Ezekieli 1:10 - Tshwa Bible

¹⁰ A xinwe ni xinwani xi wa hi ni nghohe ya munhu, ni nghohe ya nghala hi tlhelo ga xinene, ni nghohe ya homu hi tlhelo ga xibhabha, ni nghohe ya gama kambe.

Ezekieli 1:10 Referans Kwoze

Ezekieli 10:14

A kerubima ginwani ni ginwani gi wa hi ni mune wa tinghohe. A nghohe yo sangula yi wa hi ya kerubima; a ya wumbiri yi wa hi nghohe ya munhu; a ya wunharu yi wa hi nghohe ya nghala; a ya wumune yi wa hi nghohe ya gama.

Kuvululelwa 4:7

A ximahwa xo sangula xi wa fanana ni nghala, ni ximahwa xa wumbiri xi wa fanana ni role, ni ximahwa xa wunharu xi wa hi ni nghohe yo khwatsi nja munhu, ni ximahwa xa wumune xi wa fanana ni gama gi purumako. Ezek. 1:10; 10:14

Kuvululelwa 5:5

zonake a nghanakana ginwe giku ngalo ka mina: U nga rili, hi nga wona a Nghala ya lixaka la ka Juda, a Mutsu wa Davida, yi hlulile kasi ya zi kota ku vulula bhuku, ni ku namula a zifungo za gona za ntlhanu ni zimbiri. Gen. 49:9; Isa. 11:1, 10; Xip. 22:16

Luka 15:10

Nziku ka nwina: Zinghaho ku kona kutsaka mahlweni ka tingelosi ta Nungungulu, hi kota ya muonhi munwe loyi a hunzulukako,

Danieli 7:4

A xo ranga xi wa fanana ni nghala, na xi hi ni tipapa ta gama. Nzi lo xi cuwuka kala a tipapa ta xona ti tsuwuliwa, xi tlakuswa misaveni, xi yitniswa hi milenge ya xona kukotisa munhu, xi nyikiwa a mbilu ya munhu.

Isaya 46:8

Alakanyani lezi zilo, muva vavanuna, Nwina vahambunyeti, ti alakanyeni!

Isaya 40:31

Kanilezi lava va lavelelako Jehova va ta kuma ntamu muswa, Va ta puruma ku fanana ni magama, Va ta tsutsuma va nga karali, Va ta famba va nga rereki.

Mavingu 14:4

Laha ku nga hiko na tikavi a ranga gi basile; anilezi a wukosi gi enzelekiswa hi ntamu wa tikavi.

Joba 39:27

Kutani a gama gi purumela hehla hi kuleletela ka wena, Ni ku aka xisaka xa gona le hehla ke?

1 Kronekele 12:8

A vanwani vavanuna va ntamu hi va ka Gadi, lava va sukileko vaya ka Davida le khokholeni ga le xiwuleni; va wa hi tinhenha ti tivako a kulwa yimpi, va khomako matlhari ni zitlhangu, lava a tinghohe tabye ti nga wa fana ni ta tinghala, va tsutsuma ku fana ni timhuti hehla ka zitsunga.

Valamuli 14:18

Na gi nga se pela a siku ga wuntlhanu ni mambiri, a vanhu va muti va lo ta lanzula, vaku: Xini xi tsombelako ku hunza wulombe ke? Xini xa ntamu ku hunza nghala ke? Yena aku kabye; Loku mu nga rimangi hi rogana ga mina, Ngha mu nga lanzulangi liteketelo la mina.

Deuteronome 28:49

Na Jehova i ta ku nehela a mufumo wa le kule, wu nga le magumo ka misava, a mufumo wu fananako ni kupuruma ka gama; a mufumo lowu u nga tiviko ni lirimi la wona; Jer. 5:15; 6:22

Mitsengo 2:25

Hi tlhelo ga Nwalungu ku tava mujeke wa wugovelo ga ka Dani, hi mitlawa yabye; a hosana ya vanana va ka Dani hi Ahiezere a nʼwana wa Amixadayi,

Mitsengo 2:18

Le Muhlwa-gambo, ku tava mujeke wa wugovelo ga ka Efraime hi mitlawa yabye; a hosana ya vanana va ka Efraime hi Eliaxama a nʼwana wa Amihudi,

Mitsengo 2:10

Le Dzongeni ku tava ni mujeke wa wugovelo ga ka Rubeni, hi mabutho yabye; a hosana ya vanana va ka Rubeni hi Eliazura, a nʼwana wa Xedura,

Mitsengo 2:3

Le mahlweni, hi tlhelo ga Mutsuwuka-gambo, ku yimiswa mujeke wa nyangwa ya ka Juda hi mabutho yabye; ni hosana ya vana va ka Juda hi Naxoni a nʼwana wa Aminadaba,

1 Va le Korinte 14:20

Vamakabye mu nga mahi zihlangi kupimeni ka nwina, kanilezi mahani zihlangi ka zakubiha, mu maha madota kupimeni. Tis. 119:99; 131:2; Mat. 11:25; 18:3; 1 Ped. 2:2

Ezekieli 1:6

A xinwe ni xinwani xi wa hi ni mune wa tinghohe, ni xinwe ni xinwani xi wa hi ni mune wa tipapa.

Ezekieli 41:19

A tlhelo ginwe ku wa hi nghohe ya munhu yi nga cuwuka a cinzu wa tlhelo ga seno, a ginwani tlhelo ku wa hi nghohe ya nghala yi cuwuka a cinzu wa tlhelo ga seniya, yindlu yontlhe yi wa renzelekelwe hi zona.