Genesisi 1:16 - Tshwa Bible

¹⁶ Nungungulu i lo vanga a ziwoningo zimbiri za hombe; a xiwoningo xa hombe ku fumela hlikanhi, ni xiwoningo xi tsongwani ku fumela wusiku: i lo vanga ni tinyeleti.

Genesisi 1:16 Referans Kwoze

Deuteronome 4:19

Ni loku u tlakusa a mahlo ya wena le tilweni u wona gambo ni hweti, ni tinyeleti, ni wontihe mabandla ya le tilweni, u nga dzuki u navela ku khizama mahlweni ka zona u zi khozela; hakuva Jehova Nungungulu wa wena i nyikile lezi zilo ka wontihe matiko ma nga lahasi ka tilo, lezaku zi tava tshomba ya wona. 2 Tih. 21:5; Jer. 8:2

Tisimu 8:3

Loku nzi cuwuka a matilo ya wena, a ntiro wa titiho ta wena, A hweti ni tinyeleti, lezi wena u zi vangileko;

Isaya 40:26

Tlakusani mahlo ya nwina le hehla, mu languta, Himani a vangileko lezi zilo? Hi yena a rangelako a mabandla ya zona hi ku ma xaxameta, Loyi a vitanako zontlhe hi mavito. Hi kota ya ntamu wakwe wa hombe ni wukulu gakwe Ku hava ni xinwe xi vumalekako.

Tisimu 148:5

Ngha zi dumisa a vito ga Jehova, Hakuva i lo leletela, zi vangiwa.

Tisimu 74:16

A hlikanhi ngwa wena, ni wusiku kambe ga wena; U lo vanga kuwonekela ni gambo.

Tisimu 148:3

Mu dumiseni, nwina gambo ni hweti, Mu dumiseni, nwina nwentlhe tinyeleti ta kuwonekela.

Joba 38:7

A xikhati lexi a tinyeleti ta mixo ti nga yimbelela khatiginwe, Ni vontlhe vana va Nungungulu va kanyuluka hi kutsaka?

1 Va le Korinte 15:41

Ku kona a kungangamela ka gambo, ni kunwani ka hweti, ni kunwani ka tinyeleti; hakuva a nyeleti yinwe ya hambana ni yinwani nyeleti hi kungangamela.

Mateu 27:45

A kusukela hora ya wuntlhanu ni yinwe ku wa hi ni munyama misaveniyontlhe ku kala a hora ya wuntlhanu ni mune. Am. 8:9; Lu. 23:44

Habakuka 3:11

A gambo ni hweti zi lo yima matshanwini ya zona, Hi kota ya kuhatima ka tigalala ta wena loku ti hunza, Ni kukwezima ka tlhari ga wena gi hatimako.

Isaya 45:7

Nzi mahile kuwonekela ni munyama; Nzi tsakisa munhu, nzi tlhela nzi rumela makhombo. Hi mina Jehova nzi mahako zontlhe lezo.

Isaya 13:10

Hakuva a tinyeleti ta tilo ni mitlhambi ya tona, Zi nga ha ta woningela; A gambo gi ta pfupeliswa kuhumeni ka gona, Ni nweti wu nga ha tava kona. Mat. 24:9; Lu. 21:25; Kuv. 6:12

Tisimu 19:6

Gi suka le magunweni ya tilo, Gi renzeleka giya ka manwani magumo; A ku na xilo xi zi kotako ku ti sireta a kuhisa ka gona.

Kuvululelwa 21:23

Lomu mutini a ku laveki gambo ni hweti a kuva zi woninga; hakuva wu woningwa hi kungangamela ka Nungungulu, ni kandiya ya wona hi Yivana. Isa. 24:23; 60:19, 20

Isaya 24:23

Zonake a hweti yi tava ni tingana, ni gambo gi wiswa tingana; hakuva Jehova wa tiyimpi i ta fuma le xitsungeni xa Zioni ni le Jerusalema, ni masingalakati yakwe ma ta wona kungangamela kakwe.

Joba 31:26

Loku mina nzi cuwukile a gambo laha gi ngangamelako, Kutani a hweti laha yi fambako kuhatimeni,

Mateu 24:29

Loku ku mbhelile a kuxaniseka ka lawo masiku; a gambo gi ta pfhupeliswa, ni hweti yi nga ta humesa a kuwoninga ka yona, ni tinyeleti ti tawa hi le tilweni, ni mintamu ya matilo yi ta tsekatsekiswa, Isa. 13:10; Ezek. 32:7; Am. 5:20; Joeli 2:10; Lu. 21:25

Genesisi 1:15

zive ziwoningo a mbhinganweni wa tilo, zi woningela misaveni: ku lova lezo.

Jeremia 31:35

Jehova loyi a nyikako a gambo a ku woningela ni mumu, Loyi a vekileko a hweti ni tinyeleti a kuva zi woninga wusiku, Loyi a vindlusako a bimhi kasi a mabyandlati ya gona ma dzinza-dzinza; Jehova wa tiyimpi hi vito gakwe; i ngalo;