Eksodusi 33:9 - Tshwa Bible

⁹ Laha Mosi na enghenile lomu Tendeni, a mhinga ya refu yi lo relela, yi ta yima laha nyangweni ka Tenda, zonake Jehova a wulawula na Mosi.

Eksodusi 33:9 Referans Kwoze

Tisimu 99:7

I lo wulawula ka vona mhingeni ya refu, Va lo hlayisa wumboni gakwe Ni nawo lowu a nga va nyika.

Eksodusi 31:18

Makunu laha Jehova a nga mbhetile ku wulawula na Mosi le xitsungeni xa Sinai, i lo mu nyika maribye mambiri ya milayo, laya ma tsalilweko hi litiho la Nungungulu.

Ezekieli 3:22

A canja ga Jehova gi wa hi hehla ka mina, aku ka mina: Suka uya livaleni, nzi ta wulawula na wena laho.

Mitsengo 11:17

Mina nzi ta relela, nzi ta wulawula na wena kwalaho; nzi ta pambu a a moya lowu wu nga ka wena, nzi wu chela hehla kabye, vona va ta rwala zinwe na wena a nzhwalo wa vanhu, kasi u nga rwali wece.

Eksodusi 34:9

Hosi, loku mina nzi kumile thomo mahlweni ka wena, ngha a Hosi yi famba na hina; hakuva hakunene mbanhu va tinhamu to nonoha, kanilezi hi tsetselele kuonha ka hina ni zihambuko za hina; zonake u ta hi fuya hiva tshomba ya wena.

Eksodusi 34:3

A munhu a nga dzuki a kanziha zinwe na wena; ni munhu a nga woneki le xitsungeni, hambu tiyivu ni tihomu ti nga nga dzuki tiga kusuhani ni xitsunga lexi.

Eksodusi 33:11

Jehova i lo tshama a wulawula na Mosi, na va cuwukene, khwatsi hi loku a munhu a wulawula ni xaka gakwe. Zonake Mosi i lo tlhelela wugovelweni; kanilezi Joxua a nʼwana wa Nuni, a nanza gakwe ga jaha, cima i wa nga suki lomu Tendeni.

Eksodusi 25:22

Nzi ta ti wonekisa ka wena kwalomo hi le xitshanwini xa wuxinji, xikari ka makerubima lawa ma nga hehla ka nghaxa ya xivumelwano, nzi wulawula na wena hi zileletelo zontlhe lezi nzi ta nga zi nyika vaIsraeli ha wena.

Genesisi 18:33

Jehova i lo suka a famba laha a nga wa mbhetile ku wulawula na Abrahama; yenawu Abrahama i lo tlhelela kaya kakwe.

Genesisi 17:22

Zonake laha Nungungulu na a mbhetile ku wulawula na Abrahama, i lo tlakukela hehla.

Eksodusi 33:8

Makunu ku waku loku Mosi a huma kuya le Tendeni, a vanhu vontlhe va yima, munwe ni munwani laha nyangweni ya tenda gakwe, va cuwukela Mosi kala a ya enghena lomu Tendeni.

Eksodusi 33:10

A vanhu vontlhe laha na va wona a mhinga ya refu laha nyangweni ya Tenda, va lo khizama, munwe ni munwani laha nyangweni ya tenda gakwe.

Eksodusi 34:5

Zonake Jehova i lo relela hi refu; Mosi i lo yima kusuhani na yena, a huwelela a vito ga Jehova.

Deuteronome 31:14

Jehova i te ngalo ka Mosi: A masiku ya wena ya kufa ma tshinele kusuhani! Vitana Joxua, uta naye lomu ka tenda ga mutlhangano, nzi ta ta mu wumbela lomo. Zonake Mosi na Joxua va lo ya yima lomu ka tenda ga mutlhangano.

Deuteronome 31:15

Jehova i lo woneka lomu tendeni hi mhinga ya refu laha nyangweni ya tenda.

Mitsengo 7:89

Ku waku loku Mosi a enghena lomu ka tenda ga mutlhangano a ku ya wulawula na Nungungulu, azwa a gezu na gi wulawula naye, na gi zwala hi le xitshanwini xa wuxinji, lexi xi nga hehla ka arke ga xivumelwano, hi lomu xikari ka makerubima mambiri; zinghaho Jehova i lo wulawula naye.