Ezekieli 2:1 - Tshwa Bible

¹ Yena i te ngalo ka mina: Nʼwana wa munhu, vuka u yima hi mikonzo ya wena, nzi ta wulawula na wena.

Ezekieli 2:1 Referans Kwoze

Danieli 10:11

Aku ka mina: Danieli, wena wanuna a ranzekako nguvu, pima a timhaka leti nzi ku byelako u yima uku tseka, hakuva nzi rumilwe ka wena makunu. Na a wulile lezo ka mina, nzi lo yima na nzi dzevatana.

Ezekieli 4:1

Ma wena nʼwana wa munhu, teka a thayela u yi veka mahlweni ka wena, u tsala ka yona a xifananiso xa muti wa Jerusalema.

Ezekieli 3:17

Nʼwana wa munhu, nzi ku mahile murinzeli wa yindlu ya ka Israeli. U tazwa a magezu ma humako nonwini wa mina, zonake u ta va tlharihisa vitweni ga mina.

Ezekieli 5:1

Wena nʼwana wa munhu, teka a supado yo kariha ku fanana ni likari la muhaluli, u halula a hloko ya wena ni xilevu xa wena; zonake teka a xikalu xo pima ha xona, u avanyisa a misisi.

Ezekieli 3:4

I te ngalo ka mina: Nʼwana wa munhu, famba uya ka yindlu ya ka Israeli, u ya va byela magezu ya mina.

Ezekieli 3:1

Aku ka mina: Nʼwana wa munhu, gana lezi u zi kumako; gana a bhuku legi, u famba u ya wulawula ka yindlu ya ka Israeli.

Mitiro 9:6

Kanilezi suka, u enghena mutini, u ta byeliwa kona lezi u faneleko ku zi maha. Lu. 3:10; Xip. 2:37

Mitiro 26:16

Kanilezi suka, u yima hi milenge ya wena; hakuva nzi ti kombisile ka wena kasi nzi ku yimisa a kuva nanza ga mina, tlhelo kustumunyu wa lezi u zi wonileko, ni wa zilo lezi nzi ta nga ti kombisa ka wena ha zona. Xip. 22:15

Johani 3:16

Hakuva Nungungulu i lo ranza tiko kota lezi, a kala a nyikela a Nʼwana wakwe a belekilweko yece, kasi ni wihi loyi a kholwako kakwe a nga lovi, kanilezi ave ni wutomi ga pinzukelwa. Rom. 5:8; 1 Joh. 4:9

Johani 3:13

A ku na munhu a kanzihileko le tilweni, sine loyi a releleko hi le tilweni, a nga Nʼwana wa munhu, loyi a nga hi le tilweni. Mat. 30:4; Miti. 2:34; Efe. 4:9

Mateu 17:7

Jesu i lo tshinela a ta va khumba, aku ngalo: Vukani, mu nga chavi. Dan. 8:18

Danieli 10:19

aku: U nga chavi, wena wanuna a ranzekako nguvu! A kurula akuve na wena, tiyisa mbilu, kunene, tiyisa mbilu! Laha a nga wulawula na mina nzi lo kuma ntamu, nziku: Wulawula hosi yanga, hakuva u nzi nyikile ntamu.

Danieli 8:17

I lo tshinela laha nzi nga yimile, laha a ngata nzi lo chava, nziwa hi nghohe ya mina. Kanilezi aku ka mina: Xiyisisa, nʼwana wa munhu, hakuva a muwoniso wu xungeta a xikhati xa kugumesa.

Ezekieli 37:3

Aku ngalo ka mina: Nʼwana wa munhu, a marambu lawa ma nga tlhela ma hanya ke? Mina nzi hlamula, nziku: Hosi Jehova, zi tibyiwa hi wena,

Ezekieli 20:3

Nʼwana wa munhu, wulawula ka masingalakati ya ka Israeli, uku ka vona: Hosi Jehova i ngalo: Mu tele ku ta nzi wutisa ke? Nza hlambanya hi kuhanya ka mina, a nzi vumeli ku wutisiwa hi nwina, ku wula Hosi Jehova.

