Genesisi 15:15 - Tshwa Bible

¹⁵ Kanilezi wena u taya ka vararu va wena hi kurula; u ta kelelwa na u khosahele.

Genesisi 15:15 Referans Kwoze

Joba 5:26

U taya nkeleni wa wena na u khosahele; Kukotisa a nyanza ya mavele loku yi susiwa hi xikhati xa yona.

2 Kronekele 34:28

Nzi ta ku tlhanganyisa ni vararu va wena, u lahliwa nkeleni wa wena; a mahlo ya wena ma nga ta wu wona wontihe a hlomulo lowo nzi ta nga wu neha wutshanwini legi ni ka vanhu va gona. Va lo yisa timhaka leto ka hosi.

Mitsengo 27:13

loku u gi wonile, u ta amukelwa ka va ka nwina khwatsi hi lezi nakuloni Aroni a amukelweko.

Danieli 12:13

Kanilezi ti fambele u ya rinzela xikhati xa magumo, hakuva U ta humula, zonake u ta vuka u amukela a xiavelo xa wena a kumbheleni ka masiku.

Mitiro 13:36

Hakuva anzhako ka kuva Davida a tirile a khungo ga Nungungulu xizukulwaneni xakwe, i lo etlela, a lahliwa zinwe ni vakoko vakwe, a wona kubola;

Mutshawuteli 12:7

ni ntshuri wu nga se tlhela wuya misaveni khwatsi hilezi wu nga hi zona, ni moya wu tlhelela ka Nungungulu loyi a nga munyiki wa wona. Gen. 2:7; Lu. 23:46; Miti. 17:25

Joba 42:17

Zinghaho Joba i lofa na a khosahele, na a hi wa masiku yo hlaya. Gen. 35:29

1 Kronekele 29:28

I lofa na a khosahele nguvu, na hi ni masiku yo hlaya, na hi ni titshomba, ni wudumo; a nʼwana wakwe Solomoni i lo fuma xikhundleni xakwe.

Valamuli 2:10

A vanhu vontlhe va xizukulwana lexo va lo amukelwa ka vararu vabye. Ku lo lanzela xinwani xizukulwana anzhako ka lexo, leʼxi nga mu tiviko Jehova, hambu hi mitiro leyi a yi mahileko ka Israeli. Deut. 31:16

Genesisi 49:29

Zonake i lo va laya, aku ka vona: Mina nzi ta amukelwa ka va ka hina; mu ta ya nzi lahla ka vadadani, lomu mhakweni leyi yi nga kona sinwini ga Efroni, a muHiti.

Mitsengo 20:24

Aroni i ta amukelwa ka va ka kabye, hakuva a nga ta enghena ka tiko legi nzi nyikileko a vanana va ka Israeli; hakuva mu kanetile a gezu ga mina le matini ya le Meriba.

Genesisi 35:29

Zonake Isaka i lo nyikela moya wakwe, afa; i lo amukelwa ka va ka kabye na a hi wa kale, a hi ni masiku yo tala; a vana vakwe Esau na Jakobe, va lo mu lahla.

Mateu 22:32

Mina nzi Nungungulu wa Abrahama, ni Nungungulu wa Isaka, ni Nungungulu wa Jakobe? Nungungulu a hi Nungungulu wa vafileko, kanilezi ngwa vahanyako. Ekso. 3:6, 18; Lu. 20:38

Mutshawuteli 6:3

Loku munhu a pswala zana ga vanana, a hanya malembe yo tala, loku a muhefemulo wakwe a nga xuri hi litsako, a nga kumi ni munhu wa ku mu lahla; nzi tiyisa lezaku loyi a belekiwako na xikhati xakwe xi nga se ku chikela, i katekile ku hunza yena.

Tisimu 37:37

Cuwukisisa a munhu a mbheleleko, u languta loyi a lulamileko, Hakuva a munhu wa kurula i na ni vazukulu.

1 Kronekele 23:1

Laha Davida a nga wa khosahele, hi kutala ka masiku yakwe, i lo yimisa nʼwana wakwe Solomoni a kuva hosi hehla ka va ka Israeli.

Genesisi 50:13

A vana vakwe va lo mu yisa tikweni ga le Kanani, va ya mu lahla lomu ka mhako ya simu ga Makapela, leyi Abrahama a nga xava ka Efroni, a muHiti hi tlhelo ga Mutsuwuka-gambo wa Mamre, kasi ku maha xilahla xa vafi. Miti. 7:16

Genesisi 49:31

Hi kwalomo Abrahama na Sara a sati wakwe va lahlilweko kona; hi kwalomo kambe Isaka na Rebeka a sati wakwe va lahlilweko kona; hi kwalaho nzi nga lahla Lea; Gen. 23:19; Miti. 7:15

Genesisi 23:19

Anzhako ka lezo Abrahama i lo lahla a sati wakwe a mhakweni ya simu ga Makapela mahlweni ka Mamre, ku nga le Hebroni, a tikweni ga Kanani.

Genesisi 23:4

Mina nzi muluveli ni muenzi xikari ka nwina; nzi heni wutshamu ga xilahla xikari ka nwina, kasi nza lahla a mufi wa mina, kasi a nga havi kona mahlweni ka mina.

Genesisi 47:30

Loku nzi etlela ni vadadani va mina, u ta nzi susa lomu Gipite u ya nzi lahla tsizeni gabye. Josefa aku: Nzi ta maha kota kuwula ka wena.

Deuteronome 31:16

Jehova i te ngalo ka Mosi: Wena U ta etlela zinwe ni vararu va wena; kanilezi lava vanhu va ta ya hlakana hi wuoswi ni vanwani vanungungulu va tiko lego va yako ka gona; va ta nzi tsika va hambunyeta xivumelwano lexi nzi mahileko zinwe na vona.

Tisimu 49:19

U taya xizukulwaneni xa vadadani va wena, Lava cima va to kala va nga ha woni kuwonekela.

Joba 41:32

Yi maha tisoko ta yona ti ngangamela, Ni mati ya bimbi ma basa khwatsi i wuvu ga xikhosana.