Genesisi 19:13 - Tshwa Bible

¹³ Hakuva hi ta lovisa legi wutshamu, hi kota ya huwa ya hombe yi mahiwako hi kota ya vona mahlweni ka Jehova; Jehova i hi rumile akuva hi lovisa legi wutshamu.

Genesisi 19:13 Referans Kwoze

Genesisi 18:20

Jehova i te ngalo: Kota lezi a huwa ga le Sodoma na Gomora gi nga ga hombe, ni lezaku a zionho zabye za tshisa;

Juda 1:7

Kota Sodoma ni Gomora ni miti ya kona, leyi yi nga ti nyikela wubhayini, ni ku lanzela nyama ya hava, yi yimisilwe a kuva xikombiso, yi tsayiswa hi nzilo wa pinzukelwa.

Mitiro 12:23

Khalakale a ngelosi ya Hosi yi lo muba, hilezi a nga mu nyikangi wudzunzo Nungungulu; i lo giwa hi ziwungwani, afa. 1 Sam. 25:38

Jakobe 5:4

Langutani, a hakhelo wa zitiri lezi zi nga tshovela masimu ya nwina, lowu mu nga va kalavela hi wuxengeteli, wa rila; ni kurila ka lava va nga tshovela ku zwele tindleveni ta Hosi ya tiyimpi. Levi 19:13; Deut. 24:15; Jer. 22:13

Isaya 37:36

A ngelosi ya Jehova yi lo huma yiya wugovelweni ga maAssiria yi ya daya 185,000 wabye; laha vanhu va nga vuka ni mixo zi wa hi zirumbi ntsena.

Isaya 36:10

Xana a nzi tangi a ku ta lovisa tiko legi hi kuranza ka Jehova ke? Hi Jehova a nzi byelileko lezaku: Famba ka tiko legiya u ya gi lovisa.

Isaya 3:11

Khombo ka wakubiha! i tava ni khombo hakuva i ta nyikiwa a nchachazelo wa mitiro yakwe.

Genesisi 13:13

Kanilezi a vanhu va le Sodoma va wa bihile, va wa onha nguvu mahlweni ka Jehova.

Genesisi 19:12

A madota ma ku ngalo ka Loti: Mbamani u nga navo laha kusuhani ke? vamwane va wena, ni vana va wena, ni vanhwana va wena, ni vontlhe lavo va nga va wena va humese ka legi wutshamu.

Levi 26:30

Nzi ta hahlula matshamu ya nwina ma tlakukileko, nzi wisa a timhinga ta nwina ta gambo, nzi hoxa zirumbi za nwina hehla ka zirumbi za zifananiso za vanungungulu va nwina; ni muhefemulo wa mina wu ta swireka ha nwina.

Deuteronome 4:26

mina nza vitana nyamutlha a tilo ni misava a kuva vakustumunyu vo mu kecara, lezaku nwina mu ta yafa hi kuhatlisa a tikweni lego mu yako ku ya gi fumela, le tlhatukweni wa Jordani, cima nwina mu nga ta simama ni masiku ya nwina mu hanya, hakuva mu ta ya lobyiswa hakunene.

Deuteronome 28:45

Wontihe makhombo ma tata hehla ka wena, ma ku lanzela ma kala ma ku khubhunyeta u lobyiswa, hakuva wena a ku ingisangi a gezu ga Jehova Nungungulu wa wena, ni ku hlayisa milayo yakwe ni zileletelo zakwe lezi a ku leleteleko zona.

Jeremia 44:22

Jehova i wa nga zi koti ku timisela hi kota ya kubiha ka zimaho za nwina, ni manyalataniso lawa mu nga ma maha. A tiko ga nwina gi hahlukile hi kota ya zona, giva marumbi ni xiruko, gi kala gi vumala ni muaki nyamutlha.

Mitsengo 16:21

Tlhatukani xikari ka tlhangano lowu, nzi ta va lovisa khatiginwe.