Genesisi 19:17 - Tshwa Bible

¹⁷ Laha na va va humesile lahandle ka muti, munwani i te ngalo: Tsutsuma u ponisa wutomi ga wena, u nga cuwuki nzhako, u nga yimi lomu livaleni leli; chavela xitsungeni, u nga taku u loviswa.

Genesisi 19:17 Referans Kwoze

Luka 9:62

Jesu aku ngalo kakwe: A munhu loyi a khomako xikomu a kuya kurimeni, a tlhela a cuwuka lenzhako, a nga fanelwi hi mufumo wa Nungungulu.

Genesisi 19:26

Kanilezi a sati wakwe loyi a nga mu lanza, i lo cuwuka nzhako, a su maha ruka ga munyu.

Genesisi 19:22

Hatlisa u chavela ka wona, hakuva nzi nga ta maha nchumu na u nga se chikela kona. Hikwalaho a vito ga muti gi lo vitanwa ku Zoare.

Mateu 3:7

Kanilezi laha na a wona a vanyingi va vaFarisi ni vaSadusi na vata kubapatizeni kakwe, i te ngalo kabye: Pswalo wa tinyoka, mu lulekilwe hi mani ku chava a khulo gi tako ke? Xip. 12:34; Rom. 5:9; 1 Tes. 1:10

Jeremia 48:6

Tsutsumani, mu ti ponisa, Mu ku khwatsi mu xihlahla xo woma lomu xiwuleni.

1 Tihosi 19:3

Makunu laha yena a nga wa zi wonile, i lo suka a famba kasi ku ponisa wutomi gakwe, a ya chikela le Berexeba ga ka Juda; leyo i lo ya siya a nanza gakwe;

Genesisi 13:10

Loti i lo tlakusa a mahlo yakwe, i lo wona a mikova yontlhe ya Jordani, hakuva yi wa hi ni mati yontlhe (Jehova i wa nga se lovisa Sodoma ni Gomora), na yona yi wa ku khwatsi i simu ga Jehova kotisa a tiko ga le Gipite, kala ku chikela Zoare.

Tisimu 121:1

Nzi tlakusela mahlo ya mina zitsungeni, Kuta hi kwihi a kuvunetela ka mina ke?

1 Samueli 19:11

Kanilezi Saule i lo rumela vanhu le ndlwini ya Davida a ku ya mu rinzela kasi a fela ku mu daya laha mixweni. Kanilezi a sati wakwe Mikali i lo mu byela, aku: Loku u nga tsutsumi wusiku legi, u ta ta dawa ni mixo.

Genesisi 18:22

Ni madota ma lo fulara ma komama Sodoma; Abrahama i wa ha yimile mahlweni ka Jehova.

Maheberu 2:3

zonake hi ta ponisa kuyini loku hi ala a kuhanyiswa ka hombe ka kunghahi ke? loku ku nga wulawulwa kuranga hi Hosi, zonake ku tiyiswa ka hina hi vona lava Va nga yizwa. Isa. 45:17; Mat. 4:17; Mar. 1:14

Genesisi 14:10

Makunu a tivala ta le Sidime ti wa hi ni minkele ni marope. A tihosi ta le Sodoma ni Gomora ti lo tsutsuma ti wela lomo; a vanwani va lo tsutsumela xitsungeni.

Genesisi 19:18

Loti i te ngalo: Ngha zi nge nghaho, Hosi yanga.

Genesisi 19:30

Loti i lo suka Zoare, a ya tshama xitsungeni ni vanhwana vakwe va vambiri, hakuva i lo chava ku tshama le Zoare. Yena i lo ya aka le mhakweni, yena ni vanhwana vakwe va vambiri.

Mitsengo 16:26

Mosi i lo byela a tlhangano wontihe aku ngalo: Humani matendeni ya vanhu lava vo biha, mu nga henyi ni nchumu xa lezi zi nga zabye, mu nga loviswa hi kota ya zionho zabye zontlhe.

1 Tihosi 1:12

Makunu ngone, nzi ta ku nyika wusungukati legi gi ta nga ponisa wutomi ga wena ni ga nʼwana wa wena Solomoni:

Luka 12:23

Hakuva a kuhanya ka hunza a zakuga, ni miri wa hunza ziambalo.