Genesisi 26:8 - Tshwa Bible

⁸ Laha na a tshamile kona xikhati xo leha, Abimeleki a hosi ya maFilistia, i lo cuwuka hi laha njhaneleni, i lo wona Isaka na a xwangana na Rebeka a sati wakwe.

Genesisi 26:8 Referans Kwoze

Isaya 62:5

Hakuva khwatsi hilezi a jaha gi chadako nhwana, Zinghaho a vana va wena va ta tekana na wena; Ni kota lezi a muyeni a tsakelako muswika wakwe, Zinghaho a Nungungulu wa wena i ta ku tsakela.

Xizimba xa ka Solomoni 2:9

A muranzwiwa wa mina i fanana ni mhuti kutani mangulwe muswa. Languta, i yimile lenzhako ka khurisi ga hina, Wu hlomela lomu ka njhanela, Wa cuwuka hi lomu ka mabanga.

Mavingu 7:6

Hakuva laha njhaneleni ya yindlu ya mina, zi lo cuwuka hi lomu ka mavanga ya yona,

Valamuli 5:28

A nyine wa Sisera i lo hlomela hi njhanela a rila; I lo cuwuka hi laha njhaneleni a rila: Hi kuyini a kareta yakwe yi hlwelako ku wuya? Hi kuyini a tikareta takwe ti nonokako?

Mutshawuteli 9:9

Hanya hi kutsaka ni sati loyi u mu ranzako wontihe a masiku ya wena ma nga nyawuliko, lawa yena a ku nyikileko lahasi ka gambo, a kuhanya ka wena kontlhe ku nga nyawuliko; hakuva lexo hi xona xiavelo xa wena a wutomini legi ga kukarateka lahasi ka gambo.

Genesisi 26:7

Zonake a vanhu va lego wutshamu va lo mu wutisa hi sati wakwe; yena aku ngalo makweru; hakuva i lo chava ku ngalo i sati wa mina, hi ku kutani a vanhu va lego wutshamu va nga nzi daya hi ku fela Rebeka; hakuva i wa hi mbhuri kucuwukekeni.

Genesisi 26:9

Abimeleki i lo vitana Isaka, aku kakwe: Languta, yena i sati wa wena hakunene; u wulele yini ku ngalo makwenu ke? Isaka aku ngalo kakwe: Hakuva nzi lo chava ku dawa hi kota yakwe.