Genesisi 27:28 - Tshwa Bible

²⁸ Nungungulu a ku nyike za nzhokati ya tilo, Ni kunona ka misava, Ni wunyingi ga mavele ni vinya.

Genesisi 27:28 Referans Kwoze

Deuteronome 33:28

Israeli i akile hi kurula, A hlowo ya Jakobe yi tshameka, A tikweni ga mavele ni vinya; Hakunene a tilo gakwe gi dona a nzhokati. Jer. 23:6; 33:16

Deuteronome 33:13

Ha Josefa i te ngalo: A tiko gakwe a gi katekiswe hi Jehova Hi zilo zo saseka za le tilweni, hi nzhokati, Ni za le kueteni lezi zi nga le hasi,

Tisimu 133:3

Zi fanana ni nzhokati ya le Hermoni, Leyi yi welako zitsungeni za Zioni; Hakuva hi laho Jehova a rumako makatekwa, A wutomi kala kupinzuka.

2 Samueli 1:21

Nwina zitsunga za Gilboa! Ngha ku nga havi kona a nzhokati ni vula hehla ka nwina, Ku nga havi kona a simu ga munyikelo! Hakuva laho ku hoxilwe a zitlhangu za tinhenha, Khwatsi a xitlhangu xa Saule a xi totiwangi hi mafura.

Deuteronome 32:2

A gonzo ya mina yi ta dona khwatsi i vula, A gezu ga mina gi ta tsakamisa khwatsi i nzhokati; Khwatsi i vula hehla ka byanyi go nyuka, Khwatsi manamula-nghala hehla ka byanyi!

Deuteronome 7:13

na yena i ta ku ranza, a ku katekisa, a ku anzisa; na yena i ta katekisa a pswalo wa rumbu ga wena, ni ku katekisa mihanzu ya masimu ya wena, ni mavele ya wena, ni vinya ga wena, ni mafura ya wena, ni kupswala ka tihomu ta wena ni tiyivu ta wena, ka tiko legi a hlambanyileko ka vararu va wena ku ku nyika gona.

Zakaria 8:12

A mbewu ya kurula yi tava kona; a vina wu ta humesa a mihanzu ya wona, ni misava yi ta humesa a pfuno wa yona, ni tilo gi ta vanga nzhokati ya gona. Zontlhe lezi nzi ta zi nyika ka misalela ya vanhu lava a kuva tshomba yabye.

Joeli 2:19

Jehova i to hlamula aku ka vanhu vakwe: Langutani, nzi ta mu rumela mavele ni vinya ni mafura, mu ta xura ha zona. Nzi nga ta ha mu maha a xiruko xikari ka matiko. Deut. 28:11

Isaya 45:8

Donelani nwina matilo, Nwina marefu mu chulula kululama. Ngha misava yi vululeka yi milisa kuhanyiswa Ni ku humesa kululama khatiginwe; Mina Jehova nzi zi vangile lezo.

Tisimu 104:15

Ni vinya legi gi tsakisako a mbilu ya munhu, Ni mafura yo nyukisa a nghohe yakwe, Ni xibaba lexi xi tiyisako a mbilu ya munhu. Vala. 9:13

Tisimu 36:8

Va xuriswa hi malongo ya yindlu ya wena; U va nwisa a mati ya congo wa kuxalala ka wena.

1 Tihosi 17:1

Elija a muTixebeti wa le Gileade, i te ngalo ka Ahabi: Nzi hlambanya ha Jehova a hanyako, a Nungungulu wa ka Israeli, loyi nzi nga xitiri xakwe! A malembe lawa cima ku nga tava kona a vula hambu nzhokati, loku ku nga hi gezu ga mina. Jak. 5:17

Mitsengo 18:12

Nza ku nyika yontlhe mihanzu yo saseka leyi va ta nga neha ka Jehova, ni zontlhe zo saseka za mafura, ni zontlhe zo saseka za vinya, ni mavele.

