Eksodusi 40:13 - Tshwa Bible

¹³ zonake u ta ambexa Aroni hi tinguwo leti ti basileko, u mu tota, u mu basisa kasi a tira a ntiro wa wupristi mahlweni ka mina.

Eksodusi 40:13 Referans Kwoze

Eksodusi 28:41

U ta ambexa a nakuloni Aroni ni vana vakwe, u va tota hi mafura, u va basisa, kasi vave ntirweni wa wupristi mahlweni ka mina.

1 Johani 2:27

Kanilezi a kutotiwa loku mu ku amukeleko hi ka yena ku tshamile ka nwina, a za ha laveki lezaku mu gonziswa hi munhu; kanilezi kota lezi a kutota kakwe ku mu gonzisako zontlhe zi nga zinene, na ku nga hi na wunwa, tshamani ka yena kota lezi ku mu gonzisileko. Jer. 31:33; Joh. 14:26; Maheb. 8:10

1 Johani 2:20

Nwina mu totilwe hi Loyi wa Kubasa, ma zi tiva zilo zontlhe. Joh. 10:4, 5; Miti. 3:14; Maheb. 1:9

Maheberu 10:29

Xana a mu alakanyi nwina lezaku i fanelwe hi kubiwa ku tshisako ko hunza lezi, loyi a kanziheleko a Nʼwana wa Nungungulu, na a kanyisa a nkhata wa xivumelwano, lowu a nga basiswa ha wona, a engeta a rukatela a Moya wa tipswalo ke? Mat. 12:31; 1 Kor. 11:29

Maheberu 10:10

Hi kuranza kwaloko hi basisilwe hi kunyikelwa ka miri wa Jesu Kristu kanwe ku mbhela. Joh. 17:19

Johani 17:19

Nza ti basisela vona, lezaku vonawu va basisiwa zineneni. 1 Kor. 1:2; 1 Tes. 4:7; Maheb. 10:10

Johani 3:34

Hakuva loyi Nungungulu a mu rumileko, i wulawula timhaka ta Nungungulu; hakuva Nungungulu a nga nyiki Moya hi lipimo. Lu. 7:16; 24:19; Xip. 1:16

Isaya 61:1

A Moya wa Hosi Jehova wu le hehla ka mina, Hakuva Jehova i nzi totile akuva nzi kanela a mahungu yo saseka ka lava va vumalako; I nzi rumile a ku chuma lava va nga ni timbilu ti tshovekileko, Ni kuba hungu ga kutlhatlheka ka laʼva bohilweko, Ni kutlhatlhiswa ka tiperesu; Mat. 11:5; Lu. 4:18

Eksodusi 40:14

U tshineta ni vana vakwe, u va ambexa a tinguwo;

Levi 7:36

Lexi Jehova a leleteleko a vanana va ka Israeli lezaku va va nyika, kusukela gona siku lego va totiwako ha gona, xi tava xiavelo xabye xa kala kupinzuka ka zizukulwana zontlhe.

Levi 8:13

Zonake Mosi i lo vitana a vana va Aroni, a va ambexa tinguwo, a va boha mabhandi, a va vekela zihuku, kota lezi Jehova a leleteleko Mosi.

Eksodusi 29:7

U ta teka mafura yo tola u ma chela laha hlokweni, u mu tota.

Levi 7:35

Hi xona xiavelo xa Aroni ni vana vakwe ka yontlhe miphahlo leyi yi hiselwako Jehova, va nga nyikwa xona a sikwini va nga wumbelwa ntirweni wa wupristi ka Jehova.