Estere 6:13 - Tshwa Bible

¹³ I lo hlawutela zontlhe lezi zi nga maheka kakwe, a byela sati wakwe Zerexi ni vanghana vakwe vontlhe. A titlhari takwe ni sati wakwe Zerexi vaku kakwe: Loku Mordekai, loyi u sanguleko makunu kuwa mahlweni kakwe, a hi wa lixaka la vaJuda, hizinene u nga ta humelela naye, zi tiyile lezaku u tawa mahlweni kakwe.

Estere 6:13 Referans Kwoze

Mavingu 28:18

Loyi a fambako hi kululama i ta hanyiswa; anilezi loyi a fambako hi tindlela ta kubiha, zalezo i tawa.

Hosea 14:9

Himani a tlharihileko, a zi kotako ku pima lezi zilo ke? Loyi a khunguhileko i ta zi pima, hakuva a tindlela ta Jehova ti lulamile, lava va lulamileko va ta famba ha tona, kanilezi a vahambunyeti va ta khunguvanyeka ka tona. Deut. 10:12; Isa. 8:14

Genesisi 41:8

Na gi cile laha mixweni, Faro i lo karateka nguvu lomu mbilwini yakwe; hikwalaho i lo rumela lezaku ku vitanwa zitumbe zontlhe za le Gipite, ni titlhari ta kona. I lo va hlawutela miloro yakwe, kanilezi i wa nga hi kona loyi a nga wa tiva ku tlhamusela miloro leyo ya Faro.

Genesisi 40:19

Ku ta hunza masiku manharu, Faro i ta tlakusa a hloko ya wena a kuva yi hayekwa sinyeni, a tinyanyani ti ta jowotela a nyama ya wena.

Danieli 2:12

Kwalaho a hosi yi lo zangara nguvu, yi ruma lezaku ti dawa tontlhe a titlhari ta le Babuloni.

Joba 16:2

Kanyingi nzi zwile timhaka ta kunghaho; Nwentlhe mu vachaveleli va nga vuniko nchumu.

Joba 15:24

A zikarato ni hlomulo zi mu chavisa; Za mu tsimbeketa kukotisa a hosi leʼyi ti longiselako kulwa.

Genesisi 24:66

Ni nanza gi lo hlawutela ka Isaka zontlhe lezi a zi mahileko.

Mitsengo 24:9

Yena i baramile, a xiyelela khwatsi i nghala, Ni ku kota a pswele ga nghala; Himani a ta nga mu vuxa ke? A va katekiswe lava va ku katekisako, Va rukatelwa lava va ku rukatelako. Gen. 49:9

Deuteronome 32:10

I mu kumile xiwuleni, A xiwula xa tihuwa ti chavekako. I mu bhiyele, a mu wundla, I mu hlayisile khwatsi hi nzololo ya tihlo gakwe,

Tisimu 105:15

Aku: Mu nga khumbeni vatotilweko va mina, Mu nga lamati vaprofeti va mina.

Zakaria 2:12

Jehova i ta fumela Juda, ava tshomba yakwe a tikweni gi basileko, a engeta a ti hlawutela Jerusalema.