Ezra 9:6 - Tshwa Bible

⁶ nziku: Nungungulu wa mina, nzi na ni tingana ni gome a ku tlakusa a nghohe ya mina ka wena Nungungulu wa mina, hakuva a zigoho za hina zi kulile zi tlakuka hehla ka tihloko ta hina, ni nanzu wa hina wu kulile wu chikela tilweni. Gen. 18:20; Kuv. 18:5

Ezra 9:6 Referans Kwoze

Kuvululelwa 18:5

Hakuva a zionho zakwe zi chikele ni le tilweni, Nungungulu i alakanyile a zihambuko zakwe. Gen. 18:20; Jona 1:2

Tisimu 38:4

Hakuva a zigoho za mina zi hunza ni hloko ya mina; Kota zi nga nzhwalo wo tika za nzi binza nguvu.

2 Kronekele 28:9

Kanilezi ku wa hi kona a muprofeti wa Jehova, a vito gakwe hi Odedi; i lo huma a khinga a yimpi leyi yi nga wa wuya Samaria, aku kabye: Jehova Nungungulu wa vadadani va nwina i zangarele va ka Juda a va nyikela mandleni ya nwina, mu va daya hi titsheku, leti ti chikeleko ni le tilweni.

Luka 15:21

Zonake a nʼwana aku ngalo kakwe: Dada, nzi onhele tilo, ni mahlweni ka wena; a nza ha faneli ku vitanwa aku nzi nʼwana wa wena. Tis. 51:4

Joba 42:6

Hikwalaho nza ti sola, nzi hunzuluka, Na nzi hi tshurini ni le khumeni. Jona 3:6; 1 Kor. 11:31

Ezra 9:15

Jehova Nungungulu wa ka Israeli, u lulamile, hakuva hi sele hina lava hi ponileko, kota lezi zi wonekako nyamutlha. Hina hi kwalaha, hi khizamile mahlweni ka wena ni zionho za hina, hakuva a ku na munhu a nga yimako mahlweni ka wena na hi hi ni zakunghahi.

Va le Roma 6:21

Kanilezi mu wa bhinzula yini xikhatini lexo ke? Ntsena a zilo lezi mu nga ni tingana ha zona makunu! hakuva a magumeso ya zona hi kufa.

Ezekieli 16:63

kasi u fela ku khumbula, uva ni tingana, u nga ha vululi a nomu wa wena hi kota ya tingana ta wena, laha nzi ta ngava nzi ku tsetselele zontlhe lezi u zi mahileko, ku wula Hosi Jehova.

Jeremia 31:19

Anzhako na nzi hunzulukile, nza ti sola; Zonake loku nzi tivile a wutsumbu ganga nzi lo tiba tshambukhulu; Nzi si koyo tingana, nzi kanganyiseka, Hakuva nzi rwele a xisolo xa wuswa ga mina.

Jeremia 8:12

Va wa hi ni tingana hilezi va nga tirile manyala ke? A va na tingana, hambu ku pima lezaku xini ku wiswa tingana! Hikwalaho va tawa zinwe ni lava va wako: A xikhatini xa kutsayiswa kabye va ta khunguvanyeka, ku wula Jehova.

Jeremia 6:15

Xana va zwile tingana loku va mahile manyala ke? Kokwihi, a va zwangi tingana, Ne, a va tivi ku koyama tingana. Hikwalaho va tawa zinwe ni vanwani; Va tawa a xikhati nzi va tsavisako, ku wula Jehova.

Jeremia 3:3

Hikwalaho a tivula ti beletelwe, Zonake a vula yo ranga a yi nangi; Kanilezi a ximombo xa wena xi wa hi xa xibhayi, Lezaku u nga vumeli kuzwa tingana. Deut. 11:16; Ezek. 3:7

Isaya 59:12

Hakuva a zihambunyeto za hina zi tele mahlweni ka wena, Ni zionho za hina za hi ranisa; Hakuva a zihambunyeto za hina ha zi wona, Ha zi tiva a zigoho za hina:

Isaya 1:18

Tanani, hi wulawulisana timhaka, ku wula Jehova. Hambu loku zionho za nwina zi pswhukile, zi nga basa khwatsi i gapongo; hambu loku zi pswhukisile ku zirila, zi nga ku khwatsi i woya go basa.

Joba 40:4

Languta, a nzi wa nchumu, nzi ta ku hlamula yini? Nzi ta ti khoma a nomu wa mina.

Ezra 9:13

Kota lezi hi humelweko hi makhombo yo tala, hi kota ya zimaho za hina za kubiha, ni milanzu ya hina ya hombe, na hi wona lezaku wena Nungungulu wa hina a ku hi tsayisangi maringano ni kuonha ka hina, kanilezi u hi lonzowotela misalela ya kunghahi,

Genesisi 13:13

Kanilezi a vanhu va le Sodoma va wa bihile, va wa onha nguvu mahlweni ka Jehova.

Luka 18:13

Kanilezi a muhlengisi i lo yima kule, a nga tiyangi ni ku tlakusa a mahlo yakwe le tilweni, kanilezi a tiba xifuva, aku: Nungungulu, ngha u hi ni wuxinji ka mina nzi nga muonhi.

1 Tihosi 8:47

loku va ya ti sola na va hi kwaleyo tikweni lego va ta nga ya maha tikhumbi ka gona, va hunzuluka va khongela na va hi kwaleyo tikweni ga lavo va va khomileko, vaku: Hi onhile, hi mahile zo biha, hi gohile!

Jeremia 51:9

Hi ringile ku chuma Babuloni, kanilezi a nga banyangi. A hi mu tsikeni, hi ti fambela munwe ni munwani aya tikweni ga ka kabye, hakuva a kutsayiswa kakwe ku chikele le tilweni, ku tlakukile ku chikela le marefini.

Eksodusi 32:31

Hikwalaho Mosi i lo tlhela aya ka Jehova, a yaku: O, lava vanhu va onhile nguvu hi ku ti mahela nungungulu wa nzalama.

Levi 26:40

Kanilezi loku vona va wulela kuonha kabye, ni kuonha ka vadadani vabye loku va nzi goheleko; va vumela lezaku va hambene na mina;

Nehemia 1:6

ngha a ndleve ya wena yi panga, ni mahlo ya wena ma vululeka, kasi wa fela kuzwa a mukombelo wa nanza ga wena, lowu nzi wu kombelako xikhati lexi, wusiku ni mumu, nzi kombelelako a vanana va ka Israeli, a malanza ya wena, na nzi wulela zionho zabye, lezi hi ku onheleko. Ina, mina ni vadadani va mina hi onhile.

Tisimu 38:5

A timbanga ta mina ta nuha, ti huma wubovu, Hi kota ya wupumbu ga mina.

Mikosi 3:42

Hi gohile hi ti alisa; Wena a ku hi tsetselelangi.