Eksodusi 6:7 - Tshwa Bible

⁷ Mina nzi ta mu teka muva vanhu va mina, mina nziva Nungungulu wa nwina, loyi a mu tlhatlhisileko ka mikhinyavezo ya vaGipite;

Eksodusi 6:7 Referans Kwoze

Deuteronome 29:13

Inyamutlha i ta ku yimisa a kuva tiko gakwe wutsumbu, na yena a maha Nungungulu wa wena, khwatsi hi lezi a wulileko ka wena, ni ku khwatsi hi lezi a hlambanyileko ka vararu va wena, Abrahama na Isaka na Jakobe.

Deuteronome 7:6

hakuva nwina mu vanhu va kubasa va Jehova Nungungulu wa nwina; na Jehova Nungungulu wa wena i ku hlawulile kasi u fela ku maha tiko gakwe wutsumbu, a xikari ka wontihe matiko lawa ma nga laha misaveni.

Deuteronome 4:20

Nguvu nwina, Jehova i mu humesile khombarini ga nzilo wa le Gipite, kasi mu fela ku maha vanhu vakwe kota lezi mu zi wonako nyamutlha.

Kuvululelwa 21:7

Loyi a hlulako i taga a tshomba ya lezi zilo; nzi tava Nungungulu wakwe, yena i tava nwananga. Maheb. 8:10

Deuteronome 26:18

Jehova i tiyisile nyamutlha lezaku mu vanhu vakwe wutsumbu, khwatsi hi lezi a ku tsumbisileko loku u kari u ingisa yontlhe milayo yakwe;

Deuteronome 14:2

Hakuva nwina mu vanhu va basileko va Jehova Nungungulu wa nwina, ni kambe Jehova i mu hlawulile lezaku mu hi vanhu vakwe yena wutsumbu, a xikari ka wontihe matiko lawa ma nga hehla ka misava. Ekso. 19:5

Kuvululelwa 21:3

Zonake nzi lozwa a gezu ga hombe gi huma xitshanwini xa wuhosi, giku: Langutani, a tabernakeli ga Nungungulu gi kona xikari ka vanhu; i ta tshama navo, vona va tava vanhu vakwe, ina Nungungulu wutsumbu i tava navo, ava Nungungulu wabye. Ezek. 43:7; 2 Kor. 6:16

1 Pedro 2:10

nwina lava a kale mu nga kala mu nga hi tiko, kanilezi makunu mu tiko ga Nungungulu; nwina lava mu nga kala mu nga mahelwangi wuxinji, kanilezi makunu mu mahelwe wuxinji. Hos. 2:23; Rom. 9:25

Maheberu 11:16

Kanilezi makunu va navela a tiko gi nene ku hunza gona, legi gi nga le tilweni; hi kota ya lezo Nungungulu a nga na tingana a ku vitanwa lezaku i Nungungulu wabye; hakuva i va longisele muti. Ekso. 3:6, 15; Fil. 3:20

Va le Roma 8:31

Makunu hi taku yini hi lezi zilo ke? Loku Nungungulu a hi zinwe na hina; himani loyi a nga hi vukelako ke?

Mateu 22:32

Mina nzi Nungungulu wa Abrahama, ni Nungungulu wa Isaka, ni Nungungulu wa Jakobe? Nungungulu a hi Nungungulu wa vafileko, kanilezi ngwa vahanyako. Ekso. 3:6, 18; Lu. 20:38

Zakaria 13:9

A xipanze lexi xa wunharu nzi ta xi enghenisa nzilweni, nzi va basisa ku fanana ni siliva yi nyekisilweko, nzi va ringa ku fanana ni nzalama. Va ta khongela vitweni ga mina, nzi va ingisa. Nzi taku: Vona mbanhu va mina. Vona vaku: Jehova i Nungungulu wa hina. Mal. 3:3; Joh. 20:28; 1 Ped. 2:6

Hosea 1:10

Hambulezo a tsengo wa vanana va ka Israeli wu ta fanana ni tsengo wa seke ga bimbi gi nga zi kotiko ku hlayiwa hambu ku pimiwa. Ku ta chikela xikhati xaku lezi va nga byelilwe ku ngalo: A mu vanhu va mina, ku ta wuliwa ka vona lezaku: Mu vana va Nungungulu a hanyako. Gen. 32:12; Rom. 9:25; 1 Ped. 2:10

Jeremia 31:33

Kanilezi lexi hi xivumelwano nzi to xi maha ni yindlu ya ka Israeli Anzhako ka lawo masiku, ku wula Jehova: Nzi ta veka nayo wa mina nzeni kabye, Nzi wu tsala timbilwini tabye; Nzi tava Nungungulu wabye, Na vona va tava vanhu va mina. Ezek. 11:19; 2 Kor. 6:16

Isaya 41:20

Kasi vanhu va zi wona, va tiva, Va xiyisisa va pima lezaku i canja ga Nungungulu gi mahileko lezo, Ni lezaku Loyi a Basileko wa ka Israeli i zi vangile.

