Ezekieli 26:12 - Tshwa Bible

¹² Va ta phangaa titshomba ta wena, va wutla a wukwewu ga wena, Va ta khungumula a tigingisi ta wena ni tiyindlu ta wena to saseka; Va ta hoxa maribye ya wena, ni timhanze ta wena ni ntshuri wa wena lomu matini.

Ezekieli 26:12 Referans Kwoze

Isaya 23:8

Himani a nga boha xikungo xa ku vukela Tire, A mutlhateki wa zidlodlo: Loyi a vamahungani vakwe va nga hi tihosana, Ni vaxavisi vakwe va nga hi vadzunzekileko misaveni?

Amosi 5:11

Lezi nwina mu kanzihelako loyi a vumalako, mu mu khupisa hi mavele; hambu loku mu akile a tiyindlu hi maribye yo vatliwa, mu nga ta tshama ka tona,, ni loku mu phayile a zivina za nwina zo saseka, mu nga tanwa a vinya ka zona. Deut. 28:30, 38; Zef. 1:13

2 Kronekele 32:27

Hezekia i wa hi ni titshomba tinyingi ni wudzunzo ga hombe; i lo ti akela mabako yo veka siliva ni nzalama, ni maribye ya malongo, ni tibani, ni zitlhangu, ni ta tixaka tontlhe ta zibya lezi a nga wa zi navela.

Zakaria 7:14

kanilezi nzi ta va hangalasa hi xipupuri xikari ka matiko wontlhe va nga ma tiviko, a tiko gi sala gi hi marumbi anzhako kabye, ku nga hi na munhu a hunzako hi ka gona, hambu ku tlhelela ka gona; hakuva va hunzule a tiko gi nene gi maha marumbi.

Nahume 2:9

Phangani siliva, mu phanga ni nzalama, hakuva a titshomba a ti na ku mbheta lomu bakweni; a wukosi ga yontlhe a nhunzu ya lisima.

Hosea 13:15

Hambu loku Efraime a pswala mihanzu xikari ka vanakulobye, ku tata a mheho ya Mutsuwuka-gambo, yi nga mheho ya Jehova yi tako hi le xiwuleni; a hlowo yakwe yi ta woma, ni xibuka xakwe xi tapswha. Ku ta phangiwa a tshomba yontlhe ya zibya za lisima.

Danieli 11:8

A vanungungulu vabye, ni zifananiso zabye zi chululweko, ni zibya zabye za siliva ni nzalama, i ta zi wutla a zi yisa Gipite. Zonake hi malembe yo kari a nga ta ha Vukela a hosi ya le Nwalungu.

Ezekieli 28:8

Va ta ku relelisa nkeleni, ufa hi fela ga vona lava va tlhabyilweko xikari ka mabimbi.

Ezekieli 26:5

I ta maha wutshamu go anekela kona a tikoka xikari ka bimbi, Hakuva nzi zi wulile, ku wula Hosi Jehova; Yena i tava muphango wa matiko.

Jeremia 25:34

Nwina varisi,: huwelelani mu rila; Puluwunzani khumeni nwina vahombe va ntlhambi; Hakuva a masiku ya kuchabyiwa ka nwina ma tshinele. Nzi ta mu hangalasa, mu tawa Kota a xibya xa lisima.

Isaya 32:12

Va ta tiba zifuva hi kota ya ma simu lawa yo saseka, Ni xivina lexi xi pswalileko nguvu.

Isaya 23:11

I nawulutile a woko gakwe hehla ka bimbi, a tsekatsekisa mifumo, Jehova i nyikile zileletelo xungetano ni makhokhola ya Kanani, Lezaku ma khungumulwa.

2 Kronekele 36:10

Lomu kusanguleni ka lembe gi gamelako, hosi Nebukadnezare i lo rumela vanhu va ya mu khoma va mu yisa Babuloni zinwe ni zibya lezo zo saseka za yindlu ya Jehova. I lo yimisa nakulobye Zedekia a kuva hosi ya ka Juda ni Jerusalema.

Jeremia 52:14

A yimpi yontlhe ya maKaldea leyi a nduna ya vanyakasani yi nga hi nayo, yi lo khungumula makhurisi wontihe lawa ma nga bhiyele Jerusalema.