Genesisi 3:6 - Tshwa Bible

⁶ A wasati na a wona a sinya lezaku yi sasekile akuva yi giwa, ni ku naveleka kucuwukekeni, ni lezaku a sinya ya naveleka ku tlharihisa, i lo khaya a mihanzu ya kona a yiga, yena i lo ya nyika ni nuna wakwe kambe, yenawu i loga. 2 Kor. 11:3; 1 Tim. 2:14

Genesisi 3:6 Referans Kwoze

1 Johani 2:16

Hakuva zontlhe lezi zi nga laha tikweni: a kunavela ka nyama, ni kunavela ka mahlo, ni kutikulisa hi kota ya zilo za loku kuhanya, a ziti hi ka Dadani, kanilezi zita hi lomu tikweni.

1 Timote 2:14

Tlhatakumbiri, a hi Adamu a nga khohliswa, kanilezi hi wasati a nga khohliswa, a hambunyeta nayo.

2 Samueli 11:2

Kute hi ginwani siku, laha gambyeni, Davida a vuka hi laha mubhedini wakwe, a fambafamba le hehla ka langwa la yindlu ya hosi, zonake na hi le langweni i lo wona a wasati na kari a hlamba; a wasati loye i wa sasekile nguvu.

Joxua 7:21

nzi lo wona xikari ka lezi zi phangilweko a nguwo yo saseka ya le Babuloni, ni mazana mambiri ya maxekeli ya siliva, ni muhono wa nzalama wa 50 wa maxekeli a kubinza, mina nzi lo zi navela, nzi teka; languta, zona zi fihlilwe lomu misaveni lahasi ka tenda ga mina, ni mali yi lahasi ka zona.

Hosea 6:7

Kanilezi va tshovile a xivumelwano khwatsi hi Adamu; va nzi kanganyisile kwalaho.

Genesisi 6:2

a varisanyana va Nungungulu va lo wona a vanhwana va vanhu lezaku va sasekile; va lo va teka a kuva vasati vabye ka vontlhe lava va nga va hlawula.

Ezekieli 24:25

Wena nʼwana wa munhu, a siku lego nzi ta nga va tekela a khokhola gabye, a litsako la wudumo gabye, ni kunavela ka mahlo yabye ni lezi va ranzako timbilwini tabye, zinwe ni vafana vabye ni vanhanyana vabye,

Ezekieli 24:16

Nʼwana wa munhu, Languta, hi xitshuketi nzi ta ku tekela lexi xi ranziwako hi mahlo ya wena; kanilezi u nga ta rila, hambu kuba nkosi, ni mihloti ya wena yi nga ta xilila.

Mateu 5:28

Kanilezi mina nziku ka nwina: Kani hi mani a cuwukako wasati a mu navela, i sina a bhayile naye mbilwini yakwe. Mav. 6:25

Ezekieli 24:21

Wulawula ka yindlu ya ka Israeli, uku: Hosi Jehova i ngalo: Langutani, Nzi ta nyenyezisa a yindlu ya mina ya kubasa, ku nga matshanza ya ntamu wa nwina, ni kunavela ka mahlo ya nwina, lezi a moya wa nwina wu zi ranzako; a vafana va nwina ni vanhanyana va nwina lava va mu siyeleko va ta dawa hi supado.

Genesisi 39:7

Zonake anzhako ka lezo a sati wa nwinyi wakwe, i lo navela Josefa, aku: Etlela zinwe na mina.

Genesisi 3:17

Ni ka Adamu i te ngalo: Kota lezi u nga ingisa a gezu ga sati wa wena, uga a sinya leyi nzi nga ku layile ku ngalo: U nga yigi, yi rukatelwe misava hi kota ya wena; u taga mihanzu ya kona hi kubayiseka wontihe masiku ya kuhanya ka wena; Rom. 8:20

Genesisi 3:12

Ni wanuna i te ngalo: Hi wasati loyi u nzi nyikileko akuva zinwe na mina, hi yena a nga nzi nyika sinya nziga.

Joba 31:1

Mina nzi mahile xivumelwano zinwe ni mahlo ya mina; Lezaku nzi nga dzuki nzi cuwuka a nhwana. Mat. 5:28

Valamuli 14:17

Kanilezi a sati wakwe i lo mu rilela, ntlhanu wa masiku ni mambiri ya mubuzo wabye. Hi legi ga wuntlhanu ni mambiri, i lo mu tlhamusela, hakuva i lo mu kurumeta. Zonake yena i lo ya tlhamusela liteketelo lelo ka va ka kabye.

1 Tihosi 13:19

Zinghaho a munhu wa Nungungulu i lo tlhela naye, a yaga zakuga ni kunwa mati lomu ndlwini yakwe.