Genesisi 17:8 - Tshwa Bible

⁸ Nzi ta nyika ka wena, ni ka pswalo wa wena anzhako ka wena, a tiko legi u nga muluveli ka gona, a tiko gontlhe ga Kanani gi, tava tiko ga nwina kala kupinzuka; nzi tava Nungungulu wabye.

Genesisi 17:8 Referans Kwoze

Levi 26:12

Nzi ta fambafamba xikari ka nwina, nziva Nungungulu wa nwina, nwina muva vanhu va mina.

Tisimu 105:11

Aku: Nzi ta ku nyika a tiko ga Kanani, Lezaku giva tshomba ya wena.

Eksodusi 6:7

Mina nzi ta mu teka muva vanhu va mina, mina nziva Nungungulu wa nwina, loyi a mu tlhatlhisileko ka mikhinyavezo ya vaGipite;

Genesisi 12:7

Jehova i lo woneka ka Abrama, aku ngalo; Nzi ta nyika ka pswalo wa wena legi tiko. Zonake i lo aka a alati ga Jehova, loyi a nga woneka ka yena laho. Neh. 9:8; Miti. 7:5; Gal. 3:16

Deuteronome 29:13

Inyamutlha i ta ku yimisa a kuva tiko gakwe wutsumbu, na yena a maha Nungungulu wa wena, khwatsi hi lezi a wulileko ka wena, ni ku khwatsi hi lezi a hlambanyileko ka vararu va wena, Abrahama na Isaka na Jakobe.

Deuteronome 26:18

Jehova i tiyisile nyamutlha lezaku mu vanhu vakwe wutsumbu, khwatsi hi lezi a ku tsumbisileko loku u kari u ingisa yontlhe milayo yakwe;

Deuteronome 14:2

Hakuva nwina mu vanhu va basileko va Jehova Nungungulu wa nwina, ni kambe Jehova i mu hlawulile lezaku mu hi vanhu vakwe yena wutsumbu, a xikari ka wontihe matiko lawa ma nga hehla ka misava. Ekso. 19:5

Genesisi 13:15

hakuva a tiko gontlhe legi u gi wonako, nzi ta gi nyika ka wena ni pswalo wa wena kala kupinzuka.

Tisimu 105:9

A xivumelwano lexi a xi mahileko na Abrahama, Ni xifungo xakwe ka Isaka; Gen. 15:18; 26:2

Deuteronome 4:37

Hi lezi i ranzile vararu va wena, zonake a hlawula a vazukulu vabye anzhako ka vona, yena wutsumbu a ku humesa le Gipite hi ntamu wakwe wa hombe,

Genesisi 28:4

a ku nyika xikatekiso xa Abrahama, wena ni pswalo wa wena; kasi wena wa fela kuga a tshomba ya tiko lego u luvelako ka gona, legi Nungungulu a nga gi nyika ka Abrahama.

Genesisi 13:17

Suka u famba u tsemakanya tiko, a kunavalata ka gona ni kuanama ka gona, hakuva hi gona nzi to ku nyika.

2 Samueli 23:5

Xana a yi lezo a yindlu ya mina mahlweni ka Nungungulu ke? Hakuva i mahile xivumelwano xa pinzukelwa na mina, Lexi xi longiselweko khwatsi, xi tiyiswa. Wa kulisa a kuhanyiswa ka mina kontlhe ni kutsaka ka mina kontlhe.

Deuteronome 32:8

Loku Loyi a nga Hehla-hehla a nyikileko matiko a tshomba ya wona, Laha yena na a hambanyisile a vanana va vanhu, I lo tsala mimbhingano ya vanhu Khwatsi hi wunyingi ga vanana va ka Israeli.

Mitsengo 25:13

Xi tava ka yena ni ka zizukulwana zakwe lexi xivumelwano xa wupristi legi ga kala kupinzuka, hakuva i pinyamele Nungungulu wakwe, a mahela a vanana va ka Israeli a nzhiho.

Eksodusi 40:15

u va tota khwatsi hi raru wabye, kasi va tira a ntiro wa wupristi mahlweni ka mina. Hi kutotwa kabye va ta wumbelwa a wupristi ga pinzukelwa ka zontlhe zizukulwana zabye.

