Genesisi 27:41 - Tshwa Bible

⁴¹ Esau i lo venga Jakobe hi kota ya xikatekiso lexi a raru wakwe a nga wa mu katekisile ha xona. Esau i te ngalo lomu mbilwini yakwe: A masiku ya ku rilela dadani ma tshinele; zonake nzi ta daya nakulori.

Genesisi 27:41 Referans Kwoze

Genesisi 37:4

Makunu laha vanakulobye va nga wona lezaku wa ranziwa hi raru wabye ku hunza vontlhe vanakulobye, zonake va lo mu venga, va nga wulawuli naye hi kurula.

Mutshawuteli 7:9

U ngave ni moya wa ku hatlisela ku zangara, hakuva a zanga yi tshama timbilwini ta zipumbu.

Mavingu 6:14

A mbilu yakwe yi tele hi kukanganyisa, alakanyela kubiha xontlhe xikhati; xwanya kuhambana.

Genesisi 37:8

A vanakulobye vaku ka yena: Kasi u tava hosi ya hina, u fuma hehla ka hina ke? Zonake va lo mu venga nguvunguvu hi kota ya miloro yakwe ni kuwulawula kakwe.

Genesisi 32:6

A mitsumi yi tlhelela ka Jakobe yi yaku ngalo: Hi wa chikele ka nakuloni Esau; yenawu wata ku ku khinga, i na ni vavanuna va 400.

Titusi 3:3

Hakuva kale na hinawu hi wa hi zipumbu, hi nga ingisi, na hi pengile, hi hi tikhumbi ta kunavela ko biha ni kutitsakisa kunyingi; hi lo hanya hi matshoho ni makangwa, hi nyenyiwa, hi vengana.

Ezekieli 35:5

Hakuva u na ni livengo la simasima, ni kuva u nyikele a vanana va ka Israeli ntanwini wa supado xikhatini xa hlokiselelo yabye, xikhatini xa tsayiselelo wa magumo.

Mavingu 1:16

Hakuva a milenge yabye yi tsutsumele kubiheni, a hatlisa ku halata nkhata. Isa. 59:7; Rom. 3:15

Tisimu 142:3

Laha a moya wa mina wu nga ni gome nzeni ka mina, Hi wena loyi u tivako ndlela ya mina. Va vekile ziyo laha ndleleni nzi fambako ha yona.

Tisimu 37:16

Lezi zi tsongwani a nga nazo a munhu a lulamileko, I chuko ku hunza leʼzo tala a nga nazo a wakubiha.

Tisimu 35:14

Nzi lo maha khwatsi hi loku va wa hi maxaka ya mina kutani vanakulori; Nzi lo korama nzi rila khwatsi hi loku nzi rilela a mamani.

2 Kronekele 35:24

Zinghaho a malanza yakwe ma lo mu tlakula ma mu humesa lomu kareteni va mu khilelisa ka yinwani kareta yakwe, va mu yisa Jerusalema. I lofa, a lahliwa xilahleni xa vadadani vakwe. A vaJuda vontlhe ni va le Jerusalema va loba nkosi va rila Josia. Zak. 12:11

Deuteronome 34:8

Ni vanana va ka Israeli va lo rilela Mosi le mikoveni ya Moabi 30 wa masiku, zonake a masiku ya ku rila Mosi ma lo mbhela. Mitse. 20:29

Genesisi 35:29

Zonake Isaka i lo nyikela moya wakwe, afa; i lo amukelwa ka va ka kabye na a hi wa kale, a hi ni masiku yo tala; a vana vakwe Esau na Jakobe, va lo mu lahla.

Genesisi 32:11

Nzi ponise canjeni ga nakulori, kona canjeni ga Esau; hakuva nza mu chava, ku nga taku a nzi daya zinwe ni vanyine ni vanana.

Genesisi 27:42

Rebeka i lo byelwa timhaka ta Esau a nʼwana wakwe wa matewula, i lo ruma ku ya vitana Jakobe a nʼwana wakwe wa nzisana, i te ngalo ka yena: Languta, Esau nakuloni i wulawula ha wena aku i ta ku daya.

Genesisi 32:3

Jakobe i lo rumela mitsumi mahlweni kakwe a kuya ka Esau nakulobye le tikweni ga Seire, tikweni ga le Edomi.

Genesisi 50:2

Josefa i lo leletela a malanza yakwe ya tinʼanga ku petsela ni ku tota a raru wakwe; ni tinʼanga ti lo longisela a xirumbi xa Israeli.

Genesisi 37:18

Laha va nga mu wona na ha hi kule, na a nga se chikela kusuhani, va lo xuxa xikungo xa ku mu daya,

Genesisi 50:15

Laha a vanakulobye va Josefa va nga wona lezaku a raru wabye i file, va lo wulawulisana xikari kabye, vaku: Kutani Josefa i ta hi venga, a hi tlhelisela kubiha kontlhe loku hi nga mu mahela.

Mavingu 18:19

Za hehuka a ku khozisa a muti wu bhiyelweko, ku hunza a makabye a zangarileko; i timholova ti khwatsi zikwinyaro za khokhola.