Tisimu 81:6

Nzi susile a nzhwalo katleni gakwe, Ni mandla yakwe ma ruliwa xirunzwini. Ekso. 1:14; 6:6

Eksodusi 16:12

Nzi zwile kubhonga ka vanana va ka Israeli; va byele uku: Ni gambo mu taga nyama; ni mixo mu ta xura hi zibaba, kasi ma fela ku tiva lezaku hi mina Jehova, Nungungulu wa nwina.

Eksodusi 6:6

Hikwalaho va byele a vanana va ka Israeli uku: Hi mina Jehova, nzi ta mu rula a nzhwalo wa vaGipite; nzi ta mu lwela; nzi ta mu tlhatlha wukhumbini gabye, nzi mu hletela hi canja ga ntamu, ni kuphota ka hombe.

Eksodusi 2:11

Hi lexo xikhati, laha Mosi a nga kulile, i lo enzela vamakabye vakwe, leyo i lo ya wona a mikhinyavezo yabye yo tika. Laho i lo wona a muGipite na aba wanuna wa ka kabye, wa muHeberu.

Eksodusi 16:6

Zonake Mosi na Aroni va te ngalo ka vontlhe vanana va ka Israeli: Laha gambyeni mu ta zi tiva lezaku hi Jehova a nga mu humesa tikweni ga Gipite.

Levi 11:44

Hakuva hi mina Jehova, Nungungulu wa nwina; hikwalaho mu ta ti basisa, muva lava va basileko, hakuva mina nzi basile. Mu nga ti nyenyezisi mimiri ya nwina hi ziharana lezi zi kokakokako laha misaveni. 1 Ped. 1:16

Levi 11:45

Hakuva hi mina Jehova loyi a mu humesileko tikweni ga le Gipite, kasi nzi fela maha Nungungulu wa nwina. Hikwalaho basani, hakuva mina nzi basile.

Isaya 49:23

A tihosi ti tava vawundli va vana va wena, Ni vazinza va tava vaanwisi vabye; Va ta korama lahasi mahlweni ka wena, Va laza a ntshuri wa mikonzo ya wena. Wena u ta zi tiva lezaku nzi mina Jehova, Ni lezaku lava va nzi lavelelako va nga ta wiswa tingana.

Isaya 49:26

A vatsimbeketi va wena nzi ta va gisa nyama yabye, Va ta popiwa hi nkhata wabye wutsumbu, khwatsi hi vinya giswa; Zonake a nyama yontlhe yi ta zi tiva lezaku mina Jehova nzi muhanyisi wa wena, Ni Nyamintamu wa ka Jakobe Mutiruli wa wena.

Isaya 60:16

U ta anwa a mafi ya matiko, Ina, u ta anwa a mavele ya tihosi; Zonake u ta zi tiva lezaku mina Jehova nzi Muhanyisi wa wena Ni Mutiruli wa wena, a Nyamintamu wa ka Jakobe.

Isaya 63:8

Hakuva i te ngalo: Hakunene, mbanhu va mina, A vanana va ta nga kala va nga hluwuki; Zinghaho ava muhanyisi wabye.

Jeremia 30:22

Nwina mu tava vanhu va mina, Na mina nzi tava Nungungulu wa nwina.

Ezekieli 20:19

Hi mina Jehova a Nungungulu wa nwina; fambani hi milayo ya mina, mu hlayisa a zileletelo za mina mu zi maha.

Genesisi 26:3

Tshama tikweni legi, nzi tava na wena, nzi ku katekisa; hakuva wontihe laya matiko nzi ta ma nyika ka wena ni ka pswalo wa wena, nzi ta tiyisa xifungo lexi nzi nga hlambanya ka Abrahama a raru wa wena.

