Ezra 8:16 - Tshwa Bible

¹⁶ Nzi lo ruma vanhu a ku ya vitana Eliazere, na Arieli, na Xemaia, na Elnatani, na Jariva, na Elnatani, na Natani, na Zakaria, na Mexuluma, ti nga tona tihosana; na Jaiariba, na Elnatani, a vavanuna va kupima.

Ezra 8:16 Referans Kwoze

1 Johani 5:20

Ha zi tiva lezaku a Nʼwana wa Nungungulu i tile, i hi nyikile kupima kasi ha mu tiva loyi wa zinene, hi kona ka loyi wa zinene, ka yena Nʼwana wakwe Jesu Kristu. Hi yena Nungungulu wa zinene, ni wutomi legi ga pinzukelwa. Isa. 44:6; Lu. 24:45; Joh. 17:3

2 Timote 2:7

Ehleketa lezi nzi zi wulako, a Hosi yi ta ku nyika kutlhariha timhakeni tontlhe.

Danieli 2:21

Hi yena a hunzulusako a zikhati ni tinguva; i susa tihosi ni ku ti yimisa; i nyika wutlhari ka titlhari ni wutivi ka vanhu va pimisisako.

Mavingu 28:2

Loku a tiko gi hluwukile, a tihosi ti tele; anilezi a wuhosi gi tiyisiwa hi vanuna va kupimisisa ni wutivi.

Mavingu 20:5

A xikungo mbilwini ya munhu xi fanana ni mati ya kueta; anilezi a munhu a nga ni kupimisisa i ta makha.

Mavingu 2:6

Hakuva Jehova hi yena a nyikako wutlhari, kutiva ni kupimisisa ku huma nonwini wakwe.

Ezra 10:39

Xelemia, na Natani, na Adaia,

Ezra 10:21

A ka vana va Harima, hi Maaseia, na Elija, na Xemaia, na Jehieli, na Uzia.

Ezra 8:18

Kota lezi a canja ga Nungungulu wa hina gi nga wa hi hehla ka hina, va lo hi nehela a wanuna wa malanga wa vanana va ka Mali, a nʼwana wa Levi, wa Israeli, a nga Xerebia, zinwe ni vana vakwe ni 18 wa vanakulobye.

Ezra 8:13

A ka vana va Adonikamu va nga vo gumesa, a mavito yabye hi lawa: Elifeleti, na Jeueli, na Xemaia, va wa hi 60 wa vavanuna.

2 Kronekele 2:12

A engeta aku: A ku bongiwe Jehova Nungungulu wa ka Israeli, loyi a nga maha a tilo ni misava, hakuva i nyikile ka hosi Davida a nʼwana a tlharihileko, loyi a nga ni malanga ni kupima, loyi a ta nga aka a yindlu ya Jehova ni yindlu yakwe ya wuhosi. Ekso. 20:11; Tis. 102:26; Kuv. 10:6

1 Kronekele 26:14

Xelemia a hlawuliwa hi kuhlahluva a kuva tlhelo ga le Mutsuwuka-gambo. Ni nʼwana wakwe Zakaria loyi a nga hi munhu wa kupima, i lo hlawulwa hi kuhlahluva a kuva tlhelo ga Nwalungu.

1 Kronekele 12:32

A vana va ka Isakari, a vavanuna lava va nga tiva zikhati, va tiva lezi Israeli a faneleko ku zi maha, va wa hi 200 wa tihosana; vontlhe vanakulobye va wa maha zileletelo zabye.

1 Tihosi 3:11

Nungungulu i te ngalo kakwe: Lezi wena u kombeleko, na u nga kombeli wutomi go leha, hambu ku kombela a kuva ni pfuno, ge hambu ku kombelela a valala va wena lezaku vafa, kanilezi wena u lo ti kombelela a ku pimisisa a ku tsema timhaka,

Ezra 8:15

Uzi lo va tsombanyisa le Congweni lowu wu khulungelako le Ahava, hi gova masiku manharu. Laha nzi nga hlotile a vanhu ni vapristi, a nzi kumangi ni munwe wa vanana va ka Levi.

Ezra 8:17

Nzi lo va ruma ka Ido a hosana ya tikwana ga Kasifia, nzi va leletela a timhaka leti va ta ngaya byela Ido, ni vanakulobye a vaNetinime, lava va akileko tikweni ga Kasifia, nziku: A va nehe a vanhu va ku ta tira a ntiro wa yindlu ya Nungungulu wa hina.