Genesisi 14:20 - Tshwa Bible

²⁰ A khesiwe Nungungulu a nga Hehla-hehla, a nga nyikela valala va wena mandleni ya wena. Na Abrama i lo mu nyika za wukhume ka zontlhe.

Genesisi 14:20 Referans Kwoze

Genesisi 28:22

Legi ribye nzi gi yimisako laha akuva mhinga, gi ta kuva a yindlu ya Nungungulu; zonake ka zontlhe lezi u ta nga nzi nyika zona, nzi ta susa nzi nyikela za wukhume.

Malaki 3:10

Nehani zontlhe za wukhume a ndlwini ya kuveketela, kasi ku fela kuva ni zakuga ndlwini ya mina, mu nzi ringa ha zona, ku wula Jehova wa tiyimpi, kasi ku wona loku nzi ta kala nzi nga mu vululeli a tinjhanela ta tilo nzi mu chululela a makatekwa yo tlhela mu vumala ni wutshamu go chela kona.

Luka 18:12

Nzi yila kumbiri hi viki, nzi nyika za wukhume ka zontlhe lezi nzi zi kumako.

Genesisi 24:27

aku ngalo: A ku khesiwe Jehova, Nungungulu wa nwinyi wa mina Abrahama, loyi a nga tsikangiko a ku mahela nwinyi wa mina a wuxinji ni kutsumbeka. Jehova i nzi rangele lomu ndleleni a nzi yisa ndlwini ya maxaka ya nwinyi wa mina.

Va le Efesusi 1:3

A ku khesiwe Nungungulu tlhelo Dadani wa Hosi ya hina Jesu Kristu, loyi a hi katekisileko ka Kristu hi zikatekiso zontlhe za ka moya za le tilweni, Tis. 72:17

Va le Roma 15:16

lezaku nzi tava xitiri xa Jesu Kristu xikari ka vamatiko, nzi khozela kota mupristi wa ivangeli ya Nungungulu, lezaku a vamatiko vave a munyileko wu amukelekako, na wu basisilwe hi Moya wa ku Basa. Gal. 2:7, 9; 1 Tim. 2:7

Malaki 3:8

A munhu a nga zi kota ku yivela Nungungulu ke? kasike nwina ma nzi yivela. Kanilezi mu ngalo: Xini hi ku yiveleko? Hi zawukhume ni minyikelo. Mitse. 18:24; Neh. 10:37; 12:44

Amosi 4:4

Yanani Beteli mu ya onha; yanani le Gilgale mu ya anzisa a zionho! Nehani a miphahlelo ya nwina mixo ni mixo, mu nyikela za wukhume za nwina hi siku ga wunharu.

Tisimu 144:1

A khesiwe Jehova, a ribye ga mina, Loyi a nga gonzisa mandla ya mina a yimpi. Ni titiho ta mina a kulwa. 2 Sam. 22:35

Tisimu 68:19

A yi dumiswe a Hosi leyi yi rwalako a minzhwalo ya hina wontihe masiku; Nungungulu i kuhanyiswa ka hina. (Sela.)

Tisimu 44:3

Hakuva a va kumangi tiko hi matlhari yabye, A va hlulangi hi mawoko yabye, Kanilezi hi canja ga wena ga xinene, ni woko ga wena, Ni kuvaninga ka nghohe ya wena, hakuva u lo xalala ha vona. Ekso. 33:14; Mitse. 6:25; Jox. 24:12

Nehemia 13:12

Zonake a tiko gontlhe ga Juda gi lo neha a za wukhume za mavele ni vinya ni mafura lomu wuveketelweni.

Nehemia 10:37

Ni ku neha lezi zi hlawulekako za mapa ya hina, ni za minyikelo ya hina ya kunziwitela, ni za mihanzu ya tisinya ta tixaka tontlhe, a vinya, ni mafura, hi zi nyika ka vapristi va nga tikwarutwini ta yindlu ya Nungungulu wa hina; hi nyikela a za wukhume za misava ya hina ka vaLevi, hakuva vona vaLevi va teka za wukhume lomu mitini yontlhe leyi yi nga ni masimu lomu tikweni ga hina. Levi 23:17; Mitse. 15:19

2 Kronekele 31:12

Va lo neha a mihlengo, ni za wukhume, ni zilo zi basisilweko hi kukholeka. Konania a muLevi i wa hi muhlayisi wa zona; a nakulobye Ximei i wa hi muvuni wakwe.

Joxua 10:42

Joxua i lo khozisa khatiginwe tontlhe tihosi leti ni matiko ya tona, hakuva Jehova Nungungulu wa ka Israeli i lo lwela Israeli.

Deuteronome 14:28

Loku ku hunza malembe manharu, u ta humesa zontlhe za wukhume u hulileko lego lembe, u zi veka laha tinyangweni ta wena.

Deuteronome 14:23

U ta yaga mahlweni ka Jehova Nungungulu wa wena, laha ka wutshamu lego a ta nga hlawula a ku veka a vito gakwe laho, a za wukhume za mavele ya wena, ni za vinya ga wena, ni za mafura ya wena, ni za matewula ya zifuyo za wena za hombe ni lezi za zitsongwani, kasi wa fela ku gonza ku chava Jehova Nungungulu wa wena ka wontihe masiku.

Deuteronome 12:17

Laha ngangweni wa wena u ngagi za wukhume za mavele ya wena, ni za vinya ga wena, ni za mafura ya wena, hambu matewula ya tihomu ta wena, ni ya timbuti ta wena, kutani hi xilo lexi u nga xi nyikela hi kuhlambanya, kutani minyikelo ya kuranza ka wena, kutani hi minyikelo ya ku nziwitela leyi yi humileko hi lomu canjeni ga wena, Gen. 9:4; Levi 3:17

Mitsengo 28:26

Ni kambe hi siku ga mihanzu yo ranga, laha mu nyikelako mavele maswa ka Jehova, laha mubuzweni wa nwina wa maviki, mu tava ni mutlhangano wa kubasa; mu nga dzuki mu tira ntiro wo binza ha gona.

Genesisi 9:26

Kambe i te ngalo: I katekisilwe Jehova Nungungulu wa Xemi; Kanani i ta kuva nanza gabye.

Genesisi 14:21

A hosi ya le Sodoma yi te ngalo ka Abrama: Nzi nyike a vanhu, wena u teka a tshomba yontlhe.

Eksodusi 18:10

Jetro aku ngalo: A ku khesiwe Jehova loyi a mu tlhatlhisileko canjeni ga vaGipite, ni le canjeni ga Faro; loyi a tlhatlhisileko vanhu canjeni ga vaGipite.

Genesisi 47:24

Zonake a siku ga kutshovela, a xirunzu xa wuntlhanu mu ta nyika Faro, lezi za mune zi tava za nwina, mu ta ti vekela mbewu leyi mu ta nga byala ha yona, ni kuga nwina ni mingango ya nwina ni vanana va nwina.

Genesisi 47:26

Hikwalaho Josefa i lo veka nayo tikweni gontlhe ga Gipite kala inyamutlha, lezaku Faro a nyikiwa xipanze xa wuntlhanu, ntsena a tiko ga vapristi goce, hakuva gi wa nga hi ga Faro.

2 Samueli 18:28

Ahimaza i lo vitana aku ka hosi: Kurula! Zonake i lo korama mahlweni ka hosi a kombisa xichavo, a wuya aku: A ku dumiswe Jehova Nungungulu wa wena loyi a Wulileko a vanhu lava va vukelako hosi ya mina.