Genesisi 28:13

Languta, Jehova i wa yimile hi le magumeso ya wona, aku: Hi mina Jehova Nungungulu wa Abrahama a raru wa wena, ni Nungungulu wa Isaka; legi tiko u etleleko ka gona, nzi ta ku nyika gona, ni pswalo wa wena;

Eksodusi 7:17

Jehova i ngalo: U ta zi tiva makunu lezaku hi mina Jehova: Nzi taba a mati ya congo hi nhonga ya mina, ma ta hunzuka ma maha nkhata.

Eksodusi 13:3

Zonake Mosi aku ka vanhu: Alakanyani a siku legi mu humesilweko ha gona le Gipite, a ndlwini ya wukhumbi; hakuva Jehova i lo mu humesa hi canja ga ntamu; hikwalaho mu nga dzuki muga lezi zi comelweko hi siku lego.

Eksodusi 13:14

Zonake loku a nʼwana wa wena a ta ku wutisa hi ka zinwani zikhati, aku; Lezi zi wula yini? U taku ka yena: Jehova i lo hi humesa hi canja ga ntamu lomu ndlwini ya wukhumbi;

Eksodusi 14:4

Mina rizi ta nonohisa a mbilu ya Faro, na yena i ta va lanza; zonake mina nzi tava ni wudumo hi Faro ni yimpi yontlhe; ni vaGipite va ta zi tiva lezaku hi mina Jehova. Zonake va lo maha lezo.

Eksodusi 14:18

A vaGipite va ta zi tiva lezaku hi mina Jehova, loku nzi ti mahela wudumo ha Faro ni tikareta takwe, ni vakhileli vakwe va mahaxi.

Eksodusi 15:2

Jehova hi ntamu wa mina, ni lisimu la mina; Yena hi Muhanyisi wa mina. Hi yena Nungungulu wa mina, nzi ta mu dumisa; I Nungungulu wa dadani, nzi ta mu kulisa.

Eksodusi 15:16

A kuchava ni kururumela zi lowa hehla kabye; Hi canja ga wena ga ntamu, Va hunzukile va maha timbeveve ti fananako ni maribye, Kala a vanhu va wena va tlhatuka, O Jehova! Va kala va tlhatuka a vanhu lava u va tiruleko.

Mitsengo 15:41

Hi mina Jehova, Nungungulu wa nwina, loyi a mu humesileko le Gipite, kasi nzi fela ku maha Nungungulu wa nwina. Hi mina Jehova Nungungulu wa nwina.

Deuteronome 29:5

Mina nzi mu rangele lomu xiwuleni 40 wa malembe; a tinguwo ta nwina a ti hlakalangi mimirini ya nwina, ni zilato za nwina a zi hlakalangi mikonzweni ya nwina;

Deuteronome 29:12

Mu yimile laha kasi nwina mu fela ku enghena ka xivumelwano xa Jehova Nungungulu wa nwina, lexi xi tiyiswako hi kuhlambanya, lexi Jehova Nungungulu wa wena a xi mahako zinwe na wena legi siku.

1 Tihosi 8:60

kasi wontihe matiko ya laha misaveni ma fela ku zi tiva lezaku Jehova hi Nungungulu, ni lezaku a nga kona munwani. Deut. 4:35, 39

1 Tihosi 20:28

A munhu wa Nungungulu i lo tshinela laha kusuhani a ta byela a hosi ya ka Israeli, aku: Jehova i ngalo: Lezi a maSiria me ngalo: Jehova i Nungungulu wa zitsunga, a hi Nungungulu wa lomu tibaleni; mina nzi ta nyikela xontlhe xidlemo lexi mandleni ya wena, kasi nwina ma fela ku zi tiva lezaku hi mina Jehova.

Nehemia 1:10

Makunu tawa hi malanza ya wena, a vanhu va wena, lava u va tiruleko hi ntamu wa wena, hi canja ga wena ga ntamu.

Tisimu 100:3

Tivani lezaku Jehova i Nungungulu, Hi yena a nga hi maha, hi vakwe; Hi tiko gakwe, a tiyivu leti a ti risako. Ezek. 34:31; Joh. 10:11

Isaya 51:15

Hakuva nzi Jehova a Nungungulu wa wena, Loyi a vindlusako a bimbi lezaku ma gobhoza a mabyandlati ya gona; A vito gakwe hi Jehova wa tiyimpi.