Estere 9:25 - Tshwa Bible

²⁵ Kanilezi laha a mhaka yi nga chikela hosini, Estere i lo rumisa lezaku ku hangalaswa mapapilo yo vukela a xikungo lexi xi nga wa bohelwe vaJuda, ni lezaku xi wela hlokweni yakwe Hamani, yena ni vana vakwe va hayekiwa timhanzeni.

Estere 9:25 Referans Kwoze

Tisimu 7:16

A kukhohlakala kakwe ku ta tlhelela hlokweni yakwe, Ni lunya lakwe li ta wela hehla kakwe wutsumbu.

Mateu 21:44

Loyi a ta ngawa hehla ka ribye legi i ta pswhandleka zipanzana; kanilezi loyi gi ta ngawa hehla kakwe gi ta mu silisisa. Isa. 8:15; Lu. 20:18; Rom. 9:33

Tisimu 141:10

A vakubiha a va phasiwa minzhiyweni yabye wutsumbu, Mina nzi pona.

Tisimu 140:9

A tihloko ta lava va nzi ranze leko Ngha ti welwa hi lunya la milomu yabye.

Estere 7:5

Zonake hosi Ahasuerusi i te ngalo ka muzinza Estere: Himani yaloye, a ngava kwihi, a munhu wo kala ave ni mbilu yo alakanya ku maha lezo?

Estere 3:6

Kanilezi Hamani i lo alakanya lezaku zi nga ta enela ku khoma Mordekai yece, hakuva va wa mu tlhamusele a lixaka la Mordekai. Hikwalaho Hamani i lo lava ku hihirita vontlhe vaJuda lava va nga wa hi lomu mufunweni wontihe wa Ahasuerusi, a maxaka ya Mordekai.

Estere 7:4

hakuva mina ni va ka hina hi xabyisilwe, kasi kuva hi hihiritwa hi ku bhi. Kanilezi loku ku wa hi ku xaviselwa kuva hi maha tikhumbi, ngha nzi nga wuli nchumu, hambu lezi a nala a nga te ngha a tsanzekile ku ringanisa a kulahlekelwa ka hosi.

Tisimu 140:8

Jehova, u nga nyiki a wakubiha lezi a zi navelako, U nga vuni makungo yakwe, lezaku a nga dzuki a ti kulisa. (Sela.)

Isaya 22:25

a ka siku lego, ku wula Jehova wa tiyimpi, a phanze legi gi zimekilweko wutshanwini go tiya, gi ta kunulwa giwa; ni zontlhe lezi zi nga hi hehla ka gona zi ta lobyiswa, hakuva Jehova i wulile lezo.

1 Samueli 25:39

Laha Davida a nga zwile lezaku Nabali i file, i te ngalo: A ku bongiwe Jehova loyi a nga vikela a mhaka ya mina le ka nanza gakwe a ku maha kubiha. Jehova i tlhelisele a kubiha ka Nabali hlokweni ya yena nwinyi. Zonake Davida i lo ruma a vanhu ka Abigaili a ku ya mu wutela yena.

1 Tihosi 8:32

zi ingise wena na u hi kwaseyo tilweni; u tsema timhaka ta malanza ya wena; u kombisa wa kubiha hi ku tlhelisela hlokweni yakwe a kubiha kakwe; ni ku kombisa kululama ka loyi a mahileko kululama.

Estere 7:10

Zinghaho va lo cikita Hamani laha mhanzeni leyi a nga wa yi longisele Mordekai. Zonake a zanga ya hosi yi lo hohla.

Tisimu 7:17

Nzi ta dumisa Jehova hi kota ya kululama kakwe, Nzi ta yimbelela a kudumisa ka vito ga Jehova loyi a Hunzeleleko Kutlakuka.

Tisimu 94:23

I ta tlhelisela hehla kabye a kubiha kabye, A va lovisa kubiheni kabye; Futsi, Jehova Nungungulu wa hina i ta va hetisa.

Mavingu 5:22

A wakubiha i ta phasiwa hi kugoha kakwe, ta bohiwa hi magota ya kuonha kakwe wutsumbu.

Mavingu 26:27

Loyi a ketako a rinzi i ta wela ka gona; i loyi a wumbulutako a ribye gita mu wela.

Obadia 1:15

Hakuva a siku ga Jehova gi tshinele ka wontlhe matiko. Lezi u zi mahileko zi ta mahiwa ka wena; a zimaho za wena zi ta wuyela hlokweni ya wena nwinyi.