Eksodusi 35:21 - Tshwa Bible

²¹ Zonake munhu ni munhu, lava va vuxilweko timbilwini tabye, ni vontlhe lava va zi ranzako, i lo neha minyikelo yakwe ka Jehova, kasi yi ta tira a ntiro wa tenda ga mutlhangano, ni zontlhe za ntiro wa gona, ni tinguwo ti basileko.

Eksodusi 35:21 Referans Kwoze

Eksodusi 25:2

Byela a vanana va ka Israel lezaku va nzi nehela a hlengo. Mu ta amukela a hlengo wa mina ka munhu ni munhu loye a humesako hi kuxalala.

1 Kronekele 29:14

Hakuva nzi maniwo, ni vanhu va mina zini, ko kala hi zi kota ku nyikela a zilo lezi ke? Hakuva zontlhe zita hi ka wena; lezi hi ku nyikileko hi zi kumile canjeni ga wena.

Eksodusi 35:29

A vanana vontlhe va ka Israeli, vavanuna kutani vavasati, vontlhe lava a timbilu tabye ti ranzako ku nyikela nchumu, kasi ku tira lezi Jehova a layeleko ha Mosi, va lo humesa hi matsenya a munyikelo ka Jehova.

Eksodusi 35:26

Vontlhe vavasati lava va vuxilweko lomu timbilwini tabye va lo luka a woya ga timbuti.

Eksodusi 35:5

Humesani xikari ka nwina a hlengo ka Jehova. Munhu ni munhu loyi a ranzako hi mbilu yakwe, a neha ka Jehova a hlengo wakwe: a nzalama ni siliva ni suku;

Eksodusi 36:2

Zonake Mosi i lo vitana Bezaleli na Oholiaba, ni vontlhe vameseri, lava Jehova a va nyikileko wutlhari timbilwini tabye, ni vontlhe lava timbilu tabye ti susumetwako ku tira mitiro.

Eksodusi 35:22

Ku lota vavanuna ni vavasati; vontlhe lava va zi ranzako hi timbilu tabye va neha zingwavila, ni masinza, ni tiphera, ni tixakaxaka ta mitiro ya nzalama; loyi ni loyi i lo nyikela a munyikelo wakwe wa nzalama lowu a wu longiseleko Jehova.

2 Va le Korinte 9:7

A munwe ni munwani a nyike kota lezi a xuvako mbilwini yakwe; na a nga karateki, kutani ku kurumetwa; hakuva Nungungulu wa ranza loyi a nyikako na a xalele. Ekso. 25:2; 35:5; Deut. 15:7; Rom. 12:8

2 Va le Korinte 8:12

Hakuva loku ku hi kona kuxuva ku nyika, a xinyikiwo xa amukeleka kotisa lezi munhu a nga nazo, na ku nga kotisi lezi a nga hiko nazo. Mar. 12:43, 44; Lu. 21:3

Mateu 12:34

Nwina pswalo wa tinyoka, mu ta zi kotisa kuyini ku wulawula a timhaka ti nene, lezi mu bihileko ke? Hakuva a nomu wa wulawula hi wunyingi ga mbilu. Xip. 3:7; Lu. 6:45

Jeremia 30:21

A hosana yabye yi ta huma ka vona venyi, Ni mufumeli wabye i ta huma xikari kabye wutsumbu, Nzi ta mu tshineta, i tata ka mina; Hakuva himani a nga tiyako a tshinela ka mina ke? Ku wula Jehova.

Mavingu 4:23

Hlayisa mbilu ya wena ku hunza zontlhe, akuva yona i hlowo ya wutomi.

Tisimu 110:3

A vanhu va wena vata hi litsako, Laha wena u hlomako a yimpi ya wena, A vaswa va tshinela ka wena na va ambele wubaswa, Khwatsi hi nzhokati yi humako ni mixo.

Ezra 7:27

A ku bongiwe Jehova Nungungulu wa vadadani va hina, loyi a vekileko a timhaka ta ku nghahi mbilwini ya hosi, ta ku dzunza a yindlu ya Jehova le Jerusalema,

1 Kronekele 29:9

A vanhu va lo tsaka hi kunyikela kabye, hakuva va lo nyikela minyikelo yabye ka Jehova hi matsenya; hosi Davida i lo tsaka nguvu.

1 Kronekele 29:3

Tlhatakumbiri, hi kuranza ka mina a yindlu ya Nungungulu wa mina, lezi nzi nga nazo za nzalama ni siliva, lezi zi lumbako mina, nza zi nyikela a kuva ziva za yindlu ya Nungungulu wa mina, ahandle ka lezi nzi zi longiseleko a yindlu ya ku basa.

1 Kronekele 28:9

Wena nwananga Solomoni, tiva Nungungulu wa dadani wa wena, u mu khozela hi mbilu yi basileko ni kutsaka ka muhefemulo; hakuva Jehova wa kamba timbilu tontlhe, a tiva a timhaka tontlhe ta maalakanyo ya mbilu. Loku wena u mu hlota, u ta mu kuma; kanilezi loku wena u mu tsika, yena i ta ku hoxa kule kala kupinzuka. Isa. 55:6; Jer. 11:20; Kuv. 2:23

1 Kronekele 28:2

Zonake hosi Davida i lo yima hi mikonzo yakwe, aku: Nzi ingiseni nwina vanakulori, na nwina vanhu va mina! Nzi wa xuvile ku aka a yindlu ya arke ga xivumelwano xa Jehova, ni xikhegetelo xa mikonzo ya Nungungulu wa hina, a yindlu ya kuhumula. Nzi longisile a zilo zo aka ha zona.

2 Samueli 7:27

Hakuva wena Jehova wa tiyimpi, Nungungulu wa ka Israeli, u tivisile a nanza ga wena, uku: Nzi ta ku akela a yindlu. Hikwalaho a nanza ga wena gi tiyile mbilu gi khongela a mukombelo lowu.

Valamuli 5:12

Vuka, vuka, Debora! Vuka, vuka u yimbelela lisimu! Suka, Barake, u fambisa lava u va khomileko, wena nʼwana Abinoame!

Valamuli 5:9

A mbilu ya mina yi ka vafumeli va ka Israeli, Ni ka vanhu lava va ti nyikeleko hi kuranza kabye. Khesani Jehova!

Valamuli 5:3

Zwanani, nwina tihosi! dembani ndleve, nwina tihosana! Yena mina, nzi ta yimbelela ka Jehova; Nzi ta yimbelela nzi dzunza Jehova, Nungungulu wa ka Israeli!

Eksodusi 35:20

Wontihe a hlengeletano wa vananava ka Israeli wu lo suka mahlweni ka Mosi.

1 Kronekele 29:8

Lava va nga wa hi ni maribye ya lisima, va lo ma nyikela a kuva ma engheniswa lomu ka zilo za yindlu ya Jehova, va ma nyikela mandleni ya Jehieli a muGerxoni.

Ezra 2:68

Laha va nga wa chikele le ndlwini ya Jehova le Jerusalema, a tinwani tihosana ta tiyindlu ta vadadani vabye, ti lo nyikela ka yindlu ya Jehova a minyikelo ya kuranza kabye, kasi ku fela ku vuxiwa a xita xa yona.