Maheberu 11:20

Hi kukholwa Isaka i lo katekisela Jakobe na Esau hi zilo za ha tako. Gen. 27:27

Zakaria 9:17

Hakuva a kuvuvuma kabye ka hombe nguvu, ni wumbhuri gabye ga hombe nguvu! A mavele ma ta kulisa a majaha, ni vinya giswa a vanhwana. Deut. 33:28

Mika 5:7

A misalela ya ka Jakobe yi tava xikari ka matiko manyingi, khwatsi i nzhokati yi tako hi ka Jehova, ni ku khwatsi madona ya vula laha ka byanyi, leyi yi nga yimiswiko hi munhu, hambu ku rinzela a vana va vanhu.

Jeremia 14:22

Xana xi kona a xifananiso xikari ka vamatiko xi zi kotako ku nisa vula ke? Kutani tilo gi nga zi kota ku nisa vula ha goce ke? Xana a hi wena ke, Jehova Nungungulu wa hina? Hikwalaho hi ta ku rinzela, hakuva hi wena u mahileko zontlhe lezi.

2 Kronekele 2:10

A malanza ya wena lawa ma ta nga tsema tisinya nzi ta ma nyika 20,000 wa tipimo ta mavele ma tlhokolweko, ni 20,000 wa tipimo ta sevada, ni 20,000 wa tikarafawu ta vinya, ni 20,000 wa tikarafawu ta mafura.

1 Tihosi 5:11

Zonake Solomoni i lo nyika Hiramu 20,000 wa tipimo ta mavele, a ku va kuga ka ngango wakwe, ni 20,000 wa tipimo ta mafura yo saseka. Solomoni i lo nyika lezo zilo ka Hiramu lembe ni lembe.

Joxua 5:6

Hakuva a vanana va ka Israeli va lo famba lomu xiwuleni 40 wa malembe, kala vontlhe vanhu va hetwa, ku mbhela vavanuna lava va hlomako yimpi, va mbhela vontlhe lava va nga huma hi le Gipite, lava va nga kala ku ingisa a gezu ga Jehova; hakuva i wa hlambanyile lezaku cima va nga ta wona a tiko legi a hlambanyileko ka vararu vabye ku va nyika gona, a tiko gi khulungako masi ni wulombe. Mitse. 14:21

Genesisi 49:20

Axeri, a zakuga zakwe zi ta nona, Yena i ta humesa a zakuga za ti fawufawu za tihosi.

Genesisi 45:18

mu ta ya wuya ni raru wa nwina, ni mingango ya nwina, seno ka mina; nzi ta ta mu nyika tiko ga gi nene ga Gipite, muga kunona ka tiko.

Va le Roma 11:17

Kanilezi loku manwani maravi ma phatlulwe, na wena loyi u nga oliva wa lomu khwatini, na u tlhomilwe xikari ka wona, u hlengela nawo a mutsu Wa kunona wa sinya ya oliva, Jer. 11:16; Efe. 2:12

Mitsengo 13:20

Mu wona ni misava loku yi nonile ni loku yi nga nonangi; mu wona ni tisinya loku ti hi kona ni loku ti hi hava. Tiyani, mu ta wuya ni mihanzu ya tiko lego. Makunu yi wa hi nguva ya mauva.

Genesisi 27:39

Isaka a raru wakwe i lo hlamula, aku ngalo kakwe: Languta, a kuaka ka wena ku tava kule ka tiko go nona, Na ku hi hava a nzhokati ya tilo hi le hehla;

Genesisi 27:37

Isaka i lo hlamula, aku ka Esau: Languta, nzi mu yimisile a kuva hosi ya wena, a vamakabye vakwe vontlhe nzi va mahile malanza yakwe; nzi mu nyikile mavele ni vinya; makunu nzi ta ku mahela yini nwananga ke?

Genesisi 49:25

Hi ntamu wa Nungungulu wa raru wa wena, loyi a ta nga ku vuna; Ni wa Ntamu-Wontlhe loyi a ta nga ku katekisa Hi Xikatekiso za le tilweni le hehla, Ni zikatekiso za lomu kueteni laha hasi, Ni zikatekiso za mavele ni za nyimba.

Mavingu 3:20

Hi wutivi gakwe a mati ya le kueteni ma lo phuxuka, i marefu ma wisa nzhokati.

Mavingu 19:12

A zanga ya hosi yi khwatsi i nghonyamo yi dzumadzumako; anilezi a liranzo lakwe li fanana ni nzhokati yi welako byanyini,