Genesisi 33:4 - Tshwa Bible

⁴ Esau i lo tsutsuma a mu khinga, a ya mu wukarela lomu nhanweni yakwe a mu pswopswa; va lo rila.

Genesisi 33:4 Referans Kwoze

Tisimu 34:4

Nzi lo hlota Jehova, i lo nzi hlamula; I lo nzi tlhatlhisa kuchaveni ka mina kontlhe.

Luka 15:20

Yena i lo suka, aya ka raru wakwe. Kanilezi na a ha hi kule, a raru wakwe i lo mu wona, a mu zwela wusiwana; i lo tsutsuma a ya mu wukarela nhanwini, a mu pswopswa. Miti. 2:39; Efe. 2:13, 17

Genesisi 32:28

Yena i te ngalo: A vito ga wena gi nga ta ha vitanwa ku ngalo Jakobe, gi ta vitanwa ku ngalo hi wena Israeli; hakuva u pfinyene ni Nungungulu ni vanhu, u hlulile.

Mitiro 20:37

Vontlhe va lo rila nguvu, va wela nhanwini ya Paule, va mu pswopswa, Gen. 45:14

Mavingu 16:7

Loku a tindlela ta munhu ti mu tsakisa Jehova, a vanga kurula xikari kakwe ni valala vakwe.

Genesisi 46:29

Zonake Josefa i lo bohelela a kareta yakwe, i lo kanzihaa ku ya khinga Israeli a raru wakwe le Goxeni. Laha na a chikele kakwe, i lo wela nhanweni yakwe, a rila lomu nhanweni ya raru wakwe xikhati xo leha.

Genesisi 45:2

Zonake i lo tlakusa a gezu gakwe i lo rila; ni vaGipite va lo zizwa zinwe ni yindlu ya Faro.

Joba 2:12

Ku te loku va tlakusa mahlo yabye na va hi kule, va nga mu tivi, va lo tlakusa magezu yabye, va rila; va lo hanzula tinguwo tabye, va xwanyela khuma hehla ka tihloko tabye gi tsutsusela tilweni.

Nehemia 1:11

Hosi, nza ku khongotela, panga ndleve ya wena uzwa mukombelo wa nanza ga wena, ni mukombelo wa malanza ya wena, tawa ma tsakelako ku chava a vito ga wena. Nza ku khongotela lezaku u vuvumisa a nanza ga wena nyamutlha, u mu mahela tipswalo kuwoneni ka wanuna loyi. (Makunu nzi wa hi muweleli Wa gombe ga hosi.)

Genesisi 43:30

Zonake Josefa i lo hatlisa a ya lava wutshamu go ya rila ka gona, hakuva a mbilu yakwe yi lo henyiwa hi liranzo ka nakulobye; i lo enghena ndlwini yakwe, a ya rila kona.

Mavingu 21:1

A mbilu ya hosi yi khwatsi i congo wa mati lomu canjeni ga Jehova; yi fambisa ni kwihi laha yena a ku ranzako.

Genesisi 43:34

Zonake i lo va phamela a kuga loku ku nga wa hi mahlweni kakwe; kanilezi Benjamini i lo mu phamela hi ku wuyeta ntlhanu wa zikhati ku hunza vontlhe. Va lonwa va tsaka zinwe naye.

Genesisi 29:11

Jakobe i lo pswopswa Rakeli, i lo tlakusa a gezu gakwe a rila.

Genesisi 29:13

Zonake Labani laha na a zwile timhaka ta Jakobe a nʼwana wa makabye wakwe, i lo tsutsuma a mu khinga, i lo mu wukarela, a mu pswopswa, a mu enghenisa lomu ndlwini yakwe, zonake Jakobe i lo hlawutela Labani zontlhe zi nga mu humelele.

Genesisi 32:11

Nzi ponise canjeni ga nakulori, kona canjeni ga Esau; hakuva nza mu chava, ku nga taku a nzi daya zinwe ni vanyine ni vanana.

2 Samueli 14:33

Zinghaho Joabe i lo ya enghena ka hosi, a yi hlawutela timhaka leto. Laha Absalome a nga vitanwa le hosini, i loya chikela a korama le mahlweni ka hosi; ni hosi yi lo pswopswa Absalome.

1 Samueli 20:41

Makunu laha mufana a nga wa sukile, Davida i lo suka a yima a languta le Dzongeni, a ti wisa lahasi hi nghohe yakwe, a khizama kanharu. Zonake va lo pswopswana, va rila vontlhe. Davida i lo rila ku hunza mpimo.