Ezra 5:8 - Tshwa Bible

⁸ Ha tivisa ka hosi lezaku hina hi wa yile tikweni ga vaJuda, le ndlwini ya Nungungulu wa hombe; ya akiwa hi maribye ya hombe ma vatlilweko; lomu khurisini ku gongonzelwa mapulango; a mitiro yiya mahlweni mandleni yabye.

Ezra 5:8 Referans Kwoze

Danieli 6:26

Nzaba nyiwo lezaku a matlhelweni wontihe ya mufumo wa mina, a vanhu a va rurumele va chava a Nungungulu wa Danieli. Hakuva i Nungungulu a hanyako a teku tsoma, ni mufumo wakwe a wu na magumo, ni kufuma kakwe ku ta simamisa kala kupinzuka.

Danieli 4:2

Nzi wona lezaku zi sasekile akuva nzi mu tivisa hi zikombiso ni zihlamaliso lezi Nungungulu loyi a Hunzeleleko Kutlakuka a zi tirileko ka mina.

Danieli 3:26

Zonake Nebukadnezzare i lo tshinela laha nyangweni ya nzhimbo wa pingo ga nzilo, a taku: Xadrake, Mexake, na Abed-nego, nwina malanza ya Nungungulu a Hunzeleleko Kutlakuka, humani, tanani leno! Zonake Xadrake na Mexake na Abed-nego va lo huma hi lomu xikari ka nzilo.

Danieli 2:47

A hosi yiku ka Danieli: Hakunene, a Nungungulu wa nwina i Nungungulu wa vanungungulu ni Hosi ya tihosi; mutsetsuli wa mifihlakalo, kota lezi u zi kotileko ku tlhamusela a fihlakalo lowu.

Tisimu 145:3

Jehova ngwa hombe, i fanekelwe hi kudumiswa, A wukulu gakwe a gi na ku pimiwa.

Estere 1:22

I lo rumela mapapilo matikweni wontihe ya hosi, a tiko ni tiko hi matsaiela ya gona ni lirimi la gona, lezaku a wanuna munwe ni munwani a fumele a yindlu yakwe, a wulawula lirimi la ka kabye.

Estere 1:1

Masikwini ya Ahasuerusi, loyi a nga wa fumele 127 wa matiko kusukela India kala Etiopia,

Nehemia 11:3

Makunu leti hi tihosi ta matiko leti ti nga vumela ku ya aka le Jerusalema; na kasi lomu Juda munhu ni munhu i wa tshama wutshanwini gakwe, lomu mitini yabye, va nga lava: va ka Israeli, vapristi, a vaLevi, a vaNetinime, ni vana va malanza ya Solomoni.

Nehemia 7:6

Lava hi vanana va tiko, lava va nga wuya hi le wukhumbini legi hosi Nebukadnezare a nga wa va khomile a va yisa Babuloni, va tlhela va wuya Jerusalema ni le Juda, munwe ni munwani a ti yela mutini wa ka kabye;

Ezra 7:23

Zontlhe lezo zi leletelweko hi Nungungulu wa le tilweni a zi mahelwe a yindlu yakwe hi ku chela kota, kasi a nga zangareli a mufumo wa hosi ni vanana va yona.

Ezra 6:10

kasi va fela ku nyikela ka Nungungulu wa le tilweni, a miphahlelo ya masema yo nanziha, ni ku kombelela a wutomi ga hosi ni vanana Va yona.

Ezra 2:1

Lava hi vanhu va tiko, lava va wuyileko hi le wukhumbini le Babuloni va nga wa khomilwe hi hosi Nebukadnezare, va tlhelelako Jerusalema ni le tikweni ga Juda, loyi ni loyi aya mutini wa ka kabye;

Deuteronome 32:31

Hakuva a ribye ga vanwani a gi koti a Ribye ga hina, Valala va hina va vumela mhaka leyi.

Deuteronome 10:17

hakuva Jehova Nungungulu wa nwina i Nungungulu wa vanungungulu, ni Hosi ya tihosi, i Nungungulu wa hombe, wa mintamu, ni loyi a chavekako, loyi a nga hlawuliko a nghohe ya munhu, loyi a nga amukeliko ku rengelelwa; 2 Kro. 19:7; Joba 34:19; Miti. 10:34

Ezra 5:7

va lo mu rumela a papilo ga ku mu tivisa timhaka leti: Ka hosi Dariusi, a kuve ni kurula kontlhe!

Ezra 5:9

Zonake hi lo wutisa masingalakati ni ku wulawula navo hiku: Himani a nga mu byela ku aka yindlu leyi, ni ku aka ligingisi?

Ezra 6:4

A yive ni tixaxa tinharu ta maribye ya hombe, ni lixaxa linwe la timhanze ta tiswa; a mali yo hakela vanhu yi ta huma ndlwini ya hosi, 1 Tih. 6:36