Ezekieli 20:1 - Tshwa Bible

¹ Hi lembe ga wuntlhanu ni mambiri, hi hweti ya wuntlhanu, hi siku ga wukhume ga hweti, a masingalakati yo kari ya ka Israeli ma lota ma ta wutisa Jehova, va tshama mahlweni ka mina.

Ezekieli 20:1 Referans Kwoze

Ezekieli 8:1

Hi lembe ga wuntlhanu ni ginwe, hi hweti ya wuntlhanu ni yinwe, hi siku ga wuntlhanu ga hweti, laha nzi nga tshamile lomu ndlwini ya mina zinwe ni masingalakati ya ka Juda, a canja ga Hosi Jehova gi lo wela hehla ka mina.

Ezekieli 40:1

Hi lembe ga 25 ga wukhumbi ga hina, a kusanguleni ka gona, hi siku ga 10 ga hweti, ku nga hi 14 wa malembe anzhako kakuva a muti wu fuvisilwe, a ka siku lego a canja ga Jehova gi wa hi hehla ka mina, a nzi yisa tikweni ga Israeli. 2 Tih. 25:4; Ezek. 33:21

Ezekieli 32:1

Hi lembe ga wukhume ni mambiri, hi hweti ga wukhume ni timbiri, hi siku go sangula ga hweti, a gezu ga Jehova gi lota ka mina, giku:

Ezekieli 31:1

Hi lembe ga wukhume ni ginwe, hi hweti ya wunharu, hi siku go sangula ha hweti, a gezu ga Jehova gi lota ka mina, giku:

Ezekieli 30:20

Hi lembe ga wukhume ni ginwe, hi hweti yo sangula, hi siku ga wuntlhanu ni mambiri ga hweti, a gezu ga Jehova gi lota ka mina, giku:

Ezekieli 29:17

Hi lembe ga 27, hi hweti yo sangula hi siku go sangula ga hweti, a gezu ga Jehova gi lota ka mina, giku:

Ezekieli 29:1

Hi lembe ga wukhume, hi hweti ya wukhume, hi siku ga wukhume ni mambiri, a gezu ga Jehova gi lota ka mina, giku:

Ezekieli 26:1

Hi lembe ga wukhume ni ginwe, hi siku go sangula ga hweti, a gezu: ga Jehova gi lota ka mina, giku:

Ezekieli 24:1

Hi lembe ga wuntlhanu ni mune, hi hweti ya wukhume, hi siku ga wukhume ga hweti, a gezu ga Jehova gi lota ka mina, giku:

Ezekieli 1:2

Hi siku ga wuntlhanu ga hweti, a ka lembe ga wuntlhanu ga wukhumbi ga hosi Jehoiakinu,

Mitiro 22:3

Mina nzi muJuda; nzi pswalelwe Tarsusi wa le Kilikia, kanilezi nzi wundlelwe mutini lowu milengeni ya Gamalieli, nzi gonziswa ku tiva khwatsanyana a nayo wa vakoko va hina, na nzi pangamela Nungungulu, kota lezi nwina nwentlhe mu mahako inyamutlha. Xip. 5:34; 2 Kor. 11:22; Fil. 3:5; Lu. 10:39; Gal. 1:14; Rom. 10:2

Luka 10:39

I wa hi ni makabye a vitwako Maria, loyi a nga tshama mikonzweni ya Hosi, a ingisa magezu yakwe,

Luka 8:35

A vanhu va lo huma a ku ya wona lezi zi mahekileko; laha va nga chikela ka Jesu, va lo kuma a munhu loyi ma humileko ka yena a madimoni, na a tshamile mikonzweni ya Jesu, a ambele, a hi ni kupima kunene; va lo chava.

Luka 2:46

Anzhako ka masiku manharu va lo mu kuma tempeleni, na a tshamile xikari ka vagonzisi, a vazwa ni ku va wutisa ziwutiso;

Mateu 22:16

Va lo ruma ka yena a vapizani vabye zinwe ni va ka Herodi, va yaku: Mugonzisi, ha zi tiva lezaku wena u wa zinene, u gonzisa a ndlela ya Nungungulu hi zinene; a ku khatali hi munhu, hakuva a ku cuwuki a xiyimo xa vanhu.

Jeremia 37:17

hosi Zedekia i lo rumisa a ku ya mu humesa, zonake hosi yi lo mu vitana ndlwini ya yona xihundleni, yiku: Xana gi ngava kona a gezu hi ka Jehova ke? Jeremia a hlamula, aku: Gi kona. A engeta aku; Wena u ta nyikelwa a canjeni ga hosi ya Babuloni.

Isaya 58:2

Kunene, va nzi hlota wontihe masiku, Va ranza ku tiva tindlela ta mina; Kota gi nga tiko gi mahako kululama, Gi nga tsikangiko nongameto wa Nungungulu wa gona; Va kombela ka mina a zileletelo zi lulamileko, Va tsaka hi ku tshinela kusuhani ka Nungungulu.

Isaya 29:13

Hilezo Hosi yi te ngalo: Kota lezi a vanhu lava va tshinelako ka mina hi milomu yabye, Va nzi khesa hi milomu ntsena, A timbilu tabye na ti hi kule na mina, Lezaku a xichavo xabye ha mina hi zileletelo ntsena lezi va zi gonzileko; Mat. 15:8; Mar. 7:6

2 Tihosi 3:13

Elixa i te ngalo ka hosi ya ka Israeli: Xana nzi na ni mhaka muni na wena? Famba ka vaprofeti va raru wa wena, ni ka vaprofeti va nyine wa wena! A hosi ya ka Israeli yiku kakwe: Ahihi, hakuva Jehova i vitanile a tihosi leti ta tinharu a ku ti nyikela mandleni ya vaMoabi.

2 Tihosi 6:32

Elixa i wa tshamile lomu ndlwini yakwe zinwe ni masingalakati. A hosi yi lo mu rumela a munwe wa malanza ya yona. Na wu nga se chikela a ntsumi, Elixa i te ngalo ka masingalakati: Langutani a nʼwana wa mudayi, loyi a rumelako a munhu a ku ta nzi tsema a hloko! Langutani! Loku a ntsumi wu chikela, valani livati, mu mu susumeta ha lona. Ma zizwa a zigingi za hosi yakwe yi mu lanzako ke?

Jeremia 21:2

Hi nga hi wutisela a ka Jehova, hakuva Nebukadrezzare, a hosi ya Babuloni, wa hi hlasela; kutani Jehova i ta hi mahela a masingita yakwe, lezaku yena a suka ka hina.

Ezekieli 8:11

Ku wa yimile mahlweni ka zona a 70 wa vavanuna, a masingalakati ya yindlu ya ka Israeli. Xikari kabye ku wa yimile Jaazania nʼwana Xafani; a munwe ni munwani i wa hi ni xibya xa mpepo lomu canjeni gakwe, ni masema ya musi wa mpepo ma lo tuvikela hehla. 2 Tih. 22:3

Ezekieli 20:2

A gezu ga Jehova gi lota ka mina, giku: