Ezekieli 8:1 - Tshwa Bible

¹ Hi lembe ga wuntlhanu ni ginwe, hi hweti ya wuntlhanu ni yinwe, hi siku ga wuntlhanu ga hweti, laha nzi nga tshamile lomu ndlwini ya mina zinwe ni masingalakati ya ka Juda, a canja ga Hosi Jehova gi lo wela hehla ka mina.

Ezekieli 8:1 Referans Kwoze

Ezekieli 20:1

Hi lembe ga wuntlhanu ni mambiri, hi hweti ya wuntlhanu, hi siku ga wukhume ga hweti, a masingalakati yo kari ya ka Israeli ma lota ma ta wutisa Jehova, va tshama mahlweni ka mina.

Ezekieli 33:31

Vata ka wena kota tolovelo, va tshama mahlweni ka wena kukotisa a vanhu va mina, va ingisela a timhaka ta wena, kanilezi va nga ti mahi. Hi milomu yabye va kombisa liranzo, kanilezi a timbilu tabye ti lanzisela a mabhinzu yabye.

Ezekieli 14:1

Zonake ku lota ka mina a vokari va masingalakati ya ka Israeli, va ta tshama mahlweni ka mina.

Ezekieli 14:4

Hikwalaho wulawula ka vona, uku: Hosi Jehova i ngalo: A munhu ni munhu wa ka Israeli loyi a nyikelako a mbilu yakwe ka zifananiso, a veka mahlweni kakwe a zikhunguvanyiso lexi xi mu yisako kubiheni, loku ata ka muprofeti mina Jehova nzi ta mu hlamula kota lezi zi mu faneleko hi kota ya wunyingi ga zifananiso zakwe;

Mitiro 20:33

A nzi navelangi mali ya siliva, kutani ya nzalama, hambu ni tinguwo ta munhu. 1 Sam. 12:3; 1 Kor. 9:12; 2 Kor. 7:2

Malaki 2:7

Hakuva a milomu ya mupristi yi fanele ku hlayisa a wutivi, a nayo wu ta labyiwa nonwini wakwe, hakuva hi yena ntsumi wa Jehova wa tiyimpi: Hag. 1:13; 1 Kor. 5:20

Ezekieli 40:1

Hi lembe ga 25 ga wukhumbi ga hina, a kusanguleni ka gona, hi siku ga 10 ga hweti, ku nga hi 14 wa malembe anzhako kakuva a muti wu fuvisilwe, a ka siku lego a canja ga Jehova gi wa hi hehla ka mina, a nzi yisa tikweni ga Israeli. 2 Tih. 25:4; Ezek. 33:21

Ezekieli 37:1

A canja ga Jehova gi wa hi hehla ka mina, i lo nzi humesa hi Moya wa Jehova, a ya nzi veka lomu xikari ka livala li nga wa tele hi marambu.

Ezekieli 32:17

Hi lembe ga wukhume ni mambiri, hi siku ga 15 ga hweti, a gezu ga Jehova gi lota ka mina, giku:

Ezekieli 31:1

Hi lembe ga wukhume ni ginwe, hi hweti ya wunharu, hi siku go sangula ha hweti, a gezu ga Jehova gi lota ka mina, giku:

Ezekieli 29:17

Hi lembe ga 27, hi hweti yo sangula hi siku go sangula ga hweti, a gezu ga Jehova gi lota ka mina, giku:

Ezekieli 29:1

Hi lembe ga wukhume, hi hweti ya wukhume, hi siku ga wukhume ni mambiri, a gezu ga Jehova gi lota ka mina, giku:

Ezekieli 26:1

Hi lembe ga wukhume ni ginwe, hi siku go sangula ga hweti, a gezu: ga Jehova gi lota ka mina, giku:

Ezekieli 24:1

Hi lembe ga wuntlhanu ni mune, hi hweti ya wukhume, hi siku ga wukhume ga hweti, a gezu ga Jehova gi lota ka mina, giku:

Ezekieli 3:22

A canja ga Jehova gi wa hi hehla ka mina, aku ka mina: Suka uya livaleni, nzi ta wulawula na wena laho.

Ezekieli 3:14

Zonake a moya wu to nzi tlakula, wu nzi susa. Nzi lo famba hi kukarateka na nzi hiseka moyeni wa mina, ni canja ga Jehova gi wa tira hi ntamu hehla ka mina.

Ezekieli 3:12

Zonake a moya wu lo nzi tlakusa, na nzizwa anzhako ka mina a huwa ya xidlemo xa hombe, yiku: A gi dumiswe a wukosi ga Jehova laha wutshanwini gakwe.

2 Tihosi 6:32

Elixa i wa tshamile lomu ndlwini yakwe zinwe ni masingalakati. A hosi yi lo mu rumela a munwe wa malanza ya yona. Na wu nga se chikela a ntsumi, Elixa i te ngalo ka masingalakati: Langutani a nʼwana wa mudayi, loyi a rumelako a munhu a ku ta nzi tsema a hloko! Langutani! Loku a ntsumi wu chikela, valani livati, mu mu susumeta ha lona. Ma zizwa a zigingi za hosi yakwe yi mu lanzako ke?

Ezekieli 7:27

A hosi yi ta tlhava nkosi, a hosana yi chava nguvu, ni mandla ya vanhu va tiko ma ta rurumela. Nzi ta va tlhelisela kukotisa mahanyela yabye, nzi va lamula maringano ni kubiha kabye; vona va ta zi tiva lezaku nzi mina Jehova.

Ezekieli 8:2

Nzi lo cuwuka nzi wona a nzilo na wu hi ni xiwumbeko xa munhu. Kusukela xiwunwini kuya hasi ku wa fanana ni nzilo, ni kusukela xiwunwini xakwe kuya hehla ku wa ngangamela ku fanana ni suku yi hatimako.

Ezekieli 33:22

Makunu a canja ga Jehova gi wa hi hehla ka mina ni gambo, hi mahlweni loyi wo pona na a nga se chikela; kanilezi ni mixo na a nga se ku chikela i lo vulula a nomu wa mina, nzi wa nga ha hi mbeveve kambe.

Ezekieli 30:20

Hi lembe ga wukhume ni ginwe, hi hweti yo sangula, hi siku ga wuntlhanu ni mambiri ga hweti, a gezu ga Jehova gi lota ka mina, giku:

Ezekieli 32:1

Hi lembe ga wukhume ni mambiri, hi hweti ga wukhume ni timbiri, hi siku go sangula ga hweti, a gezu ga Jehova gi lota ka mina, giku: