Ezra 5:11 - Tshwa Bible

¹¹ Va lo hi hlamula, vaku: Hina hi malanza ya Nungungulu wa tilo ni misava; hi aketa a yindlu leyi yi nga wa akilwe kale ka matiko; leyi yi akilweko hi yinwani hosi ya hombe ya va ka Israeli, a yi mbhelelisa.

Ezra 5:11 Referans Kwoze

Va le Galatia 6:14

Kanilezi a zive kule na mina a ku ti kulisa hi nchumu, ahandle ka xihambano xa Hosi Jesu Kristu, lexi a misava yi belelweko ka mina ha xona, na mina nzi belelweko ka yona.

Va le Roma 6:16

Xana a mu zi tivi lezaku mu malanza ya nwinyi loyi mu ti nyikelako kakwe, mu maha malanza ya loyi mu mu ingisako, kutani ya kuonha loku ku yisako kufeni, hambu ya kuingisa loku ku yisako kululameni ke?

Va le Roma 1:16

Hakuva a nzi na tingana hi ivangeli, hakuva i ntamu wa ku hanyisa ni wihi loyi a kholwako; a ka muJuda kusangula, ni ka muGreki kambe. 2 Tim. 1:8; 1 Kor. 1:18; 2 Kor. 10:4

Mitiro 27:23

Hakuva a ngelosi ya Nungungulu loyi nzi nga wakwe, loyi nzi mu tirelako, yi lo woneka ka mina ni wusiku, Xip. 23:11; Rom. 1:9; 2 Tim. 1:3

Luka 12:8

Nziku ka nwina: Kani hi mani a ta nga nzi vumela mahlweni ka vanhu, na yena Nʼwana wa munhu i ta mu vumela mahlweni ka tingelosi ta Nungungulu. Mat. 10:32; Mar. 8:38; 2 Tim. 2:12; Kuv. 3:5

Mateu 10:32

Kani hi mani loyi a ta nga nzi vumela mahlweni ka vanhu, minawu nzi ta mu vumela mahlweni ka Dadani wa mina loyi a nga le tilweni. Lu. 12:8; Rom. 10:9, 10; Kuv. 3:5

Jona 1:9

Yena aku kabye: Nzi muHeberu; nzi chava Jehova, a Nungungulu wa matilo, loyi a mahileko a bimbi ni misava.

Danieli 3:26

Zonake Nebukadnezzare i lo tshinela laha nyangweni ya nzhimbo wa pingo ga nzilo, a taku: Xadrake, Mexake, na Abed-nego, nwina malanza ya Nungungulu a Hunzeleleko Kutlakuka, humani, tanani leno! Zonake Xadrake na Mexake na Abed-nego va lo huma hi lomu xikari ka nzilo.

Tisimu 119:46

Nzi ta hlawutela wumboni ga wena mahlweni ka tihosi, Cima nzi nga tava na tingana.

Joxua 24:15

Kanilezi loku zi woneka na zi bihile mahlweni ka nwina a ku khozela Jehova, hlawulani legi siku loyi mu ta nga mu khozela; kutani mbanungungulu lava a vararu va nwina va nga wa va khozela le tlhatukweni wa congo, kutani mbanungungulu va maAmori, lava mu akileko tikweni gabye. Kanilezi mina ni ngango wa mina hi ta khozela Jehova.

1 Tihosi 6:38

Makunu hi lembe ga wu 11, hi hweti ya Bul, yi nga hweti ya wu 8, a yindlu yi lo mbhela ku akiwa; zinghaho va lo yi mbheta hi 7 wa malembe.

Ezra 5:10

Hi lo va wutisa mavito yabye kasi ku ta ku byela, hi tsala mavito ya vavanuna lava va rangelako mitiro.

Tisimu 136:26

Dumisani Nungungulu wa matilo, Hakuva a wuxinji gakwe ga kala kupinzuka.

Genesisi 24:3

Nzi ta ku hlambanyisa hi Jehova, Nungungulu wa tilo ni Nungungulu wa misava, lezaku u nga tekeli a nʼwana wa mina a sati xikari ka vanhwana va maKanani, laya nzi tshamileko xikari kabye;

1 Tihosi 9:10

Makunu a kumbheleni ka 20 wa malembe, lawo Solomoni a nga aka ka wona a tiyindlu leto ta timbiri, a yindlu ya Jehova ni yindlu ya hosi;