Genesisi 31:3 - Tshwa Bible

³ Jehova i te ngalo ka Jakobe: Tlhelela tikweni ga vakoko va wena ni le maxakeni ya wena; mina nzi tava zinwe na wena.

Genesisi 31:3 Referans Kwoze

Genesisi 28:15

Languta, nzi na wena, nzi ta ku hlayisa a ndleleni yontlhe ni laho u yako kona, nzi ta ku wuyisa kambe ka legi tiko; hakuva nzi nga ta ku tsika na nzi nga se maha lezi nzi ku byelileko zona.

Genesisi 32:9

Jakobe i te ngalo: Nungungulu wa dadani Abrahama, ni Nungungulu wa dadani Isaka, wena Jehova loyi u nga nzi byela ku ngalo: Tlhelela tikweni ga nwina, ni le maxakeni ya wena, nzi ta ku mahela zinene;

Maheberu 13:5

Ngha na mahanyela ya nwina ma ngavi ya ku ranza mali; eneliswani hi lezi mu nga nazo; hakuva Nungungulu i ngalo: Cima nzi nga ta ku tsika, hambu ku ku siya. Gen. 28:15; Jox. 1:5

Isaya 41:10

U nga chavi, hakuva nzi na wena; U nga mbheli ntamu, hakuva nzi Nungungulu wa wena! Nzi ta ku tiyisa, nzi ku vunetela; Nzi ta ku seketela hi canja ga mina ga xinene ga kululama.

Tisimu 50:15

Nzi vitane zikhatini za makhombo; Nzi ta ku hlanguta, na wena u ta nzi dumisa. Mat. 7:7

Genesisi 31:13

Hi mina Nungungulu wa le Beteli, laha wena u nga tota a mhinga, laho u nga funga xifungo ka mina. Sukake ka legi tiko, u famba tikweni ga nwina.

Genesisi 21:22

Zonake hi lexo xikhati Abimeleki na Fikole a nduna ya yimpi yakwe, va lo wulawula ka Abrahama, vaku: Nungungulu i na wena ka zontlhe lezo u zi mahako.

Tisimu 46:1

Nungungulu wuchavelo ga hina ni ntamu, Kuvunetela ku nga kona kusuhani xikhatini xa zikarato.

Genesisi 35:1

Nungungulu aku ka Jakobe: Rura u kanziha kuya Beteli, u ya tshama kona; u ta ya aka kwalaho a alati ga Nungungulu loyi a nga woneka ka wena xikhatini lexo u nga wa chava mahlweni ka nakuloni Esau.

Genesisi 31:18

i lo gula tontlhe tiyivu takwe, ni yontlhe nhunzu yakwe leyi a nga wa hi nayo, a zifuyo lezi a nga wa zi kumile, lezi a nga wa fuyile le Padanaramu, i lo suka a famba ka Isaka a raru wakwe, le tikweni ga le Kanani.

Genesisi 30:25

Zonake laha Rakeli na belekile Josefa, Jakobe i te ngalo ka Labani: Nzi tlhatlhe nziya wutshanwini ga mina, ni le tikweni ga hina.

Genesisi 28:13

Languta, Jehova i wa yimile hi le magumeso ya wona, aku: Hi mina Jehova Nungungulu wa Abrahama a raru wa wena, ni Nungungulu wa Isaka; legi tiko u etleleko ka gona, nzi ta ku nyika gona, ni pswalo wa wena;

Genesisi 28:4

a ku nyika xikatekiso xa Abrahama, wena ni pswalo wa wena; kasi wena wa fela kuga a tshomba ya tiko lego u luvelako ka gona, legi Nungungulu a nga gi nyika ka Abrahama.

Genesisi 26:24

Hi lego wusiku Jehova i lo woneka ka yena, aku: Hi mina Nungungulu wa Abrahama a raru wa wena; u nga chavi, hakuva nzi na wena, nzi ta ku katekisa, nzi anzisa a pswalo wa wena hi kota ya Abrahama a nanza ga mina.

Genesisi 13:15

hakuva a tiko gontlhe legi u gi wonako, nzi ta gi nyika ka wena ni pswalo wa wena kala kupinzuka.

Tisimu 90:15

Hi mahe hi tsaka ku ringana ni masiku lawa u nga hi xanisa, Ni malembe lawa hi nga wona a hlomulo.

Genesisi 50:24

Zonake Josefa aku ka vanakulobye: Mina nzafa; kanilezi Nungungulu i ta mu enzela, hakunene i ta mu humesa ka legi tiko, a mu yisa tikweni legi a nga hlambanya ka Abrahama, na Isaka, na Jakobe, lezaku i ta va nyika gona.

Genesisi 31:2

Jakobe i lo wona a macuwukela ya Labani na ma hambene ni ya masiku.

Genesisi 31:4

Jakobe i lo ruma ku ya vitana Rakeli na Lea, a kuva vata le wuriselweni ga mitlhambi yakwe.

Genesisi 35:3

Zonake hi ta suka hi kanziha hiya Beteli, nzi ta ya aka laho a alati ga Nungungulu loyi a nga nzi hlamula xikhatini xa kuxaniseka ka mina; i wa hi na mina ndleleni leyi nzi nga wa famba ka yona.

Eksodusi 3:12

Aku ka yena: Nzi tava zinwe na wena. A xikombiso xaku hi mina nzi ku rumako hi lexi: Loku u humesile a vanhu va mina le Gipite, mu ta ta khozela Nungungulu ka xitsunga lexi.

Genesisi 32:5

Nzi na ni timbongola, ni tihomu, ni tiyivu, ni malanza ya xinuna ni ya xisati; makunu nza ruma ku ta bika ka hosi ya mina, kasi nza kuma thomo mahlweni ka wena.

Genesisi 32:10

a nzi faneli ka gontlhe wuxinji ga wena, ni ka zinene za wena, lezi u zi maheleko a nanza ga wena; hakuva nzi lo tlhatuka loyi Jordani na nzi hi ni nhonga ya mina basi, makunu lezi nzi mitlawa mimbiri.