Eksodusi 40:18 - Tshwa Bible

¹⁸ Mosi i lo yimisa a tabernakeli, a veka zikhato za gona, a yimisa a mapulango ya gona ni ku enghenisa tivalelo, a yimisa ni timhanze.

Eksodusi 40:18 Referans Kwoze

Kuvululelwa 21:3

Zonake nzi lozwa a gezu ga hombe gi huma xitshanwini xa wuhosi, giku: Langutani, a tabernakeli ga Nungungulu gi kona xikari ka vanhu; i ta tshama navo, vona va tava vanhu vakwe, ina Nungungulu wutsumbu i tava navo, ava Nungungulu wabye. Ezek. 43:7; 2 Kor. 6:16

1 Pedro 1:5

nwina lava mu hlayiswako hi ntamu wa Nungungulu hi kukholwa, kasi ma kuma a kuhanyiswa loku ku longileko ku wonekeliswa xikhatini xo gumesa. Joh. 10:28

1 Timote 3:15

kasi loku nzi hlwela u fela ku zi tiva lezaku a vanhu va fela ku tshamisa kuyini ndlwini ya Nungungulu, leyi yi nga bandla ga Nungungulu a hanyako, yi nga mhanze ni xiseketelo xa zinene.

Va le Galatia 4:4

Kanilezi loku a xikhati xi tatisekile, Nungungulu i lo rumela a Nʼwana wakwe a belekilweko hi wasati na a pswalelwe lahasi ka nayo; Gen. 49:10; Isa. 7:14; Dan. 9:24; Mat. 5:17; Mar. 1:15; Joh. 1:14

Mateu 16:18

Na mina nziku ka wena: Wena u Pedro, a hehla ka ribye legi nzi ta aka handla ga mina; a tinyangwa ta Hayidesi ti nga ta gi hluta. Joh. 1:42; Efe. 2:20; Kuv. 21:14

Isaya 33:24

A ku na muaki ni munwe a ta ngaku: Nza babya! A vanhu va akileko lomu va ta tsetselelwa zionho zabye. Joeli 3:10; Zak. 12:8

Levi 26:11

Nzi ta aka a yindlu ya mina xikari ka nwina, ni muhefemulo wa mina wu nga ta swireka ha nwina. 2 Kor. 6:16

Eksodusi 40:2

Hi siku go ranga ga hweti yo sangula, u ta yimisa a yindlu ya tenda ga mutlhangano,

Johani 1:14

Zonake Gezu gi lova ni miri, gi tshama xikari ka hina; hina hi lo wona kungangamela kakwe, ku nga kungangamela loku Dadani a nyikako a Nʼwana wakwe a belekilweko yece, na a tele hi wuxinji ni zinene. Isa. 40:3; Mat. 1:16; Rom. 1:3

Eksodusi 40:17

Hi siku go ranga ga hweti yo sangula ya lembe ga wumbiri, a tabemakeli gi lo yimiswa.

Eksodusi 40:19

Zonake i lo fulela a tabernakeli hi zifulelo, a tlhateka xifenengeto hehla ka xona, kota lezi Jehova a nga leletela Mosi.

2 Samueli 7:6

Hakuva cima a nzi se nga tshama lomu ndlwini kusukela siku lego nzi nga humesa ha gona va ka Israeli le Gipite, nzi wa hi mufambi, na nzi tshamile lomu tendeni ni lomu tabernakeleni. Ekso. 26:1; 1 Tih. 8:16