Estere 2:17 - Tshwa Bible

¹⁷ A hosi yi lo ranza Estere ku hunza vontlhe vavasati, a tsakelwa nguvu hi hosi ku hunza vanwani vanhwana; zinghaho i lo mu ambexa a xidlodlo xa wuhosi hlokweni yakwe, a mu maha muzinza xikhundleni xa Vaxti.

Estere 2:17 Referans Kwoze

Ezekieli 17:24

Zonake a tisinya tontlhe ta khwati ti ta zi tiva lezaku mina Jehova nzi tsongahatile a sinya yo tlakuka, nzi tlakusa a sinya ya yitsongwani, nzi womisa a sinya yo nyuka, nzi hlukisa a sinya yi womileko. Mina Jehova nzi zi wulile, nzi tlhela nzi zi maha.

Estere 4:14

Hakuva hambu loku wena u miyela xikhatini lexo, a kuponiswa ka vaJuda ku tata hi ginwani wutshamu, kanilezi wena ni ngango wa raru wa wena, mu ta lova. Kona zi tibyiwa himani a ku kutani u tile laha wukosini hi kota ya mhaka leyi ke?

Estere 1:11

lezaku va ya teka muzinza Vaxti va mu neha mahlweni ka hosi na ambele a xidlodlo xa wuhosi, kasi ku ta kombisa a wumbhuri gakwe ka vanhu ni ka tihosana, hakuva i wa hi lipswitla.

1 Samueli 2:8

Wa humesa xisiwana lomu tshurini, Wa tsawula muvumali lomu maropeni, A va tshamisa zinwe ni tihosi, Ni ku va nyika a tshomba ya xitshamu xa wukosi. Hakuva a ziseketelo za misava za Jehova, I yimisile misava hehla ka zona.

Estere 2:16

Zinghaho Estere i lo yiswa ka hosi Ahasuerusi, a ndlwini ya wuhosi, hi hweti ya wu 10, yi nga hweti ya Tebeti ya lembe ga wu 7 ga kufuma kakwe.

Estere 6:8

a ku nehiwe tinguwo ta wuhosi leti a hosi yi tolovelako ku ambala, ni haxi legi gi khilelwako hi hosi, ni xidlodlo lexi xi tlhatekwako hlokweni ya hosi;

Mavingu 21:1

A mbilu ya hosi yi khwatsi i congo wa mati lomu canjeni ga Jehova; yi fambisa ni kwihi laha yena a ku ranzako.