Genesisi 20:17 - Tshwa Bible

¹⁷ Abrahama i lo kombela ka Nungungulu: na Nungungulu i lo hanyisa Abimeleki ni sati wakwe, ni malanza yakwe ya xisati; va lo beleka.

Genesisi 20:17 Referans Kwoze

Jakobe 5:16

Hikwalaho tivisanani a zionho za nwina, mu khongelelana, kasi ma hanyiswa. A mukombelo wa munhu a lulamileko wa vuna nguvu. Gen. 20:17; Mitse. 11:2; Jox. 10:12

Va le Filipi 4:6

Mu nga kanakaneli nchumu; kanilezi a timhakeni tontlhe tivisani a mixuvo ya nwina ka Nungungulu hi kukombela ni kukhongotela, na mu kari mu bonga. Tis. 55:2; Mav. 16:3; Mat. 6:25; Lu. 12:22

1 Va le Tesalonika 5:25

Vamakabye, hi khongeleleni.

Mateu 21:22

Ni zilo zontlhe mu ta nga zi kombela hi kukhongela, na mu kholwa, mu ta amukeliswa. Mar. 11:24; Lu. 11:9; Jak. 5:16

Mateu 7:7

Kombelani, mu ta nyikiwa; lavani, mu ta zi kuma; gongonzani, mu ta vululelwa. Mar. 11:24; Lu. 11:9, 10; Jak. 1:5, 6

Isaya 45:11

Jehova loyi a Basileko wa ka Israeli, tlhelo Mumahi wakwe, i ngalo: Xana mu ta nzi wutisa xungetano hi lezi zi tako ka vana va mina ke? Mu ta nzi lelela xungetano hi ntiro wa mandla ya mina ke?

Mavingu 15:8

A muphahlo wa va kubiha manyala ka Jehova; anilezi i tsakiswa hi mukombelo wa valulamileko.

Ezra 6:10

kasi va fela ku nyikela ka Nungungulu wa le tilweni, a miphahlelo ya masema yo nanziha, ni ku kombelela a wutomi ga hosi ni vanana Va yona.

Genesisi 29:31

Jehova i lo wona lezaku Lea wa vengiwa, i lo vulula marumbu yakwe, kanilezi Rakeli i wa hi ngonwa.

Genesisi 20:7

Hikwalaho tlhelisa a sati wa vambe, hakuva a nuna wakwe muprofeti, i ta ku kombelela u hanya, kanilezi loku u nga mu tlhelisi, zi tive lezaku wena u tafa futsi ni zontlhe lezi zi nga za wena.

Mitiro 3:24

Ina, ni vaprofeti vontlhe kusukela ka Samueli ni lava va mu tlhatamako, vontlhelele lava va nga wulawula va lo tivisa hi masiku lawa.

Mavingu 15:29

Jehova i le kule ni va kubiha; anilezi wazwa mikombelo ya valulamileko.

Mitsengo 12:13

Zonake Mosi i lo rila ka Jehova, aku: O Nungungulu, nza ku khongotela lezaku u mu hanyisa!

Mitsengo 21:7

A vanhu va lota ka Mosi, va ta ku ngalo: Hi onhile hakuva hi solile Jehova na wena; hikwalaho hi kombelele ka Jehova kasi a fela ku hlongola tinyoka xikari ka hina. Mosi i lo kombelela vanhu.

Joba 42:8

Hikwalaho humesani a ntlhanu ni timbiri tikuzi, ni ntlhanu ni timbiri a tihamba, muya ka nanza ga mina Jeba, mu ya ti mahela a munyikelo wa kuhiswa; ni nanza ga mina Joba i ta mu khongelela. Hakuva yena nzi ta mu amukela, kasi nzi nga mahi ka nwina kota wupumbu ga nwina, hakuva a mu wulawulangi kusaseka ha mina kukotisa a nanza ga mina Joba.

Genesisi 12:17

Na Jehova i loba Faro ni yindlu yakwe hi mababyi ya hombe hi kota ya Sarai, a sati wa Abrama.