Genesisi 2:2 - Tshwa Bible

² Hi siku ga wuntlhanu ni mambiri Nungungulu i wa gumesile mitiro yontlhe leyi a nga wa yi mahile: i lo humula hi siku ga wuntlhanu ni mambiri mitirweni yakwe yontlhe leyi a nga yi mahile. Ekso. 20:11; Maheb. 4:4

Genesisi 2:2 Referans Kwoze

Maheberu 4:4

Hakuva a wutshanwini go kari ku tsalilwe hi siku ga wuntlhanu ni mambiri, ku ngalo: Nungungulu i lo humula mitirweni yakwe yontlhe hi siku ga wuntlhanu ni mambiri. Gen. 2:2; Ekso. 31:17

Eksodusi 31:17

Xikombiso xa pinzukelwa xikari ka mina ni vanana va ka Israeli; hakuva hi ntlhanu wa masiku ni siku ginwe, Jehova i mahile tilo ni misava, kanilezi hi siku ga wuntlhanu ni mambiri, i lo tsika ku tira a humula.

Deuteronome 5:14

kanilezi hi siku ga wuntlhanu ni mambiri i Sabado ga Jehova Nungungulu wa wena. U nga tiri ntiro hi siku lego, wena ni mufana wa wena, ni nhanyana wa wena, ni xitiri xa wena xa wanuna ni xa wasati, hambu ni homu ya wena, ni mbongola ya wena, ni xinwani xifuyo xa wena, ni muluveli loyi a nga mutini wa wena; kasi a xitiri xa wena xa wanuna ni xa wasati va fela ku humula kota wena. Gen. 2:2; Ezek. 20:12; Maheb. 4:4

Eksodusi 23:12

U ta tira mitiro ya wena hi ntlhanu wa masiku ni ginwe, kanilezi u ta humula hi siku ga wuntlhanu ni mambiri; ku ta humula ni homu ya wena, ni mbongola ya wena; ni nʼwana wa khumbi ya wena ni muluveli wa wena, vonawu va ta humula.

Johani 5:17

Jesu i lo hlamula, aku: Dadani wa ha tira ni lezi, na mina nza tira. Xip. 9:4; 14:10

Isaya 58:13

Loku u khoma a nenge wa wena lezaku wu nga onhi a sabado, U nga mahi a ntiro wa wena hi siku ga mina go basa; Loku u wula lezaku a siku ga sabado litsako la wena, Lezaku legi gi basileko ga Jehova gi fanele ku chabyiwa, Loku u gi dzunza hi ku nga fambi tindleleni ta wena wutsumbu, Ni ku nga mahi kuranza ka wena ni ku wulawula timhaka ta hava,

Genesisi 1:31

Nungungulu i lo wona zontlhe a nga maha; languta, zi wa sasekile nguvu. Gi lohlwa, gica, kuva siku ga wuntlhanu ni ginwe.

Maheberu 4:10

Hakuva yena loyi a enghenileko kuhumuleni ka Nungungulu, i humule na yena mitirweni yakwe, kota lezi Nungungulu a nga humula ka yakwe.

Genesisi 2:3

Nungungulu i lo katekisa a siku ga wuntlhanu ni mambiri, a gi basisa; hakuva hi ka gona Nungungulu i lo humula mitirweni yakwe yontlhe a nga yi vanga hi ku tira.

Eksodusi 31:15

Ku ta tiriwa ntlhanu wa masiku ni ginwe, zonake a ga wuntlhanu ni mambiri gi tava ga sabado ga kuhumula, legi gi basiselweko Jehova. Kani hi wihi loye a tirako hi siku ga sabado, i ta dawa.