Genesisi 21:16 - Tshwa Bible

¹⁶ I lo tsawukana naye a pfhukana wa ku kota ku hoxa ka tlhari; hakuva i te ngalo: A nzi na ku wona a nʼwana wa mina ni kufa. I loya tshama hi le mahlweni, i lo tlakusa a gezu a rila.

Genesisi 21:16 Referans Kwoze

Isaya 49:15

Wa zi kota wasati ku rivala a xihlangi xakwe, A nga zweli wusiwana loyi a humileko hi rumbyini gakwe ke? Ina, a nga rivakelwa, Kanilezi mina cima nzi nga ta ku rivala. 1 Tih. 3:28

Estere 8:6

Hakuva nzi ta tiyisa kuyini a ku wona a kubiha loku ku ta nga wela va ka hina? Nzi ta tiyisa kuyini ku wona kulobyiswa ka maxaka ya mina?

1 Tihosi 3:26

Zonake a nwinyi wa nwanana loyi a hanyako i lo dzuka lomu mbilwini yakwe, aku ka hosi: Hosi yanga: Mu nyike a nwanana loyi a hanyako, va nga kali va mu daya! Kanilezi loyi munwani i te ngalo: Cima a nga ta kuva wa mina, hambu kuva wa wena, a panziwe hi laha xikari! Isa. 49:15

Luka 15:20

Yena i lo suka, aya ka raru wakwe. Kanilezi na a ha hi kule, a raru wakwe i lo mu wona, a mu zwela wusiwana; i lo tsutsuma a ya mu wukarela nhanwini, a mu pswopswa. Miti. 2:39; Efe. 2:13, 17

Zakaria 12:10

Nzi ta chulula a moya wa wunene ni wa mikhongelo hehla ka yindlu ya ka Davida ni hehla ka vaaki va Jerusalema; zonake va ta cuwuka ka mina loyi va nzi tlhavileko. Va ta mu rilela kukotisa loku va rilela a nʼwana wabye wa munwe, va ta mu karatekela, khwatsi hi loku va karatekela a matewula yabye. Joh. 19:37; Kuv. 1:7

1 Samueli 30:4

Zonake Davida ni vanhu lava a nga hi navo va loba huwa, va rila kala va nga ha kumi ntamu wa kurila.

1 Samueli 24:16

Makunu laha Davida a nga wa gumesile ku wulawula timhaka leto, Saule i te ngalo: Ina i gezu ga wena lego, nwananga Davida? Zonake i lo tlakusa a gezu gakwe a rila.

Rute 1:9

Jehova ngha a muha kurula, munwe ni munwani wa nwina, lomu tindlwini ta vanuna va nwina. Zonake i lo va pswopswa. Va lo rila, vaku kakwe:

Valamuli 2:4

Laha a ngelosi ya Jehova na yi wulile timhaka leti ka vanana vontlhe va ka Israeli, va loba huwa va rila.

Genesisi 44:34

Hakuva nzi ta fambisa kuyini ka dadani, na nzi nga hi na mufana loyi? Ku nga taku nzi wona a khombo legi gi ta nga humelela ka dadani.

Genesisi 29:11

Jakobe i lo pswopswa Rakeli, i lo tlakusa a gezu gakwe a rila.

Genesisi 27:38

Esau i te ngalo ka raru wakwe; Dada, wa kuva ni xikatekiso xinwe ntsena xana ke? Nzi katekise na minawu, dada. Esau i lo tlakusa a gezu gakwe a rila.

Genesisi 21:15

Laha a mati ma nga mbhela lomu ka nghotso, i lo siya nʼwana lahasi ka sinya.

1 Tihosi 17:12

Yena i te ngalo kakwe: Nzi hlambanya hi Jehova Nungungulu wa wena a hanyako, a nzi na xibaba ni xitsongwani; nzo va ni mapanyana matsongwani ntsena lomu ka guwana, ni mafurana lomu ka xigutsana. Loku nzi rolile mahlahla lawa mambiri, nzi ta famba nzi ya bhika; loku mina ni mufanyana wa mina hi gile, hi tafa.

Jeremia 6:26

O nhwana wa vanhu va mina, Ti ambexe hi sakwa, u puluwunza khumeni; Bana nkosi kota loku ku rilelwa a nʼwana munwe yece, A hlomulo wa xiviti; Hakuva a muhahluli i ta hi tela hi xitshuketi.

Amosi 8:10

Nzi ta hunzula a mibuzo ya nwina yi maha xirilo, ni tisimu ta nwina ti maha mikosi; a ziwunu zontlhe nzi ta zi ambexa tinguwo ta tisakwa, a tihloko tontlhe ti ta halulwa. A xirilo xa kona xi ta fanana ni xo khwatsi ko riliwa a nʼwana loyi a belekelweko yece, a kugumelwa ka xona ku ta fanana ni siku ga hlomulo. Jer. 6:26; 48:37; Zak. 12:10