Genesisi 48:4

aku ka mina: Nzi ta ku nyika kubeleka nzi ku anzisa, nzi ta ku maha matiko manyingi, nzi ta ku nyika legi tiko, wena ni pswalo wa wena anzhako ka wena, yi tava a tshomba ya kala kupinzuka.

Genesisi 23:4

Mina nzi muluveli ni muenzi xikari ka nwina; nzi heni wutshamu ga xilahla xikari ka nwina, kasi nza lahla a mufi wa mina, kasi a nga havi kona mahlweni ka mina.

Maheberu 9:15

Hi kota ya lezo yena mutlhanganyisi wa vanhu ni Nungungulu xivumelwaneni xiswa, kasi vona lava va vitanilweko va fela ku kuma a tshomba ya pinzukelwa leyi va tsumbisilweko yona, kota lezi ku humeleko a kufa loku ku va tirulako ka zihambuko lezi zi nga mahiwa lahasi ka xivumelwano xo ranga. Rom. 3:25; 1 Tim. 2:5

Tisimu 103:17

Kanilezi a wuxinji ga Jehova ga kala kupinzuka Ka vona lava va mu chavako, Ni kululama kakwe ka vazukulu, Ekso. 20:6; Deut. 7:9; Lu. 1:50

Levi 16:34

Lexi xi tava xileletelo xa nwina xa kala kupinzuka, lezaku a vana va ka Israeli va mahelwa a nzhiho kanwe hi lembe, kasi va fela ku ruliwa zontlhe zionho zabye. Yena i lo maha khwatsi hi lezi Jehova a leleteleko Mosi.

Eksodusi 21:6

zonake a nwinyi wa yona i ta yi neha mahlweni ka Nungungulu, a yi tshineta kusuhani ni livati laha ka mhanze ya laha nyangweni; zonake a nwinyi wa yona a yi bhoxa ndleve hi litlhawo. Zonake yi ta mu tirela wontihe masiku.

Mitiro 7:5

Kanilezi a nga mu nyikangi tshomba ka gona, ge, hambu ni ya ku veka konzo wakwe kona; kanilezi i lo mu tsumbisa lezaku i ta gi nyika kakwe, giva gakwe ni ga pswalo wakwe, hambu lezi a nga ngha a nga seva na nʼwana. Gen. 12:7; 15:3; 17:8; 26:3

Kuvululelwa 21:7

Loyi a hlulako i taga a tshomba ya lezi zilo; nzi tava Nungungulu wakwe, yena i tava nwananga. Maheb. 8:10

Genesisi 26:24

Hi lego wusiku Jehova i lo woneka ka yena, aku: Hi mina Nungungulu wa Abrahama a raru wa wena; u nga chavi, hakuva nzi na wena, nzi ta ku katekisa, nzi anzisa a pswalo wa wena hi kota ya Abrahama a nanza ga mina.

Genesisi 36:7

Hakuva a zifuyo zabye zi wa tele nguvu, laha kaku a tiko lego va nga wa akile ka gona gi wa nga va enelisi hi kota ya mitlhambi yabye.

Genesisi 37:1

Jakobe i wa akile tikweni ga le Kanani legi a raru wakwe a nga luvele ka gona.

Eksodusi 13:11

Laha Jehova a ta nga ku chiketa a tikweni ga vaKanani, kota lezi a hlambanyileko ka wena ni ka vararu va wena, a ku ku nyika gona,

Eksodusi 29:45

Nzi ta aka xikari ka vanana va ka Israeli, nziva Nungungulu wabye. Levi 26:11; 2 Kor. 6:16

Eksodusi 32:13

Alakanya Abrahama, na Isaka, na Israeli, a malanza ya wena, lava u nga hlambanya ka vona uku ngalo: Nzi ta anzisa a pswalo wa nwina; wu ta kota tinyeleti ta tilo; nzi ta nyika ka pswalo wa nwina gontlhe tiko legi nzi gi wulileko, va ta gi fumela kala kupinzuka, Gen. 12:7; 15:5; Maheb. 6:13

Deuteronome 9:5

A ku engheni ku ti tekela a tiko gabye hi kota ya kululama ka wena ni wunene ga mbilu ya wena, kanilezi Jehova Nungungulu wa nwina i hlongola matiko lawa mahlweni ka wena hi kota ya kubiha ka wona, ni lezaku a fela ku tiyisa a gezu legi Jehova a hlambanyileko ka vararu va wena, Abrahama na Isaka na Jakobe.

