Genesisi 12:1 - Tshwa Bible

¹ Makunu Jehova i te ngalo ka Abrama: Suka tikweni ga nwina, ni le maxakeni ya wena, ni le ndlwini ya raru wa wena, uya tikweni legi nzi ta nga ku kombisa gona. Miti. 7:3; Maheb. 11:8

Genesisi 12:1 Referans Kwoze

Maheberu 11:8

Hi kukholwa Abrahama i lo ingisa laha a nga vitanwa, a suka aya tikweni lego a ta nga ya nyikwa gona giva tshomba yakwe: i lo rura na a nga ku tivi laha a yako kona. Gen. 12:1, 4

Nehemia 9:7

Hi wena Jehova Nungungulu, loyi u hlawuleko Abrama, u mu humesa le Uri wa maKaldea, u mu chula vito ga Abrahama; Gen. 11:31; 12:1; 17:5

Isaya 51:2

Cuwukani ka Abrahama a dadani wa nwina, Na Sara loye a mu psweleko; Hakuva laha a nga hi yece nzi mu vitanile, Nzi mu katekisa, ni ku mu anzisa. Gen. 12:1; Jox. 24:3; Ezek. 33:24

Genesisi 15:7

Yena i te ngalo ka yena: Hi mina Jehova loyi a nga ku humesa le Ure wa maKaldea, kasi nzi ku nyika legi tiko kuva tshomba ya wena.

Ezekieli 33:24

Nʼwana wa munhu, lava va akileko marumbini ya tiko ga ka Israeli ve ngalo: Abrahama i wa hi munwe basi, hambu lezo i loga tshomba ya tiko. Kanilezi hina hi vanyingi, a tiko gi nyikilwe ka hina akuva tshomba.

2 Va le Korinte 6:17

Hikwalaho ti hambanyiseni mu huma xikari ka vona, ku wula Hosi; mu nga khumbi a xilo xo nyenyeza, zonake nzi ta mu amukela. Isa. 52:11; Kuv. 18:4

Isaya 41:9

Wena loyi nzi ku tekileko magemeta-musi ya misava, Nzi ku vitanileko magunweni ya kona, Nzi ku byelile, nziku: Wena u nanza ga mina, Nzi ku hlawule, a nzi ku tsikangi.

Kuvululelwa 18:4

Nzi lozwa ginwani gezu gita hi le tilweni, giku: Humani ka yena, nwina vanhu va mina, lezaku kasi mu nga hlengeli zionho zakwe, mu biwa hi zixaniso zakwe, Isa. 48:20; 2 Kor. 6:17

Genesisi 20:13

Zonake loku Nungungulu a nzi mahile munzulanzuli hi le ndlwini ya dadani wa mina, nzi te ngalo kakwe: Legi hi wuxinji legi u to mahela gona ka matshamu wontihe lawo hi ta ngaya ka wona, wula ha mina aku: Loyi makabye wa mina.

Genesisi 24:4

kanilezi u taya tikweni ga hina, ni le maxakeni ya mina, u ya tekela a nʼwana wa mina Isaka a sati.

Genesisi 26:2

Jehova i lo woneka ka yena, aku ngalo: U nga releli uya Gipite;: aka lomu tikweni legi nzi ta nga ku byela gona.

Isaya 37:12

A matiko lawa ma nga hlaselwa hi vadadani va mina ma ponisilwe hi vanungungulu va wona ke? A tiko ga Gozani, na Harani, na Rezefa, ni vanana va ka Edeni laʼva nga le Telassari.

Genesisi 24:7

Jehova, Nungungulu wa tilo, loyi a nga nzi teka le ndlwini ka dadani, ni le tikweni ga maheleko, loyi a nga wulawula a hlambanya ka mina, aku: A pswalo wa wena nzi ta wu nyika legi tiko; i ta ruma ngelosi yakwe mahlweni ka wena, u ta ya mu tekela nʼwana wa mina a sati leyo.

Genesisi 24:38

Kanilezi u taya le ndlwini ka dadani, ni le maxakeni ya! mina u ya tekela a nʼwana wa mina a sati.

Mitsengo 10:30

Hobaba i lo hlamula, aku kakwe: Mina nzi nga ta famba; kanilezi nzi ta tlhelela tikweni ga hina, ni le maxakeni ya mina.