Eksodusi 32:5 - Tshwa Bible

⁵ Makunu laha Aroni a nga wona lezo, i lo aka a alati mahlweni ka role; zonake Aroni i loba hungu, aku ngalo: Manziko ku tava mubuzo wa Jehova.

Eksodusi 32:5 Referans Kwoze

2 Tihosi 10:20

Jehu i te ngalo: Rambani a tlhangano wa hombe wo basa wa Baali. Va lo wu ramba.

Levi 23:37

Leyi hi yona mibuzo ya Jehova, leyi mu ta nga yi tiyisa a kuva mitlhangano ya kubasa; lezaku ku nyikelwa ka Jehova a miphahlelo ya kuhiswa, ni minyikelo ya zakuga, ni muphahlelo, ni minyikelo ya kunwa; a zilo zinwani ni zinwani zi ta humesiwa hi siku ga zona.

Levi 23:2

Byela a vanana va ka Israeli, uku ka vona: Leyi hi mibuzo ya Jehova leyi mu ta nga leletela lezaku yiva mitlhangano ya kubasa: a mibuzo ya mina hi leyi:

1 Va le Korinte 5:8

Hikwalaho a hi hlayiseni a mubuzo wa kona, na ku nga hi comelo ga kale, hambu hi comelo ga livengo ni kubiha; kanilezi hi xibaba xi nga comelwangiko xa kuhlazeka ni zinene. Ekso. 12:15; Deut. 16:3

Hosea 8:14

Hakuva Israeli i rivele a Mumahi wakwe, a aka ziluvelo; na Juda i anzisile a miti yi bhiyelweko. Kanilezi nzi ta rumela a nzilo hehla ka miti yakwe, wu ta hisa a ziluvelo za yona.

Hosea 8:11

Efraime i anzisile a maalati ma vangako kuonha, a maalati ya kona ma mu kucetele kuonheni.

2 Kronekele 30:5

Zinghaho va lo yimisa xikungo lexo xa ku tivisa lomu tikweni gontlhe ga ka Israeli, kusukela le Berexeba kala le Dani, lezaku vata le Jerusalema a ku ta maha Pasika ga Jehova Nungungulu wa ka Israeli, hakuva ku wa hunzile malembe yo tala na va nga yi mahangi, khwatsi hi lezi ku layilweko.

2 Tihosi 16:11

Zonake mupristi Urija i lo aka a alati, a maha zontlhe khwatsi hi lezi hosi Ahaza a leleteleko na a hi le Damasku; i lo maha zalezo mupristi Urija hosi Ahaza na a nga se wuya hi le Damasku.

1 Tihosi 21:9

Lomu mapapilweni i tsalile ku ngalo: Banani hungu ga kuyila, mu nyika Nabote a wutshamu ga le mahlweni;

1 Samueli 14:35

Saule i lo aka a alati ga Jehova, gi nga alati go sangula legi a nga akela Jehova.

Levi 23:21

Ka gwalego siku mu ta ramba mutlhangano lowu wu basileko; mu nga tiri hambu ni ntiro munwe wo tika. Lexi xi tava xileletelo xa kala kupinzuka ka zizukulwana za nwina, ka wontihe matlhelo lawo mu ta nga aka ka wona.

Levi 23:4

Leyi hi mibuzo ya Jehova, hi lezaku mitlhangano yi basileko leyi mu to leletela vanhu ha yona hi zikhati za yona:

Eksodusi 32:4

I lo zi amukela, a zi nyekisa, a zi vatla hi nzhemo, ku huma a role ga nzalama yi nyekisilweko. Zonake vaku: Hi loyi nungungulu wa wena, Israeli, loyi a ku humesileko tikweni ga Gipite. Tis. 106:19

Eksodusi 12:14

Lego siku gi tava xialakanyiso ka nwina; mu ta gi hlayisa giva siku ga ximuse ka Jehova zizukulwaneni zontlhe za nwina: ku tava xiyimiso xa kala kupinzuka.

Eksodusi 10:9

Mosi aku; Hi ta famba ni vanana va hina, ni zikhosana za hina, ni vafana va hina, vi vanhanyana va hina, ni tiyivu ta hina, ni tihomu ta hina; hakuva hiya nkhozweni ya Jehova.

Eksodusi 32:6

Zonake va lo vuka ni mixo va maha miphahlo yo hiswa ni miphahlo ya ku khesa. Zonake va lo tshama lahasi vaga, vanwa, va suka va hlakana.

Eksodusi 17:15

Mosi i lo aka a alati, a gi chula a vito ga Jehova-nisi.