Ezekieli 13:3 - Tshwa Bible

³ Hosi Jehova i ngalo: Khombo ka vaprofeti va zipumbu, va lanzelako a moya wabye wutsumbu, va nga woni nchumu!

Ezekieli 13:3 Referans Kwoze

Mikosi 2:14

A vaprofeti va wena va ku wonele a miwoniso yi nga nyawuliko ni ya wupumbu, A va tsetsulangi a zigoho za wena, kasi u pona u ngayi wukhumbini; Kanilezi va ku profetele zahava, lezi zi nga ku hambukisa.

Hosea 9:7

A masiku ya kutsayiswa ma chikele, a masiku ya nchachazelo ma chikele! Israeli i ta zi tiva! A muprofeti i hunzukile xipumbu, a munhu wa moya i hungukile hi kota ya wunyingi ga zigoho za wena ni wukulu ga kuhluwuka ka wena.

Ezekieli 34:2

Nʼwana wa munhu, profetela a varisi va ka Israeli, uku: Hosi Jehova i ngalo: Yowe, a varisi va ka Israeli, lava va gisako wutsumbu gabye! kasi a varisi a va faneli ku gisa a tiyivu ke?

Jeremia 23:1

Khombo a ka varisi lava Va onhako ni ku hangalasa a tiyivu ta wuriselo ga mina! ku wula Jehova. Jer. 10:21; Ezek. 34:2

Mavingu 15:14

A mbilu ya loyi a nga ni kupimisisa yi hlota wutivi; anilezi a milomu ya zipumbu yiga wupumbu.

1 Timote 6:4

yena i kukumukile na a nga tivi nchumu, i na ni wubabyi ga ku wutisa ziwutiso ni ku kanetisana hi timhaka, laha ku humako kona a makangwa, ni kuholova, ni tihlamba, ni kualakanyela kubiha, 1 Kor. 8:2

1 Va le Korinte 9:16

Hakuva loku nzi kanela ivangeli, a nzi na nchumu lowu nzi nga ti dzunzako ha wona; hakuva nzi yimelwe hi ku maha lezo, ina i khombo ka mina loku nzi nga kaneli ivangeli.

Luka 11:52

Khombo a give ka nwina, vagonzisi va nayo; hakuva mu susile a pfhungulo ya wutivi; nwina wutsumbu a mu enghenangi, ni lava va nga kari va enghena mu va tsimbetelo. Mat. 23:13

Luka 11:40

Zipumbu nzi nwina, loyi a nga maha za lahandle, a nga mahangi za lomo nzeni ke?

Zakaria 11:15

Jehova aku ka mina: Teka kambe a zibya za murisi wa xipumbu.

Ezekieli 13:18

Hosi Jehova i ngalo: Khombo ka vavasati lava va rungelako a zitshikelo lomu ka magunyungu ya mawoko, va mahako tilesu to ringana tihloko ta tixakaxaka, kasi ku hlota mihefemulo! Xana mu ta hlota mihefemulo ya vanhu va mina, mu wuya mu ponisa ya nwina wutsumbu ke?

Mavingu 15:2

A lirimi la tlhari li nanzihisa wutivi; anilezi a nomu wa zipumbu wu pupuma wupumbu.

2 Timote 3:9

Kanilezi cima va nga ta humelela; hakuva a wupumbu gabye gi ta su dlunya ka vanhu vontlhe, kota lezi ni ga vanalavo gi nga su, dlunya. Ekso. 8:13; 9:11

Jeremia 23:16

Jehova wa tiyimpi i ngalo: Mu nga ingisi a timhaka ta vaprofeti lava va profetako ka nwina, hakuva va mu kanganyisa; va kanela a miwoniso ya timbilu tabye wutsumbu, na zi nga humi nonwini wa Jehova. Ezek. 13:2; Mat. 7:15

Jeremia 28:15

Muprofeti Jeremia i lo engeta a wula ka muprofeti Hanania, aku: Ingisaka, Hanania; Jehova a nga ku rumangi; kanilezi u maha lezaku lava vanhu va tsumba mawunwa.

Ezekieli 13:4

Israeli, a vaprofeti va wena va fanana ni tihlati lomu xikari ka marumbi.

Jeremia 23:9

Xungetano ni vaprofeti. A mbilu ya mina yi panzekile, A marambu ya mina wontihe ma gutlagutla; Nzi kotisa munhu loyi a popilweko, Ni loyi a dakilweko hi vinya, Hi kota ya Jehova ni timhaka takwe to basa.