Ezekieli 17:2

Nʼwana wa munhu, vingula, u wulawula mufananiso ka yindlu ya ka Israeli,

Ezekieli 16:2

Nʼwana wa munhu, tivisa Jerusalema a manyalataniso yakwe, uku:

Ezekieli 15:2

Nʼwana wa munhu, a nyenge ya vina yi hunza a nyenge ya tinwani tisinya hi yini? a sinya ya vina leyi a liravi la yona li nga xikari ka tisinya ta khwati?

Ezekieli 14:13

Nʼwana wa munhu, loku a tiko gi nzi gohela hi ku hluwuka, nzi nawuluta a canja ga mina hehla ka gona nzi kalisa a kuga ka gona, nzi gi rumela a ndlala, nzi susa ka gona a vanhu ni zihari,

Ezekieli 14:3

Nʼwana wa munhu, a vanhu lava a timbilu tabye va ti nyikele ka zifananiso zabye, va vekile a zikhunguvanyiso mahlweni kabye lexi xi va wisako kubiheni. Nzi nga vumela ku wutisiwa hi vona ke? Isa. 58:2; Ezek. 11:5

Ezekieli 13:2

Nʼwana wa munhu, profeta hi vaprofeti va ka Israeli lava va profetako, u wula ka vona lavo va profetako hi kuranza ka timbilu tabye, uku: Zwanani a gezu ga Jehova!

Ezekieli 12:3

Hikwalaho wena nʼwana wa munhu, ti longisele a nhunzu ya ku famba hangalasiweni, u suka ni hlikanhi kuwoneni kabye; u ta rura na va kari va zi wona, kutani va ta zi pima lezaku mba yindlu ya mihluwukwa.

Ezekieli 7:2

Wena nʼwana wa munhu, Hosi Jehova i ngalo ka tiko ga ka Israeli: Hi wona magumo! A kugumelwa ku chikele a matlhelweni ya mune ya tiko.

Ezekieli 3:10

I lo engeta aku ka mina: Nʼwana wa munhu, amukela a mbilwini ya wena a magezu wontihe lawa nzi wulako ka wena, u tizwa hi tindleve ta wena.

Ezekieli 2:8

Kanilezi wena, nʼwana wa munhu, ingisa lezi nzi ku byelako! U nga hluwuki ku fanana ni lixaka leli li hluwukileko. Ahlama a nomu wa wena, uga lezi nzi ta nga ku nyika zona.

Ezekieli 2:6

Na wena, nʼwana wa munhu, u nga va chavi, hambu ku dzuxwa hi timhaka tabye, hambu loku u hi xikari ka zigetlwani ni mizwa, kutani ku tshama lomu xikari ka tihume. U nga chavi kuwulawula kabye, u nga rurumeli hi tinghohe tabye, hambu lezi va nga va yindlu yi hluwukileko. Mika 7:4; Lu. 12:4; 1 Ped. 8:14

Tisimu 8:4

Nziku: Xini a munhu loyi wena u mu khatalelako, Ni nʼwana wa munhu lezi wena u mu enzelako ke? Joba 7:17; Maheb. 2:6

Ezekieli 2:3

Aku ka mina: Nʼwana wa munhu, Nza ku ruma ka vana va ka Israeli, a ka mifumo leyi yi hluwukileko, leyi yi nzi vukelako. Vona hi vadadani vabye va nzi gohele kala ni lezi.

Ezekieli 1:28

A kuvangamela matlhelweni wontihe ku wa fanana ni kungangamela ka wura ga nyazimu, legi gi wonekako refini hi siku ga vula. Zi wa wonekisa lezo leʼzi nga fanana ni kungamela ka Jehova. Laha nzi nga zi wona nzi lowa hi nghohe ya mina, na nzi kari nzizwa a gezu ga munwe loyi a wulawulako.

Ezekieli 40:4

A munhu loye ite ka mina: Nʼwana wa munhu, Cuwukisisa hi mahlo ya wena, u ti zwela hi tindleve ta wena, u xiyisisa zontlhe lezi nzi ta nga ku kombisa zona; hakuva u tisilwe laha a ku kasi nza ku kombisa zona; u ta tlhatlhambutela ka yindlu ya ka Israeli zontlhe lezi u zi wonako.

Ezekieli 43:18

Yena aku ka mina: Nʼwana wa munhu, Hosi Jehova i ngalo: Leyi hi milayo ya alati a siku lego gi ta nga akiwa, va mahela kona a minyikelo yo hiswa, ni ku nwatsekela a nkhata hehla ka gona.