Genesisi 31:7 - Tshwa Bible

⁷ Kanilezi a raru wa nwina i nzi khohlisile khume ga zikhati a hunzulusa a hakhelo ya mina; kanilezi Nungungulu a nga vumelangi a kuva a nzi mahela kubiha.

Genesisi 31:7 Referans Kwoze

Genesisi 31:41

A 20 wa malembe laya nzi nga wa ku tirela lomu ndlwini ya wena; a 14 wa malembe nzi lo tirela a vana va wena va vambiri, ni ntlhanu wa malembe ni ginwe nzi lo tirela a zifuyo za wena; hambu lezo u tlhela u hunzulusa a hakhelo ya mina khume ga zikhati.

Genesisi 31:29

Zi le ntanweni wa mina ku ku lamata; kanilezi Nungungulu wa raru wa wena i wulawulile ka mina atolo ni wusiku, aku: Ti wonele, u nga wulawuli ka Jakobe kusasa hambu kubiha.

Zakaria 8:23

Jehova wa tiyimpi i ngalo: Masikwini lawo khume ga Vavanuna va tirimi ti tsalangeneko ta matiko, va ta khomelela nzhungweni wa nguwo wa muJuda, vaku: Hi ta famba na nwina, hakuva hi zwile lezaku Nungungulu i na nwina.

Tisimu 37:28

Hakuva Jehova wa ranza kululama, A nga tsiki a vobasa vakwe; Va hlayiseka kala kupinzuka, Kanilezi a pswalo wa vakubiha wu ta lobyiswa.

Nehemia 4:12

Laha a vaJuda lava va nga wa akile kusuhani kabye va ngata, va ta hi tivisa khume ga zikhati mahungu lawo, na vata hi matlhelo wontihe, vaku: Mu fanele ku wuya ka hina!

Mitsengo 14:22

Hakuva vontlhe lava vanhu va wonileko kungangamela ka mina ni zihlamaliso lezi nzi mahileko le Gipite, ni lomu xiwuleni, va nzi ringileko khume ga zikhati, kanilezi a va ingisi gezu ga mina.

Isaya 54:17

A gi kona tlhari gi fulelweko ku vukela wena gi ta nga humelela, Ni lihi lirimi li ta nga ku kecara li ta koneka. Leyi hi yona a tshomba ya malanza ya Jehova, Ni kululama kabye kuta hi ka mina, ku wula Jehova.

Isaya 4:1

A siku lego a ntlhanu wa vavasati ni vambiri va ta khomelela ka nuna munwe, vaku: Hi taga kuga ka hina, hi ambala tinguwo ta hina venyi, ntsena hi vumele lezaku hi vitanwa hi vito ga wena, kasi ku susa tingana ta hina.

Joba 19:3

Mu nzi rukile khume ga zikhati, A mu na tingana a ku nzi ruka.

Joba 1:10

A hi lezi u mu vikelako, yena ni yindlu yakwe, ni zilo zontlhe zakwe ke? U katekisile a ntiro wa canja gakwe, ni mitlhambi yakwe yi lo anza laha tikweni.

Levi 26:26

Nzi ta mu wutlela a zibaba za nwina; a khume ga vavasati va ta mu bhikela zibaba za nwina lomu ka mbita yinwe, va mu phamela zibaba za nwina hi ku mu pimela; mu taga kanilezi mu nga ta xura.

Genesisi 20:6

Nungungulu i te ngalo kakwe le norweni: Nza zi tiva lezaku u mahile lezo zilo hi kululama ka mbilu ya wena; hikwalaho nzi lo ku siwukisa mina, akuva u nga nzi onheli; hi kota ya lezo a nzi ku vumelangi a kuva u mu henya.

Joba 19:8

Yena i bhiyile a ndlela ya mina, a nzi zi koti ku hunza; Yena i vekile munyama lomu tisokweni ta mina.

Genesisi 15:1

Anzhako ka lezi zilo ni gezu ga Jehova gi lota ka Abrama hi kulora, giku: U nga chavi, Abrama! Nzi xitlhangu xa wena; a nchachazelo wa wena wa hombe nguvu.

Genesisi 29:25

Zonake laha mixweni Jakobe i lo wona lezaku hi Lea. Yena aku ngalo ka Labani: Zini lezi u nzi maheleko? Kasi a nzi tirelangi Rakeli ka wena ke? U nzi khohlisela yini ke?

Genesisi 30:28

Yena i te ngalo: Nzi byele a hakhelo ya wena, nzi ta ku nyika yona.

Genesisi 31:24

Nungungulu i lota ka Labani a muArame hi kulora ni wusiku, i te ngalo kakwe: Ti wonele lezaku u nga wulawuli ka Jakobe a kusasa hambu kubiha.

Danieli 1:20

Ni xihi xikhati a hosi yi nga va wutisa hi timhaka ta wutlhari ni wutivi, yi lo va kuma lezaku va hunza hi ka khume a tinʼanga tontlhe ni vangoma lava va nga wa hi mufunweni wakwe wontihe.