Estere 8:17 - Tshwa Bible

¹⁷ Matikweni wontihe, ka muti ni muti lowu a mhaka ni zileletelo za hosi zi chikelako, a vaJuda va wa tsaka va maha mubuzo ka siku lego. Vanhu vanyingi va matiko lawo va lo ti maha vaJuda, hakuva a vaJuda va wa mahelwa xichavo xa hombe.

Estere 8:17 Referans Kwoze

Estere 9:19

Hikwalaho a vaJuda lava va akileko lomu mitini yi nga bhiywangiko, a siku ga 14 ga hweti ya Adare va maha mibuzo va tsaka, giva ximuse, va rumelana zinyikiwo ha gona.

Tisimu 18:43

U nzi tlhatlhisile timholoveni ta tiko, U nzi mahile a hloko ya vamatiko, A tiko legi nzi nga gi tiviko gi lo nzi tirela.

1 Samueli 25:8

Wutisa malanza ya wena ma ta ku byela. Hikwalaho ngha majaha lawa ma kuma thomo mahlweni ka wena, kota lezi hi tako hi siku gi nene. Nyika malanza ya wena ni nʼwana wa wena Davida lezo u ta nga zi kuma lomu canjeni ga wena.

Deuteronome 11:25

Cima ku nga tava kona munhu a ta nga tiya mahlweni ka nwina; na Jehova Nungungulu wa nwina i ta chela kuchava ni kururumela kontlhe lomu mu ta nga famba ha kona, khwatsi hi lezi a mu byelileko.

Estere 9:27

a vaJuda va lo tiyisa va ti hlawutela lezaku vona ni pswalo wabye, ni vontlhe lava va hlengelako zinwe navo, va hlayisa masiku lawa ya mambiri lembe ni lembe, maringano ni lezi zi tsalilweko ni zileletelo za kona.

Estere 9:22

ku nga masiku lawa a vaJuda va nga kuma kuhumula valaleni vabye, a hweti leyi a kuxaniseka kabye ku nga hunzulwa kuva litsako, a siku ga xirilo gi hunzulwa giva ka migiyo; va maha ha wona a mibuzo, va tsaka, va rumelana zinyikiwo, ni ku nyika zinyikiwo ka zisiwana.

Estere 9:2

a vaJuda va lo tsombana lomu mitini yabye ka wontihe matiko ya hosi Ahasuerusi, kasi ku daya lava va ta nga va vukela. A nga kona ni munwe a nga tiya a va vuka, hakuva va wa chabyiwa hi vanhu vontlhe.

Deuteronome 2:25

Inyamutlha nzi ta sangula ku chavisa ni ku dzukisa ha wena a matiko wontihe lawa ma nga lahasi ka tilo. Ma ta rurumela ma mbhela ntamu mahlweni ka wena, laha va ta ngazwa a wudumo ga wena. Ekso. 23:27; Deut. 11:25

Eksodusi 15:16

A kuchava ni kururumela zi lowa hehla kabye; Hi canja ga wena ga ntamu, Va hunzukile va maha timbeveve ti fananako ni maribye, Kala a vanhu va wena va tlhatuka, O Jehova! Va kala va tlhatuka a vanhu lava u va tiruleko.

Genesisi 35:5

Va lo andlamuka. A xichavo xa Nungungulu xi wa hi ka miti leyo yi nga wa va ranzele, hikwalaho vona a va va lanzangi a vana va Jakobe.

Estere 9:17

Lezo zi lo maheka hi siku ga 13 ga hweti ya Adare; ku ku hi siku ga 14 wa ywaleyo hweti va humula, va maha ha gona mubuzo va tsaka.

Nehemia 8:10

Zonake aku kabye: Ti fambeleni, mu yaga tinyama ti nonileko, munwa kunwa ko nanziha, mu rumela zakuga ka lava va nga ti longiselangiko nchumu, hakuva legi i siku gi basileko ka Hosi ya hina. Mu nga tsanwi, hakuva a litsako la Jehova i ntamu wa nwina.

Joxua 2:9

na yena i te ngalo kabye: Nza zi tiva lezaku Jehova i mu nyikile legi tiko, hina hi na ni manyeho hi nchavo lowu mu wu vuxileko, ni vontlhe vaaki Va tiko va mbhelile ntamu hi kota ya nwina. Ekso. 15:14; 23:27

Joxua 2:11

Na hi zwile lezo a timbilu ta hina ti lo nyeka; a ha hi na kutiya ka nchumu hi kota ya nwina; hakuva Jehova Nungungulu wa nwina hi Nungungulu loyi a nga le hehla tilweni, ni lahasi misaveni.

Estere 9:3

Tontlhe tihosana ta matiko, ni tinduna, ni vafumeli, ni vafambisi va ntiro ya hosi, va lo vunetela vaJuda, hakuva va wa mu chava nguvu Mordekai.

Tisimu 105:38

A vaGipite va lo tsaka laha va nga andlamuka, Hakuva a chawo wa vaIsraeli wu wa va khomile.