Genesisi 22:1 - Tshwa Bible

¹ Zonake anzhako ka lezo zilo, Nungungulu i lo ringa Abrahama aku ngalo: Abrahama! Aku: Nzi laha. Maheb. 11:17-19

Genesisi 22:1 Referans Kwoze

Maheberu 11:17

Hi kukholwa Abrahama i lo phahlela ha Isaka a siku a nga ringiwa; ina, loyi a amukeleko a zitsumhiso i lo nyikela a nʼwana wakwe a belekilweko yece; Gen. 22:1, 9; Jak. 2:21

Deuteronome 8:2

Alakanya yontlhe ndlela leyi Jehova Nungungulu wa wena a ku fambisileko ha yona lomu xiwuleni lomu ka 40 wa malembe, aku kasi a ku koramisa ni ku ku ringa, kasi a fela ku tiva lezi zi nga lomu mbilwini ya wena; lezaku kutani u ta hlayisa milayo, kutani u nga yi hlayisi.

1 Pedro 1:7

leyi mu ringiwako hi yona kasi ku hlolwa a kukholwa ka nwina, loku ku nga ni tsengo wa hombe ku hunza nzalama leyi yi lovako, hambu loku yi hlohlwe hi nzilo, lezaku ku fela ku kumeka na ku hi ni kudzunzwa ni kukhesiwa ni wudumo hi siku ga kuwonekeliswa ka Jesu Kristu; Tis. 66:10; Zak. 13:9; Jak. 1:12

Jakobe 2:21

A kokwani wa hina Abrahama, a nga hlayelwangi kululama hi mitiro ke, laha a nga nyikela Isaka a nʼwana wakwe hehla ka alati? Gen. 22:9

1 Va le Korinte 10:13

A mu se nga humelwa hi nzhingo ahandle ka lowu munhu a wu kotako ku rwala; Nungungulu i tsumbekile, a nga ta vumela a kuva mu ringwa ku hunza a ntamu wa nwina; kanilezi i ta mu mahela a ndlela ya kupona loku wuta nzhingo, kasi mu ta zi kota ku wu rwala. Jer. 29:11; 2 Ped. 2:9

Mavingu 17:3

A mbita yo nyekisela nja siliva, ni nzhimbo ngwa nzalama; anilezi Jehova i ringa timbilu.

Deuteronome 8:16

loyi a nga ku gisa manna lomu xiwuleni, lawa ma nga tibyiwiko hi vararu va wena; lezaku a ku koramisa, ni ku ku ringa kasi hi magumeso wa fela ku ku mahela kusasa.

Eksodusi 3:4

Laha Jehova a nga wona lezaku Mosi wa hambuka ku ta cuwuka, Nungungulu i lo mu vitana na hi xikari ka xihlahla, aku: Mosi, Mosi! Yena aku: Nzi laha!

Genesisi 22:11

A ngelosi ya Jehova yi lo mu vitana hi le tilweni, yiku: Abrahama. Abrahama! Yena aku ngalo, Nzi laha.

Genesisi 22:7

Isaka i lo wulawula ka raru wakwe Abrahama, aku: Dada! Aku ngalo: Nwananga. Aku ngalo: A nzilo ni tihunyi hi lezi; makunu yi kwihi a yivana ya munyikelo wa kuhiswa ke?

Isaya 6:8

Zonake nzi lozwa a gezu ga Jehova, giku: Nzi ta ruma mani, himani a ta nga hi yela? Nziku: Hi mina, ruma mina.

2 Kronekele 32:31

Makunu laha a tihosi ta le Babuloni ti nga rumela a mitsumi ka yena a ku ta mu wutisa hi zihlamaliso lezi zi humelelako lomu tikweni ga va ka Israeli, Nungungulu i lo mu tsika a mu ringa, kasi ku tiva zontlhe zi nga wa hi mbilwini yakwe.

Eksodusi 16:4

Jehova aku ka Mosi: Languta, nzi ta mu nisela zibaba za le tilweni, a vanhu va ta huma va rolela lezi zi ringanako ka siku ni siku, na nzi va ringa lezaku xana va ta famba hi nayo wa mina, kutani zi nga tava lezo.

Deuteronome 13:3

u nga ingisi timhaka ta muprofeti loye ni mulori loye, hakuva Jehova Nungungulu wa nwina hi yena a mu ringako, kasi ku tiva lezaku xana ma ranza Jehova Nungungulu wa nwina hi timbilu tontlhe ta nwina ni mihefemulo yontlhe ya nwina.

Valamuli 2:22

Nzi ta ringa ha wona va ka Israeli, kasi ku wona lezaku va ta hlayisa a ndlela ya Jehova va famba ha yona, khwatsi hi vararu vabye, kutani va nga ta zi maha.

2 Samueli 24:1

A zanga ya Jehova yi lo engeta yi vukela va ka Israeli; i lo kucetela Davida a ku va vukela, aku: Famba u ya hlaya va ka Israeli ni va ka Juda.

Tisimu 11:5

Jehova wa kamba loyi a lulamileko; Kanilezi wa venga a wakubiha ni loyi a ranzako kuleva.

Genesisi 15:1

Anzhako ka lezi zilo ni gezu ga Jehova gi lota ka Abrama hi kulora, giku: U nga chavi, Abrama! Nzi xitlhangu xa wena; a nchachazelo wa wena wa hombe nguvu.

Genesisi 21:11

A gezu lego gi lo mu tsanwisa nguvu Abrahama hi kota ya nʼwana wakwe.

Genesisi 37:13

Israeli i te ngalo ka Josefa: A vanakuloni a va le kuriseni ka mitlhambi le Xekemi ke? Ngonake, nzi ku ruma ka vona. Yena aku: Nzi laha.

Genesisi 46:2

Nungungulu i lo wulawula na Israeli hi muwoniso wa wusiku, aku: Jakobe, Jakobe! Yena i lo hlamula aku: Hi mina loyi!

1 Samueli 3:4

Jehova i lo vitana Samueli. Yena i lo hlamula, aku: Nzi laha!