Jeremia 25:5

Va waku: Hunzulukani munwe ni munwani a ndleleni yakwe yo biha, ni ka kubiha ka zimaho za nwina, kasi ma aka tikweni legi Jehova a nyikileko nwina ni vararu va nwina, kusukela kaleloko ku kala kupinzuka.

Jeremia 31:1

A xikhatini lexo, ku wula Jehova, nzi tava Nungungulu wa tontlhe tixaka ta ka Israeli, vona va tava vanhu va mina.

Genesisi 35:27

Zonake Jakobe i lo chikela ka Isaka, a raru wakwe, le Mamre a mutini wa Kiryat-arba kwale. Hebroni, laho ku tshamileko Abrahama na Isaka.

Eksodusi 6:4

Mina nzi yimisile a xivumelwano xa mina zinwe na vona xa kuva nzi va nyika a tiko ga Kanani, a tiko legi va nga wa luvele ka gona.

Levi 14:34

Laha mu ta nga chikela tikweni ga le Kanani, legi nzi mu nyikileko gona, loku nzi neha a ntungu wa hlokonho ka yinwe ya tiyindlu ta tiko legi gi ta ngava ga nwina,

Mitsengo 10:29

Mosi i te ngalo ka Hobaba, a nʼwana wa Reueli, a muMidiani, a muxade wa Mosi: Hina hiya tikweni legi Jehova a nga ku ngalo: Nzi ta mu nyika gona. A hi fambe hontlhe; hina hi ta ku khoma khwatsi, hakuva Jehova i wulawulile kusasa ha Israeli.

Mitsengo 27:12

Jehova i te ngalo ka Mosi: Kanziha xitsungeni xa Abarime u wona a tiko legi nzi nyikileko a vanana va ka Israeli;

Deuteronome 32:49

Kanziha xitsungeni lexi xa Abarima, le xitsungeni xa Nebo lexi xi nga lomu tikweni ga Moabi, lexi xi xungeteneko ni Jeriko; zonake u ta ya wona a tiko ga Kanani legi nzi fumisako ka gona a vanana va ka Israeli.

Deuteronome 34:4

Jehova i te ngalo kakwe: Legi hi gona tiko nzi gi hlambanyileko ka Abrahama, ni ka Isaka, ni ka Jakobe, nziku: Nzi ta gi nyika ka pswalo wa wena; hikwalaho mina nzi ku kombisile gona kasi u gi wona hi mahlo ya wena, kanilezi u nga ta tlhatukela ka gona. Gen. 12:7

Joxua 1:2

A nanza ga mina Mosi i file; hikwalaho suka wena u ya tlhatuka loyi Jordani, wena ni vontlhe lava vanhu, mu ya enghena a tikweni legi nzi nyikileko a vanana va ka Israeli.

1 Kronekele 16:18

Aku: Nzi ta ku nyika a tiko ga Kanani, Gi maha a tshomba ya wena.

Ezekieli 11:20

kasi va fela ku hlayisa a zilayelo za mina, va gonga a zileletelo za mina, va zi maha. Va ta kuva vanhu va mina, mina nziva Nungungulu wabye. Ekso. 6:7; Deut. 30:9; Jer. 7:23

Ezekieli 33:24

Nʼwana wa munhu, lava va akileko marumbini ya tiko ga ka Israeli ve ngalo: Abrahama i wa hi munwe basi, hambu lezo i loga tshomba ya tiko. Kanilezi hina hi vanyingi, a tiko gi nyikilwe ka hina akuva tshomba.

Zakaria 8:8

Nzi ta va wuyisa, va ta tshama xikari ka Jerusalema; va tava vanhu va mina, mina nzi maha Nungungulu wabye, hi zinene ni kululama.