Ezra 9:12 - Tshwa Bible

¹² Makunu mu nga nyikeli a vanhanyana va nwina ka vana vabye, hambu ni ku tekela a vafana va nwina a vanhanyana vabye; cima mu nga hloti a kurula ni kuvuvuma kabye; kasi nwina mu fela kuva ni ntamu, muga manone ya tiko, ni ku gi siyela a vana va nwina a tiko legi, a kuva tshomba yabye kala kupinzuka.

Ezra 9:12 Referans Kwoze

Deuteronome 7:3

U nga tekani navo; u nga dzuki u va nyika a vanhanyana va wena ka vafana vabye, hambu ni ku tekela a vafana va wena a vanhanyana vabye. Jox. 23:12; Vala. 3:5; Ezra 9:1

Deuteronome 23:6

U nga ti karati ku lava kurula zinwe navo, hambu ku tshameka zinwe navo ka wontihe masiku ya kuhanya ka wena kala kupinzuka.

Mavingu 13:22

A munhu nene wa siyela vazukulu vakwe a tshomba; anilezi a tshomba ya muonhi yi siyelwa valulamileko.

Isaya 1:19

Loku mu vumela ku ingisa, mu taga lezi zo nanziha za tiko;

Mavingu 20:7

A munhu nene i famba kululameni kakwe; a katekile a vana vakwe va mu lanzelako.

Ezra 9:2

Hakuva va tekile a vanhwana vabye, va va tekanisa ni vana vabye, va tlhanganyisa a lixaka la ku basa ni vamatiko; a kuonha loku ku sangulwe hi tihosana ta vanhu ni vafumeli va kona. Ekso. 34:15; Deut. 7:1; Vala. 3:6

Eksodusi 23:32

U nga mahi xivumelwano navo, ge hambu ni vanungungulu vabye.

2 Kronekele 19:2

Jehu nʼwana wa muprofeti Hanani i lo suka ku mu khinga; i te ngalo ka hosi Jehoxafate: A wa kubiha i fanele ku vunetelwa ke? U ranza lava va vengako Jehova ke? Hi kota ya lezo Jehova i ku zangarele.

Deuteronome 23:7

U nga dzuki u xanza vaEdomi hakuva mbamakabye va wena; u nga xanzi vaGipite, hakuva u wa luvele tikweni gabye. Gen. 25:25

1 Kronekele 28:8

Hikwalaho mina nzi wulawula laha mahlweni ka vontlhe va ka Israeli, ni lowu tlhangano wa Jehova, ni lomu tindleveni ta Nungungulu wa nwina, nziku: Gongani, mu lavisisa milayo yontlhe ya Jehova Nungungulu wa nwina, kasi nwina ma fela ku fumela a tiko legi go saseka, legi mu ta nga gi siyela a vana va nwina a kuva tshomba ya vona kala kupinzuka.