Ezra 6:22 - Tshwa Bible

²² Va lo maha a mubuzo wa zibaba zi nga hiko na comelo, 7 wa masiku na va tsakile; hakuva Jehova i wa va tsakisile, ni ku kucetela a mbilu ya hosi ya Asiria lezaku yi tiyisa a mandla yabye mitirweni ya yindlu ya Nungungulu wa ka Israeli.

Ezra 6:22 Referans Kwoze

Mavingu 21:1

A mbilu ya hosi yi khwatsi i congo wa mati lomu canjeni ga Jehova; yi fambisa ni kwihi laha yena a ku ranzako.

Ezra 1:1

Hi lembe go ranga ga kufuma ka Kurusi a hosi ya le Persia, lezaku kasi a gezu ga Jehova legi a nga gi wula hi nomu wa Jeremia gi fela ku tatiseka, Jehova i lo vuxa a moya wa Kurusi a hosi ya le Persia, aba hungu lomu mufunwini wakwe wontihe ni ku tsala a timhaka, aku: 2 Kro. 36:22; Jer. 25:12; 29:10

2 Kronekele 30:21

A va ka Israeli lava va nga wa hi le Jerusalema va lo maha mubuzo wa zibaba zi nga comelwangiko lomu ka ntlhanu wa masiku ni mambiri, na va tsakile nguvu; ni va ka Levi zinwe ni vapristi va lo dumisa Jehova hi wucenje ga hombe siku ni siku, va yimbelela ka Jehova,

Mavingu 16:7

Loku a tindlela ta munhu ti mu tsakisa Jehova, a vanga kurula xikari kakwe ni valala vakwe.

Ezra 7:27

A ku bongiwe Jehova Nungungulu wa vadadani va hina, loyi a vekileko a timhaka ta ku nghahi mbilwini ya hosi, ta ku dzunza a yindlu ya Jehova le Jerusalema,

2 Kronekele 35:17

Ni vanana va ka Israeli lava va nga hi kona, va loga Pasika hi lexo xikhati, va maha ni mubuzo wa zibaba zi nga hiko na comelo ntlhanu wa masiku ni mambiri.

Johani 19:11

Jesu i lo mu hlamula, aku: Ngha u nga hi na ntamu hehla ka mina, loku u nga nyikiwangi wona hi le hehla; hikwalaho loyi a nzi nyikeleko ka wena i na ni nanzu wa hombe. Lu. 22:53; Xip. 7:30

Mateu 26:17

Hi siku go ranga ga mubuzo wa zibaba zi nga hiko na comelo, a vapizani va lota ka Jesu, va taku: U ranza a kuva hi ku longisela kwihi a kuga pasika ke? Ekso. 12:6; Mar. 14:12; Lu. 22:7

2 Kronekele 33:11

Hikwalaho Jehova i lo va nehela vanhu va ta va vukela, ti nga tinduna ta tiyimpi ta hosi ya Assiria, ti ta khoma Manasa, ti mu boha hi mangenje ya suku, va mu yisa le Babuloni. Deut. 28:36; 2 Tih. 20:17

2 Tihosi 23:29

Xikhatini xwalexo xakwe, Faro-Neko a hosi ya le Gipite i lo kanziha a ku yalwa ni hosi ya le Asiria, le Congweni wa Eufrate; yenawu hosi Josia i lo huma ku mu tlhangaveta. Zonake laha Faro-Neko a nga mu wona, i lo mu daya le Megido.

Ezra 6:1

Zonake hosi Dariusi i lo leletela lezaku a ku hloliwe lomu ndlwini ya mapapilo ya tihosi ta Babuloni, lomo ku nga wa vekiwa kona titshomba.

Nehemia 13:6

Kanilezi xontlhe xikhati lexo nzi wa nga hi le Jerusalema, hakuva hi lembe ga wu 32 ga kufuma ka Artaxerxesi a hosi ya le Babuloni, nzi wa yile ka hosi. Ku ku anzhako ka masiku yo kari nzi kombela lezaku a hosi yi nzi tlhatlha.

Ezekieli 23:23

a maBabuloni, ni maKaldea wontihe, Pekode na Xoa na Koa, ni wontihe maAssiria, a majaha ma hlawulekako, a vafumeli ni vatongi vontlhe, a tihosana ni vanhu va dumileko, vontlhe na va khilele mahaxi.

2 Kronekele 23:18

Jehoiada i lo yimisa a vahlayisi lomu ndlwini ya Jehova vava lahasi ka vapristi va vaLevi, lava Davida a va xaxametileko hi mitlawa yabye lomu ndlwini ya Jehova, a ku nyikela a muphahlelo wa kuhiswa ka Jehova, khwatsi hi lezi ku tsalilweko nayweni wa Mosi, na va kari va tsaka va yimbelela, khwatsi hi lezi Davida a leleteleko.

2 Kronekele 29:30

Tlhatakumbiri, hosi Hezekia zinwe ni tihosana va lo byela vaLevi a ku dumisa Jehova hi timhaka ta Davida na Asafa a muwoni; va lo yimbelela zalezo va dumisa na va tsakile, va korama va khozela.