Ezra 10:3 - Tshwa Bible

³ Makunu a hi maheni xivumelwano ni Nungungulu wa hina a kuva hi va tlhelisa vontlhe vasati lava, ni vanana lava va belekilweko hi vona, khwatsi hi lezi a hosi ya mina yi wulileko, ni lava va rurumeliswako hi milayo ya Nungungulu wa hina, a ku mahiwe hi nayo.

Ezra 10:3 Referans Kwoze

Ezra 9:4

Zonake ku lo tsombana ka mina vontlhe va rurumeliswako hi timhaka ta Nungungulu wa ka Israeli, hi kota ya kuonha ka lava va wuyileko hi le wukhumbini. Mina wutsumbu nzi lo tshama lahasi na nzi swirekile kala xikhatini xa muphahlelo wa laha gambyeni.

Tisimu 119:120

A miri wa mina wa rurumela hi ku chava wena, Nza chava ni kulamula ka wena.

Tisimu 119:59

Nzi alakanyela hi mahanyela ya mina, Nzi renzeleta mikonzo ya mina wumbonini ga wena.

Nehemia 9:38

Hikwalaho ka zontlhe lezo, ha maha xivumelwano xi tiyileko, hi ku xi tsala; a tihosana ta hina, ni vaLevi va hina, ni vapristi va hina va xi tiyisa.

2 Kronekele 34:21

Fambani mu ya nzi wutisela ka Jehova, mu wutisela ni misalela ya ka Israeli ni ya ka Juda xungetano ni timhaka ta bhuku legi gi thumbilweko, hakuva a zanga ya Jehova hehla ka hina nja hombe nguvu, hakuva a vadadani va hina a va hlayisangi a timhaka ta Jehova ni ku maha zontlhe kota lezi zi tsalilweko bhukwini legi.

Deuteronome 29:12

Mu yimile laha kasi nwina mu fela ku enghena ka xivumelwano xa Jehova Nungungulu wa nwina, lexi xi tiyiswako hi kuhlambanya, lexi Jehova Nungungulu wa wena a xi mahako zinwe na wena legi siku.

Ezekieli 9:4

aku ka yena: Famba u ya tsemakanya muti, a xikari ka Jerusalema, u vekela xifungo zimombyeni za vanhu lava va nga ni mahika, va rilako hi kota ya manyalataniso, lawa ma mahiwako, xikari kabye.

Isaya 66:2

Hakuva zontlhe lezi zilo zi mahilwe hi canja ga mina, Hikwalaho zontlhe zi lova kona, ku wula Jehova. Nzi ta cuwuka loyi a ti tsongahatako, a nga ni moya wu tshovekileko, Loyi a rurumelako hi gezu ga mina.

Isaya 8:20

A hi yeni nayweni ni wumbonini! Loku va nga wuli lezo, a tiko gi nga ha ta kuva ni wuronga ginwani.

Nehemia 8:14

Va lo kuma na ku tsalilwe lomu nayweni lezi Jehova a nga wa leletele Mosi, lezaku a vanana va ka Israeli va fanele ku tshama lomu mixaxeni loku va maha a mubuzo wa hweti ya wu 7. Ekso. 23:16; Levi 23:34

Ezra 10:44

Vontlhe lava va wa tekile vasati va vamatiko; a vanwani vavasati va wa belekile navo vana.

2 Kronekele 34:27

Kota lezi a mbilu ya wena yi olovileko, u ti koramisa mahlweni ka Nungungulu a siku legi u ngazwa a timhaka takwe xungetano ni wutshamu legi ni vanhu va kona, u hanzula a tinguwo ta wena u rila mahlweni ka mina, mina nzi ku zwile, ku wula Jehova.

2 Kronekele 30:12

A canja ga Jehova gi wa hi zinwe ni vanhu va tiko ga ka Juda, gi va nyika a mbilu yinwe ya ku maha khwatsi hi lezi a hosi ni tihosana va leleteleko hi gezu ga Jehova.

2 Kronekele 29:10

Makunu mina nzi xuva ku maha xivumelwano na Jehova, Nungungulu wa ka Israeli, kasi a zanga yakwe yo chaviseka ya suka ka hina.

2 Tihosi 11:17

Jehoiada i lo maha xivumelwano xikari ka Jehova ni hosi ni vanhu, lezaku vona va tava vanhu va Jehova, a maha kambe xikari ka hosi ni vanhu.

Joxua 9:6

Va loya ka Joxua le wugovelweni ga le Gilgale, va yaku ngalo ka yena ni ka vanhu va ka Israeli: Hina hita hi le tikweni ga le kule, hikwalaho mahani xivumelwano zinwe na hina.

Ezra 10:9

Zonake vontlhe a vavanuna va ka Juda, ni va ka Benjamini, va lo tsombana le Jerusalema nzeni ka masiku manharu, lomu ka hweti ya wu 9 hi siku ga 20. A vanhu vontlhe va lo tshama laha tsenzeleni, le mahlweni ka yindlu ya Nungungulu, na va rurumela hi kota ya mhaka leyo ni vula ya hombe.

Ezra 10:11

Makunu ti wuleleni ka Jehova Nungungulu wa vadadani va nwina, mu maha kuranza kakwe, mu ti hambanyisa ni vanhu va matiko ni ka vavasati va vamatiko.

Nehemia 10:1

Lava va nga tiyisa xifungo hi hosi ya kona Nehemia nʼwana Hakalia, na Zedekia;