Ezra 1:3 - Tshwa Bible

³ Ni wihi xikari ka nwina a nga wa vanhu vakwe, Nungungulu wakwe ave zinwe na yena, a kanziha aya Jerusalema a tikweni ga va ka Juda a ya vuxa a yindlu ya Jehova Nungungulu wa ka Israeli! Yena Nungungulu loyi a nga le Jerusalema!

Ezra 1:3 Referans Kwoze

Danieli 6:26

Nzaba nyiwo lezaku a matlhelweni wontihe ya mufumo wa mina, a vanhu a va rurumele va chava a Nungungulu wa Danieli. Hakuva i Nungungulu a hanyako a teku tsoma, ni mufumo wakwe a wu na magumo, ni kufuma kakwe ku ta simamisa kala kupinzuka.

Jeremia 10:10

Kanilezi Jehova i Nungungulu wa zinene, I Nungungulu loyi a hanyako, a Hosi ya pinzukelwa; A misava yi rurumela zangeni yakwe, A matiko a ma na ku yima mahlweni ka khulo gakwe.

Mitiro 10:36

Ma yi tiva a mhaka leyi a nga yi rumela ka vana va Israeli, laha a nga kanela a mahungu yo saseka ya kurula hi Jesu Kristu, loyi a nga Hosi ya vontlhe; Isa. 57:19; Kol. 1:20; Dan. 7:14; Kuv. 17:14

Mateu 28:20

mu va gonzisa a ku gonga zontlhe lezi nzi mu layileko zona. Mangabye, nzi na nwina a masiku wontihe, na kona kugumelweni ka xikhati. Miti. 2:42

Isaya 45:5

Hi mina Jehova, a ku na munwani, A nga kona Nungungulu ahandle ka mina, Nzi ku bohile bhandi na u nga se nga nzi tiva, Deut. 4:35; Joeli 2:27

Joxua 1:9

Xana a nzi ku leletelangi, nziku: Tiyisa a mbilu, uva ni ntamu: u nga chavi, u nga tsemeki hlana; hakuva Jehova Nungungulu wa Wena i zinwe na wena kontlhe lomo u ta ngava kona.

Deuteronome 32:31

Hakuva a ribye ga vanwani a gi koti a Ribye ga hina, Valala va hina va vumela mhaka leyi.

Danieli 2:47

A hosi yiku ka Danieli: Hakunene, a Nungungulu wa nwina i Nungungulu wa vanungungulu ni Hosi ya tihosi; mutsetsuli wa mifihlakalo, kota lezi u zi kotileko ku tlhamusela a fihlakalo lowu.

Tisimu 83:18

Kasi va fela ku tiva lezaku hi wena wece u nga ni vito ga Jehova, Loyi a Hunzeleleko Kutlakuka misaveni yontlhe.

1 Kronekele 28:20

Davida i lo engeta kambe aku ka nʼwana wakwe Solomoni: Tiya hlana, u ngavi na hlenekera; maha zalezo! U nga chavi, u nga mbheli ntamu, hakuva Jehova Nungungulu, yena Nungungulu wa mina, i tava zinwe na wena; cima a nga ta ku tsika hambu ni ku ku rivala ka yontlhe mitiro ya yindlu ya Jehova kala yi mbhela.

1 Tihosi 8:23

Jehova Nungungulu wa ka Israeli! A nga kona munwani Nungungulu a fananako na wena, le hehla tilweni hambu lahasi misaveni; wena u loyi a hlayisako a xivumelwano ni tipswalo ka malanza ya wena lawa ma fambako mahlweni ka wena hi timbilu tontlhe ta wona.

1 Tihosi 18:39

Laha vontlhe vanhu va nga wa zi wona, va lowa hi tinghohe tabye, vaku: Jehova i Nungungulu! Jehova i Nungungulu!

Ezra 1:4

Vontlhe lava va ponileko, na va hi valuveli matshanwini lawo, a vanhu va tiko a va va vune hi siliva, ni nzalama, ni zibya, ni tihomu, ni minyikelo leyi yi nyikelwako ndlwini ya Nungungulu loyi a nga le Jerusalema.

Ezra 5:3

Xwalexo xikhati ku lota kabye Tatenai a hosi ya tiko ga le tlhatuko wa congo, na Xetarbazenai ni vanakulobye, va taku kabye: Himani a nga mu byela ku aka yindlu leyi, ni ku mbhetisa a ligingisi leli?

Isaya 37:16

Jehova wa tiyimpi, Nungungulu wa ka Israeli, loyi a tshamako xikari ka makerubima, wena wece u Nungungulu wa matiko wontihe ya misava; wena u mahile a tilo ni misava.

Ezra 4:3

Kanilezi Zerubabeli, na Jexua, ni tinwani tihosana ta vadadani va ka Israeli, va te ngalo kabye: Nwina a mu zi koti ku aka zinwe na hina a yindlu ya Jehova Nungungulu wa hina; hi hina hoce hi ta nga aka a yindlu ya Jehova Nungungulu wa ka Israeli, khwatsi hi lezi ku leletelweko hi Kurusi a hosi ya le Persia.

Ezra 5:13

Kanilezi hi lembe go ranga ga kufuma ka Kurusi a hosi ya le Babuloni, hosi Kurusi i loba nyiwo lezaku a yindlu ya Nungungulu a yi aketwe!

Ezra 6:7

Mu tsika a ntiro wa yindlu ya Nungungulu wu famba mahlweni; ngha a hosi ya va ka Juda ni masingalakati ya kona, va aka a yindlu leyo ya Nungungulu wutshanwini ga yona.

Tisimu 132:13

Hakuva Jehova i hlawule Zioni, I xuvile ku gi maha wuakelo gakwe.

Isaya 44:28

Nzi wula ka Kurusi, nziku: Murisi wa mina! I ta maha kontlhe kuranza ka mina; A ka Jerusalema i taku: U ta aketwa; Ni ka tempeli: A xiseketelo xa wena xi ta akiwa luswa.