Ezekieli 6:3 - Tshwa Bible

³ Nwina zitsunga za ka Israeli, zwanani a gezu ga Hosi Jehova! Hosi Jehova wa wula ka zitsunga ni miganga, ka milonga ya mati ni mikova, aku: Mina nzi ta mu nehela a supado, nzi ta hahlula a matshamu ya nwina yo tlakuka.

Ezekieli 6:3 Referans Kwoze

Levi 26:30

Nzi ta hahlula matshamu ya nwina ma tlakukileko, nzi wisa a timhinga ta nwina ta gambo, nzi hoxa zirumbi za nwina hehla ka zirumbi za zifananiso za vanungungulu va nwina; ni muhefemulo wa mina wu ta swireka ha nwina.

Mika 6:2

Nwina zitsunga, zwanani a keco ya Jehova, na nwina ziseketelo zi tiyileko za misava; hakuva Jehova i na ni mhaka ni vanhu vakwe, i ta ranisa Israeli.

Ezekieli 36:8

Kanilezi nwina zitsunga za ka Israeli, mu ta hluka maravi ya nwina, mu pswala mihanzu ka Israeli a tiko ga mina; hakuva vona va laha kusuhani ni ku wuya.

Jeremia 22:29

O tiko, tiko, tiko! ingisa a mhaka ya Jehova!

Jeremia 3:23

Hizinene hi tsumbile mahala a kuhanyiswa loku ku tako hi lomu migangeni, Ni ngholovanya ya lomu zitsungeni a yi vuni nchumu. Hizinene a kuhanyiswa ka Israeli kuta hi ka Jehova a Nungungulu wa hina.

Jeremia 3:6

Jehova i lo wula ka mina masikwini ya hosi Josia, aku: Xana u wonile lezi Israeli a wasati loyi a hambukileko a nga zi maha ke? Yena i kanzihile a zitsunga zontlhe zi tlakukileko, ni hasi ka tontlhe tisinya to nyuka, kwalomo i na si hutsetse wubhayini. 2 Tih. 17:10

Jeremia 2:20

Hakuva hi kale na u tshovile muyoko wa wena, U phewulela a tingoti ta wena, uku: Nzi nga ha ta tira. Hakuva u baramile zitsungeni zontlhe zo tlakuka. Ni lomu hasi ka tontlhe tisinya to nyuka, u maha wubhayi.

Isaya 27:9

Hikwalaho a kugoha ka Jakobe ku ta basiswa; Lowu hi wona mbhanzu wa kutsetselelwa ka xionho xakwe; Laha maribye wontihe ya maganzelo ma panzekile kota maribye ya mhemba, A maAxera ni zifananiso za gambo zi nga ha ta yima. Levi 26:30; Isa. 2:20

Isaya 30:25

Hehla ka zitsunga zontlhe zo leha ni ka minganga yontlhe yo tlakuka ku tava kona micongo ni micongwana ya mati lawa ma khulungako, hi siku ga kudawa ka hombe, laha a makhokhola ma ta ngawa. Ezek. 39:4, 17; Kuv. 19:17

Levi 26:25

Nzi ta rumela hehla ka nwina a matlhari ya ku ta photela a xivumelwano xa mina; zonake ku taku loku mu tsombene lomu mitini ya nwina, nzi rumela a ntungu xikari ka nwina, mu nyikelwa mandleni ya nala.

1 Tihosi 14:23

Hakuva vonawu va lo ti akela a maganzelo lomu zitsungeni, lomu ku nga ni zifananiso za Axtarte, va maha lezo ka zontlhe zitsunga zi tlakukileko, ni lahasi ka tontlhe tisinya leti ti hlukako.

Amosi 7:9

A matshamu ma tlakukileko ya Isaka ma ta hahlulwa, ni matshamu ma basileko ya ka Israeli ma ta hangalasiwa; nzi ta vukela a yindlu ya ka Jeroboamu hi supado. 2 Tih. 17:20

Mika 6:1

Zwanani makunu lezi Jehova a nge ngalo: Yima, u wulawula mahlweni ka zitsunga, u zwata a gezu ga wena ka miganga!