Estere 8:14 - Tshwa Bible

¹⁴ Zinghaho a mitsukano leyi yi khileleko mahaxi yo tsutsuma nguvu ya hosi yi lo huma hi kutsutsuma, na yi hatlisiswa hi kuleletela ka hosi. Ni le Xuxani a zinzeni ku lo biwa nyiwo leyo.

Estere 8:14 Referans Kwoze

Danieli 8:2

A muwonisweni lowu nzi waku khwatsi nzi le Xuxani, xi nga xiluvelo xa hosi lomu tikweni ga Elami, nzi wona muwoniso na nzi hi laha Congweni wa Ulai.

Estere 3:15

Hi kuleletela ka hosi, a mitsukano yi lo huma hi kutsutsuma, ku biwa nyiwo ni le Xuxani a zinzeni. A hosi na Hamani va lo tshama lahasi vanwa, kanilezi a muti wa Xuxani wu wa tele hi kukanganyiseka.

Mutshawuteli 9:10

Ni xihi lexi a canja ga wena gi xi tirako, xi mahe hi ntamu wa wena: hakuva a ku na ntiro, hambu makungo, ni kutiva, ge, hambu wutlhari le Xeoli lomu u yako kona. Tis. 6:5; Isa. 38:18; Joh. 9:4

Estere 2:3

A hosi ngha yi leletela a tinduna ta matiko wontihe ya yona lezaku ti tsombanyisa a vanhwana vontlhe vo saseka va va neha le Xuxani a zinzeni, a ndlwini ya vavasati, va hlayiswa hi Hagai, a nduna ya hosi ni muhlayisi wa vavasati, kasi va nyikwa a zilo za ku ti basisa ha zona.

Estere 1:2

masikwini lawo hosi Ahasuerusi, laha a nga wa tshamile xitshanwini xa wuhosi gakwe lexi xi nga hi le Xuxani a zinzeni gakwe,

Nehemia 1:1

A timhaka ta Nehemia nʼwana Hakalia. Hi hweti ya Kislevi, hi lembe ga wu 20, na nzi hi le Xuxani lomu ka khokhola ga kona,

1 Samueli 21:8

Davida i te ngalo ka Ahimeleki: Xana a ku na tlhari hambu supado ke? Hakuva a nzi tekangi a supado ya mina hambu matlhari ya mina, hakuva a mhaka ya hosi yi wa nzi hatlisisa.

1 Tihosi 4:28

Va lo neha a sevada ni byanyi gi womileko ga mahaxi, munwe ni munwani a neha hi nayo wa kona, kasi gi ta kuva kuga ka mahaxi ya tikareta ni lawa ma khilelwako, lomu kontlhe ku nga wa hi ni hosi. A wutlhari ga Solomoni.

2 Kronekele 30:6

Zinghaho a mitsukano yi lo fambafamba lomu tikweni gontlhe ga va ka Israeli ni ga va ka Juda ni mapapilo ya hosi ni ya tinduna takwe, va hlawutela kota kuleletela ka hosi, vaku: Va ka Israeli, tlhelelani ka Jehova Nungungulu wa Abrahama na Isaka na Israeli, kasi yenawu a fela ku tlhelela ka misalela leyi yi ponileko xikari ka nwina mandleni ya tihosi ta vaAssiria. Mal. 3:7

Estere 3:13

A mapapilo ma rumelwa hi mitsukano matikweni wontihe ya hosi, kasi ku hihirita, va chinza vaku bhi vontlhe vaJuda, a vatsongwani ni vahombe, a zihlangana ni vavasati, hi siku ginwe ga 13 hi hweti ya wu 12 yi nga Adare, va tlhela va phanga a nhunzu yabye.

Estere 3:14

A mutsalo lowo wu wa hi nayo wu nga fanele ku biwa nyiwo matikweni wontihe, kasi a vanhu va ti longisela siku lego.

Estere 8:13

A tiko ginwe ni ginwani gi lo rumelwa a papilo ga mutsalo wa nayo kasi wu fela ku huwelelwa ka tixaka tontlhe ta vanhu, ni ku kasi a vaJuda va fela ku ti longisela ku vikela wutsumbu gabye ka valala vabye.

Estere 8:15

Mordekai i lo Suka mahlweni ka hosi na ambele a tinguwo ta wukosi ta wukuxe ni to basa, na hi ni xidlodlo xa hombe xa nzalama, ni bhaji go saseka go mahiwa hi wukene go zirila. A muti wa Xuxani wu lo kanyuluka hi kutsaka.