungulu i na hina. Isa. 7:14

Mitiro 8:31

Yena aku ngalo: Nzi nga zi pima hikuyini loku nzi nga hi na mutlhamuseli? I lo kombela Filipu ku khilela a tshama naye.

Genesisi 21:20

Nungungulu i wa hi zinwe ni mufana, i lo kula, a tshama xiwuleni na a hi mukhomi wa wura.

Genesisi 39:3

A nwinyi wakwe i lo wona lezaku Jehova i zinwe naye, ni lezaku zontlhe lezi a zi mahako, Jehova wa zi vuvumisa canjeni gakwe.

Genesisi 39:23

Ni nduna ya paxo yi wa nga ha cuwuki nchumu xa lezi zi nga wa hi canjeni ga Josefa, hakuva Jehova i wa hi zinwe naye; ni zontlhe lezi a nga wa zi maha, Jehova i wo zi katekisa.

Joxua 6:27

Na Jehova i wa hi zinwe na Joxua, ni wudumo gakwe gi lo hangalaka tikweni gontlhe.

2 Tihosi 18:7

Jehova i wa hi zinwe naye. I lo humelela mitirweni yakwe yontlhe. I lo hluwuka a hosi ya Asiria, a nga ha yi tireli. Jox. 1:7; 1 Sam. 18:14

Joxua 1:5

A ku kona munhu loyi a ta nga tiya a yima mahlweni ka wena ka wontihe masiku ya wutomi ga wena; khwatsi hi lezi nzi nga hi na Mosi, nzi tava na wena, cima nzi nga ta ku tsika, hambu ni ku ku siya.

Joxua 1:9

Xana a nzi ku leletelangi, nziku: Tiyisa a mbilu, uva ni ntamu: u nga chavi, u nga tsemeki hlana; hakuva Jehova Nungungulu wa Wena i zinwe na wena kontlhe lomo u ta ngava kona.

1 Kronekele 9:20

Fineasi nʼwana Eleazari, i wa hi hosana yabye kale, ngha Jehova a hi zinwe naye.

2 Kronekele 1:1

Solomoni nʼwana Davida i lo tiyisa mufumo wakwe, Jehova Nungungulu wakwe na hi zinwe naye a mu kulisa nguvu.