Genesisi 33:11 - Tshwa Bible

¹¹ Maha wuxinji u amukela xinyikiwo xa mina lexi xi nehilweko ka wena, hakuva Nungungulu i nzi mahele wuxinji, ni lezaku nzi na ni zo tala. Yena i lo mu khongotela kala a amukela.

Genesisi 33:11 Referans Kwoze

Va le Filipi 4:18

Nzi kumile zontlhe, nzi nazo ni ku hunza. Nzi talelwe hi ku amukela ha Epafroditusi lezi zi ngata hi le ka nwina, za masema yo nanziha, a muphahlelo wu amukelekako wu xalalisako Nungungulu. 2 Kor. 9:12; Xip. 2:25; Maheb. 13:16

1 Samueli 25:27

Makunu a xinyikiwo lexi a nanza ga wena a xi nehileko ka hosi ya mina, ngha u nyika majaha lawa ma lanzelako a hosi ya mina.

2 Tihosi 5:23

Namani i te ngalo kakwe: Teka hi titalenta timbiri. I lo mu kurumeta a chela titalenta timbiri ta siliva lomu ka mikwama mimbiri zinwe ni tinguwo timbiri, a zi rwexa malanza mambiri kuwoneni ka Gehazi.

Genesisi 33:9

Esau i te ngalo: Nzi na ni zinyingi, nakulori wanga; lezo u nga nazo a zive za wena.

Genesisi 30:43

Loyi munhu i lo anza nguvu, hi kuva ni mitlhambi yo tala, ni malanza ya xinuna ni ya xisati, ni makameli ni timbongola.

1 Timote 4:8

Hakuva a ku ti toloveta a ntiro wa miri ka vuna kutsongwani, kanilezi a kuhanya ka kukholwa ka vuna zilweni zontlhe; ku na ni xitsumbiso xa wutomi kuhanyeni loku ni ka loku ku tako. Tis. 37:4; 84:11; Mat. 6:33

2 Va le Korinte 6:10

a ku khwatsi hi xanisekile, kasi lezo ha tsaka xikhati xontlhe; a ku khwatsi hi lava va vumalako, kasi lezo hi fumisa votala; a ku khwatsi a hi na nchumu, kasi lezo hi na ni zilo zontlhe.

1 Va le Korinte 3:21

Hikwalaho ngha a nga hi kona munhu loyi a ti kulisako hi vanhu. Hakuva zilo zontlhe za nwina: 2 Kor. 4:5

Luka 14:23

A hosi yiku ngalo ka nanza: Famba magonzweni ni tihlavini, u kurumeta vanhu ku ta enghena, kasi a yindlu ya mina yi fela ku tala.

2 Tihosi 2:17

Kanilezi va lo kurumeta nguvu; zonake a ku ngalo: Va rumeleni. Va lo rumela 50 wa vavanuna va ya mu lava masiku manharu, kanilezi a va mu kumangi.

1 Samueli 30:26

Laha Davida a nga wa chikele le Ziklagi, i lo rumela muphango ka masingalakati ya ka Juda ni lomu maxakeni yakwe, aku: Hi lexweni xinyikiwo xa nwina, xa muphango wa valala va Jehova.

Valamuli 1:15

Yena aku kakwe: Nzihe xikatekiso; hakuva, kota lezi u nzi nyikileko a tiko ga le Dzongeni, nzihe ni tihlowo ta mati. Kalebi i lo mu nyika a tihlowo ta le tsungeni ni ta le nzhelelweni.

Joxua 15:19

Yena aku ngalo: Nzi nyike xikatekiso hakuva wena u nzi nyikile masimu ya le Dzongeni, nzi nyike ni hlowo ya mati. Zonake i lo mu nyika tihlowo ta le hehla ni tihlowo ta lahasi.

Genesisi 33:10

Jakobe i lo hlamula aku: Ahihi, loku mina nzi kumile thomo mahlweni ka wena, amukela xinyikiwo xa mina; hakuva nzi wonile a nghohe ya wena kotisa loyi a wonileko a nghohe ya Nungungulu, u nzi amukela hi kurula.

Genesisi 33:12

Esau i te ngalo: A hi sukeni hi famba, nzi ta famba na wena.

Genesisi 32:21

Zonake a xinyikiwo xi lo ranga mahlweni kakwe; yena i lo sala laho lego wusiku.